Popular Bible Verses from San Lucas 19

Share

Sa̱kanꞌ ña̱ yuꞌu̱, ña̱ nduuꞌ tu̱ te̱ yivi̱ꞌ ndii, ni̱ xa̱a̱ i̱ i̱i̱n yivi̱ꞌ, te̱ na̱ndu̱kuꞌ i̱ ne̱ ni̱ ku̱xikaꞌ nuu̱ꞌ Ndiosí te̱ sa̱kakú ña̱ꞌaꞌ i̱ ―ni̱ kachi̱ a̱.

kaꞌán ni̱a̱ ndii: ―¡Sañuꞌuꞌ va̱ xto̱ꞌo̱ e̱ꞌ ña̱ kua̱xi̱ kuenta a̱ kaa̱ꞌ, ña̱ nduuꞌ ña̱ xaꞌndia chuunꞌ nuu̱ꞌ e̱ꞌ, te̱ taxiꞌ a̱ nde̱e̱ ndi̱viꞌ ña̱ yoo e̱ꞌ ña̱ mani̱ꞌ xiinꞌ a̱! ¡Na na̱ti̱i̱n Ndiosí, ña̱ nduꞌu̱ꞌ ndi̱e̱nu̱, ña̱ xakaꞌnuꞌ ña̱ꞌaꞌ e̱ꞌ! ―ni̱ kachi̱ ni̱a̱.

Sa̱kanꞌ te̱ ni̱ kaꞌa̱n a̱ ndii: ―Vi̱ti̱n ni̱ sa̱kakú Ndiosí te̱ yo̱ꞌo̱ꞌ xiinꞌ ne̱ ndieeꞌ vi̱ꞌe̱ ra̱, sa̱kanꞌ ña̱ i̱i̱n si̱a̱niꞌ xikaꞌ Abraham nduuꞌ tu̱ ra̱ xaꞌa̱ꞌ a̱ ña̱ i̱ni̱ ra̱ xini ra̱ Ndiosí nde̱e̱ naa te̱ ja̱a̱nꞌ.

Te̱ kii̱ꞌ ni̱ xa̱a̱ Jesús miiꞌ iinꞌ i̱tunꞌ ja̱a̱nꞌ ndii, ni̱ na̱ko̱to̱ a̱ ni̱nu̱, te̱ ni̱ kaꞌa̱n a̱ xiinꞌ ra̱ ndii: ―Zaqueo, kuan nu̱u̱ kii̱ꞌ, sa̱kanꞌ ña̱ kivi̱ꞌ vi̱ti̱n kuní a̱ na̱ndiee̱ꞌ i̱ vi̱ꞌe̱ u̱nꞌ ―ni̱ kachi̱ a̱. Sa̱kanꞌ te̱ ni̱ nu̱u̱ kiꞌi̱ꞌ ra̱, te̱ kuatiaꞌ i̱ni̱ ra̱ kii̱ꞌ nakaꞌ ña̱ꞌaꞌ ra̱ kuaꞌa̱n a̱ vi̱ꞌe̱ ra̱.

Ni̱ xi̱kuii̱n ndi̱chi̱ Zaqueo, te̱ ni̱ kaꞌa̱n ra̱ xiinꞌ xto̱ꞌo̱ e̱ꞌ ndii: ―Tákuiꞌe, taꞌvi̱ꞌ sa̱va̱ sa̱kuuꞌ ña̱ kumiꞌ i̱ sa̱mani̱ꞌ i̱ ne̱ ndaꞌvi kuuꞌ, te̱ naaꞌ ni̱ xa̱kuiꞌnaꞌ sikiꞌ i̱ ña̱ꞌa̱ yo̱o̱ ka̱ ndii, sa̱na̱ndikoꞌ i̱ ña̱ ja̱a̱nꞌ ku̱miꞌ i̱chiꞌ kuaꞌa̱ꞌ ka̱ a̱ nda̱ꞌaꞌ ni̱a̱ ―ni̱ kachi̱ ra̱.

Sa̱kanꞌ te̱ ni̱ kaꞌa̱n sa̱va̱ te̱ fariseo, te̱ kaꞌni̱ te̱i̱n ne̱ yivi̱ꞌ ja̱a̱nꞌ, xiinꞌ Jesús ndii: ―Tákuiꞌe, ka̱siꞌe̱ u̱nꞌ nuu̱ꞌ ne̱ ndikún i̱chiꞌ u̱nꞌ kaa̱ꞌ te̱ käꞌa̱n ni̱a̱ ña̱ ja̱a̱nꞌ ―ni̱ kachi̱ ra̱. Sa̱kanꞌ te̱ ni̱ kaꞌa̱n Jesús xiinꞌ ra̱ ndii: ―Kaꞌán i̱ xiinꞌ ndo̱ꞌ ña̱ naaꞌ ko̱o̱ taxi̱nꞌ yu̱ꞌuꞌ ne̱ kaa̱ꞌ ndii, xa̱ꞌaꞌ yuu̱ꞌ kua̱aꞌ tiꞌeꞌ a̱ ña̱ kaꞌán ne̱ kaa̱ꞌ ―ni̱ kachi̱ a̱.