Popular Bible Verses from San Juan 9

Share

Kuní a̱ sa̱a̱ i̱ chu̱u̱n ña̱ ni̱ sa̱kuisoꞌ chuunꞌ ña̱ ni̱ ti̱a̱nu̱ꞌ yuꞌu̱ sa̱a̱ i̱ ña̱ kuní ka̱ kua̱a̱ꞌ. Sa̱kanꞌ ña̱ kii̱ꞌ ku̱ñu̱u ndii, kö̱o̱ꞌ ku̱vi̱ sa̱chuunꞌ ka̱.

Vi̱ti̱n ña̱ yoo i̱ i̱i̱n yivi̱ꞌ yoꞌoꞌ ndii, nduuꞌ i̱ ñuꞌu̱ ña̱ niaꞌá sa̱a̱ kuuꞌ Ndiosí ―ni̱ kachi̱ a̱.

Te̱ ni̱ nda̱tuꞌu̱nꞌ ña̱ꞌaꞌ te̱ nda̱ꞌaꞌ xaꞌa̱ꞌ a̱ ndii: ―Rabí, ¿yo̱o̱ ni̱ xa̱a̱ kua̱chi̱ na kuiꞌe ndu̱chiꞌ nuu̱ꞌ te̱ kaa̱ꞌ ni̱ tuvi̱ ra̱? ¿Ñáá mi̱iꞌ ra̱, uun ñáá yu̱vaꞌ si̱ꞌiꞌ ra̱? ―ni̱ kachi̱ ra̱. Te̱ ni̱ na̱kui̱i̱n Jesús nuu̱ꞌ ra̱ ndii: ―Ni̱ nde̱e̱ te̱ kaa̱ꞌ nï̱ xa̱a̱ kua̱chi̱, te̱ ni̱ nde̱e̱ yu̱vaꞌ si̱ꞌiꞌ ra̱ nï̱ xa̱a̱ kua̱chi̱ na kaaꞌ ra̱ sa̱kanꞌ. Süu̱ꞌ ja̱a̱nꞌ ndii sa̱kanꞌ kaaꞌ ra̱ te̱ niaꞌa̱ Ndiosí chu̱u̱n kaꞌnuꞌ a̱ kivi̱ꞌ ñu̱u̱ ra̱ sa̱a̱ i̱.

Te̱ ni̱ kaꞌa̱n Jesús ndii: ―Ni̱ xa̱a̱ i̱ i̱i̱n yivi̱ꞌ yoꞌoꞌ, te̱ niaꞌa̱ ne̱ yivi̱ꞌ sa̱a̱ yoo nimá ni̱a̱ nuu̱ꞌ Ndiosí, sa̱kanꞌ te̱ nuni̱a̱ꞌ ndu̱chiꞌ nuu̱ꞌ ne̱ kuiꞌe nuu̱ꞌ, te̱ ne̱ tuu ña̱ tuviꞌ nuu̱ꞌ ni̱a̱ ndii, ku̱kuiꞌe nuu̱ꞌ ni̱a̱ ―ni̱ kachi̱ a̱.