Popular Bible Verses from wandījo 2

Share

Kūlwa nguno yenīyī, ū ngosha akūbaleka a ba ise na nina adimane na nke wakwe; ū mu būbīlī wabo bakūbiza mīlī gūmò.

Hūna ū SEEBA Mulungu ūhaya gīkī, “Ītī yawiza ū ngosha ikale iyene, nakūmeegeja ng'wiye wa kūngunanha.”

Hūna lūūlū ū SEEBA Mulungu ūmeeja munhū kūfuma mu malongo ga ha sī; ūng'haahīla myūyī ya būpanga ū mu mūūlū gakwe ū munhū ng'wenūyo, ūbiza mpanga.

Ū Adamu ūhaya gīkī, “Ūyū ng'wene iguha lya mu maguha gane, na mīlī gwane nene ng'wenīkīlī gete; akwitanwa ‘nkīma;’ nguno afumile mulī ngosha.”

Ū Mulungu ūlūfuuha ū lūshikū lwa mpungatī, ūlweeja; nguno ū mu lūshikū lwenūlo akifuula pyī ī milīmo yakwe īyo akabeeja mu kaseemele kakwe.

Ū Adamu nū nke baalī dūūhū, alīyo baalī batī na minala.