Popular Bible Verses from Gɔwɔ tɔɔi 2

Share

Yili ɓə gaa mą, hulɔnu a həɠə nąn bɔ, ə həɠə nee pɔ, ə yili nɛ̨ą ɓa, da yaa di kɛ a nu tɔ̨nɔ̨.

Yai-Laa yɛ nwɔ̨nɔ̨ diɛ: «Mąą hvo nɛ̨ɛ̨li hulɔnu yaa tɔ̨nɔ̨ hvo kɛ yɛnɛ̨ɛ̨. Gáá mąą kpɔnmąąɓomun bɛlii ŋį́ dɛɛ bɔ.»

Nąąlɔwai ɓə Yai-Laa ə nu pɛli la a pɔlɔ, ə yɛnɛ̨ɛ̨ kɛ hvaŋą pu ɉunwɛ̨i, nu ə kɛ a hɛn vulúmąą.

Yii lɔ kɛa hulɔnu ə nɛ̨ɛ̨nu kaa, diɛ paa la bɔ, ə tómą kpɔ kɛnɛ̨, yɛ diɛ: «Yii nwɛi, gaa kpɔlɔɔ a dá! Gaa kpɔ a gɔ́w ta, yɛ ɓo a núwu ta! Naa ɓa pai kɛi a: Nɛ̨ɛ̨nu, hulɔnu hiɛ gee pulu, hvó gaai, hulɔnu ɓə ə kulɔ ɉu.»

Ə lúwɔ́ too voló mɛ̨ihveelɛ yələ ɓa, ə ɉəɠə ɉu a nwɔɔ. Mąąhɔlɔɓo, volói ti ɓə, ə ɲee laa kulɔ la gɛ koló kəlee ɓa.

Hulɔnu da nɛ̨ą di kɛ a di kpuwulu, kɛlaa, di hvo kɛ kpaan ni yili hu.