Popular Bible Verses from Lukas 17

Share

Tes Yexus txawm has rua tug ntawd tas, “Koj cale sawv hab moog; koj txuj kev ntseeg tub ua rua koj zoo lawm.”

Yog ib nub nwg ua txhum rua koj xyaa zag, tabsis nwg yeej rov tuaj leeg rua koj txug xyaa zag has tas, ‘Kuv tau ua txhum lawm,’ los koj yuavtsum tau zaamtxim rua nwg.”

Puab cov ntawd muaj ib tug pum tas nwg tej ruas tub zoo taag lawm, nwg txawm rovqaab lug hab qw nrov-nrov qhuas Vaajtswv. Nwg txhuscaug ndlua ntawm Yexus kutaw hab ua Yexus tsaug. Tug ntawd yog tuabneeg Xamalis.

Yogle ntawd, mej yuavtsum ceevfaaj txug yaam kws mej ua! “Yog koj ib tug kwvtij ua txhum rua koj, koj yuavtsum ntuag nwg. Yog nwg leeg kev txhum lawm, koj yuavtsum zaamtxim rua nwg.

Yexus has tas, “Muaj kaum leej tub zoo huv tuabsi lawm; cuaj leeg u ne, ho dlua twg lawm?

Tug Tswv teb tas, “Yog mej muaj kev ntseeg luaj le ib lub noob maxataj, mej muaj peevxwm has rua tsob ntoo zaub kaab nuav tas, ‘Cale rhu hlo caag hab moog cog rua huv havtxwv!’ tes tsob ntoo zaub kaab ntawd yeej yuav noog mej has.

Tug kws xaav ceev nwg txujsa, tug ntawd yuav nplaam txujsa, tabsis tug kws yeem ca nwg txujsa tu, tug ntawd yuav tau txujsa.

Yexus has rua Nwg cov thwjtim has tas, “Txawm lecaag los yeej yuav muaj tej keeb kws ua rua tuabneeg ua txhum, tabsis tug kws xeeb lub keeb ntawd yuav raug kev puamtsuaj! Tug kws ua rua cov mivnyuas nuav ib tug ua txhum, cale muab hlua khi ib txhibzeb kws luj dlai rua tug ntawd cejdlaab hab muab nwg pov rua huv havtxwv kuj zoo dlua!

“Tam kws Nau-as ua neej nyob zoo lecaag, tes lub sijhawm kws Tuabneeg Leejtub lug yuav zoo ib yaam nkaus le ntawd. Tej tuabneeg suavdlawg najnub noj hab haus, yuav quaspuj yuav quasyawg, hab ua tshoob ua kug moog txug ncua nub kws Nau-as nce moog rua huv nkoj, hab dlej lug nyaab tej tuabneeg ntawd tuag taag huv tuabsi.