Popular Bible Verses from Chiv Keeb 17

Share

Thaus Aplaa noob nyoog muaj cuaj caug cuaj xyoos, Yawmsaub lug tshwm rua Aplaa hab has rua nwg tas, “Kuv yog Vaajtswv kws muaj fwjchim luj kawg nkaus. Ca le nrug nraim kuv hab xyum zoo kawg nkaus.

Koj lub npe yuav tsw hu ua Aplaa le lawm, yuav hu ua Aplahaa, vem kuv ua rua koj ua ntau haiv tuabneeg leej txwv.

Kuv yuav cog lug tseg ruaj rua kuv hab koj hab rua koj caaj ceg kws tshwm lug txhua tam tom qaab, ua lu lug cog tseg kws nyob moog ib txhws, has tas kuv yuav ua koj tug Vaajtswv hab ua koj caaj ceg kws tshwm lug tom qaab tug Vaajtswv.

“Nuav yog kuv tej lug kws kuv cog rua koj, koj yuav ua ntau haiv tuabneeg leej txwv.

Vaajtswv has tas, “Tsw yog le ntawd, koj tug quaspuj Xala yuav yug ib tug tub rua koj hab koj yuav tis npe hu ua Yiha. Kuv yuav cog lug tseg rua nwg ua lu lug cog tseg moog ib txhws rua nwg caaj ceg kws tshwm lug tom qaab.

Kuv yuav muab lub tebchaws Khana‑aa kws koj ua qhua nyob nuav huvsw pub rua koj hab pub rua koj caaj ceg kws tshwm lug tom qaab ua puab tug moog ib txhws le. Hab kuv yuav ua puab tug Vaajtswv.”

Aplahaa txawm khwb nkaus rua huv aav luag hab has tuabywv huv lub sab tas, “Tug txwvneej ib puas xyoo tseed muaj taug mivnyuas hab lov? Xala muaj cuaj caug xyoo lawm tseed yug tau mivnyuas hab lov?”

Hab Vaajtswv has rua Aplahaa tas, “Koj tug quaspuj Xalai, koj tsw xob hu nwg ua Xalai, yuav hu ua Xala.

Mej yuav tsum ua kevcai txav daim tawv chaw xws, ua lub hom thawj rua tej lug cog tseg rua kuv hab mej.

Kuv yuav muab kuv tej lug cog tseg rua Yiha kws lwm xyoo lub caij nuav Xala yuav yug rua koj.”

Mej cov tub kws noob nyoog muaj yim nub, yuav tsum muab ua kevcai txav. Mej yuav ua le nuav rua cov txwvneej txhua tug huv mej haiv tuabneeg txhua tam moog le, tsw has cov kws yug huv mej tsev hab cov kws mej muab nyaj yuav lwm haiv tuabneeg lug kws tsw yog mej le mivnyuas. Cov kws yug huv mej tsev hab cov kws muab nyaj yuav lug yuav tsum ua kevcai txav. Ua le nuav mas kuv tej lug cog tseg txhad nyob huv mej tej nqaj ua lu lug cog tseg moog ib txhws.