Popular Bible Verses from T. YÔHAN 21

Share

Keuheūthëkūö cha-a nö nyā, ngaich ngö ṙô Yēsū tö Sīmōn Pītör, Sīmōn, me-eṅ kūön Yôna; mööḵlö hanāngenlōn öm tö Chu, tö vē? Ngaich ngö ṙô anga-aṅ tö Ò, Hòṅ; Mā; akahalōn Man tö chu hāngenlōn tö Meh. Ngaich ngö ṙô Anga-aṅ tö ò, Ha-aṅlö në kun pököre Chu man. Ngö ṙô hēk Ang-aṅ tö ò, im innët heuh, Sīmōn, me-eṅ kūön Yôna; hāngenlōn öm tö Chu? Ngaich ngö ṙô anga-aṅ tö Ò, Hôṅ; Mā; akahalōn Man tö chu hāngenlōn tö Meh. Ngaich ngö ṙô Anga-aṅ tö ò, Meukkö në pököre Chu man. Ngö ṙô Yēsū tö ò, īm linūöi heuh, Sīmōn, me-eṅ kūön Yôna; hāngenlōn öm tö Chu? Haṙivlōn ngaich ang Pītör, pòn linūöi heuh ṙô Ò, nö ngö, Hāngenlōn öm tö Chu? Ngaich ngö ṙô Pītör tö Ò. Mā! Tökeuheūttöre mikahlōn Man; akahalōn Man, tö chu hāngenlōn tö Meh. Ngaich ngö ṙô Ang Yēsū tö ò, Ha-aṅlö në pököre Chu man.

Tökô-ò ṙô Chin tö meh, Hē meh misī ayal, kahngenre me-eṅ kafanlöre; kiröönngöre inrē ip kū-ö lōn meh. Yē meh pöri min ngaich köṅny, hateutnyö minë këlre min me-eṅ; ngaich kafānö min tö tahëng tak; kēḵngen meh inrē ip töt kū-ö lōn meh.

Ngaich ngö ṙô Anga-aṅ tö cha, Kavalngö ngam inhāṅl, lāhāmö ngam kupòk; ngaich pô-òvö yī-ö min. Kavalhang cha-a ngaich; ngaich öt kô nö tūökö e, kūö ṙôken nuk kāḵ.

Ngö ṙô Sīmōn Pītör tö cha, Kiröönngöre chin el mai. Ngaich ngö ṙô cha-a tö ò, In meh in īhö inrē. Kiröönngöre cha-a, ngaich yôklö nö el kupòk; ngaich im hatööm cha-a nöng öt pô-òv.