Popular Bible Verses from Luk 19

Share

Taku Wawaya Natusi apisi da wawaya siwasiwanisi atekwisi da ati yawasisi.”

“Tam Bada avanai kepipisi, Akii kiivavo, God ini biibiinim, Kunumai nuwanuba ina makai, Ma God kiidamo makamakiina tavokavakavari ma tighegheni da kana kadara ina rakata!”

Ma Yesu ivonapotei bo, “Karako wawaya weni numana kamonai yawasa makamakii nonowina ipanani, iyamna weni tomowina ivi tumaghana kubiine, tuna na Abraham tupurereghina vaghata.

Ma Yesu ipisi nani ku gawarina na itepa ma ivona bo, “Zakiyas, yaghiyaghinai keoru. Taku karako am numiiyai ana makiivipika.” Yaghiyaghinai ioru ma ere nuwabiibiina Yesu ivi kiikiiwei ma irutinaneyei ina ku numa.

Ma Zakiyas ivomiiri ma ivona bo, “Bada, kevi yaneku! Aku mura nevanevana wawaya moyamoyakisi ana veresi. Ma mikeda wawaya avi beroberowesi da i mane gisina ayapiya na ana vere meyesi, ma ruwamaruwa ku tepana ana terei.”

Koroto kamosiyai Perisi damsi viya Yesu ivonei bo, “Bada, kam kivikivina keyeghisi da kawasi ina pota!” Ma ivonapotesi bo, “Avonavonemi, mikeda ti kawasi ita pota na wakima iti karei da iti kiirareyana.”