Matsés

<div class="version vid631 iso6393mcf" data-vid="631" data-iso6393="mcf">
 <div class="book bkMAT">
 <div class="chapter ch14" data-usfm="MAT.14">
 <div class="label">14</div><div class="s">Uan acten mentoanquid cuessunniaid</div><div class="r">(Madc. 6.14-29; Duc. 9.7-9)</div><div class="p"> 1Adnubien Edodes Antipas cu&#235;m&#235;dquid nidaid cu&#235;sh&#235; Cadidea yacnocquidon chuiquid tapa icpan&#235;dash. Aid&#235;mbi Esus&#235;n nadatiambocquin nabanaid chuisho tantiapan&#235;dash. 2Aden tantiashun aton iuabo naden chuipan&#235;dash: Uan pado acten mentoquid nepash icnui. Umbi mapi butemiondaidi Uan uincuempash icnui. Adquid icquimbien nadatiambocquin nabanchitash, quepan&#235;dash Edodes Antipas.</div><div class="p"> 3-4Naden Edodes Antipas&#235;n Uan cuessunnemepan&#235;dash. Uan&#235;n: Mimbi bedaid Edodias min chidopenquio nec. Min utsi Uedipon chidobi bedquin Nuquin Papan Chiaid niacquin mimbi icsambuen nac,#14.3-4 D.N.Ch. 18.16b&#235;ta D.N.Ch. 20.21 tantiaquin n&#235;id dada uapan&#235;dash. quequin chiac chiesh&#235;nquin Edodes&#235;n Uan bedmeshun qu&#235;n&#235;n tsadunmepan&#235;dash.</div><div class="p"> 5Adshumbic Uan cuessunnete bunquimbi matses dadpen: Nuquin Papan oncamiaid Uan nec, quesho tantiashun: Aidon ubi cuessunnetsiash, quequin dacu&#235;d&#235;nquin badedi Uan cuessunnenquio icpan&#235;dash.</div><div class="p"> 6Adshumbic Edodes&#235;n: Ubi tishaid u&#235;sh&#235; n&#235;bi iquec, queshun matses dadpen chochomeshun aton shubun puduedmeshun pemepan&#235;dash. Adnubien ambi inaid Edodias&#235;n champin Edodes&#235;n chochomiaido sh&#235;csh&#235;cquec bidiadtannequin ismepan&#235;dash. Adsho issumbic Edodes&#235;n: B&#235;dambuen mimbi naoc, champi, 7queshun naden chuipan&#235;dash: &#191;Atotsi bune? Mibi bunaidquio mibi menenu, quec Nuquin Papan isquin tantianubi muatiapimbo iquebique. En ubi chui, champi, capan&#235;dash Edodes&#235;n. 8Adoaquien aton titan chuibued tantiatanquin naden Edodes chuipan&#235;dash: Uan acten mentoanquid mapi butetanquin pada padaid&#235;n annanshun baded ubi mene, capan&#235;dash champin Edodes chuiquin.</div><div class="p"> 9Adoaquien Edodes u&#235;n&#235;squiocquin ambi chuibued niactiadquio icpan&#235;dash. Umbi chochomiaidon: Mibi muambo nec, canushe, quetanquin champin chiacpadombuen aton iuabo chuiquin: Uan mapi butetanquin champi mene, capan&#235;dash.</div><div class="p"> 10Adoac nidshun qu&#235;n&#235;n tsadacnobi Uan mapi butetanquin 11pada padaid&#235;n annanshun b&#235;shun champi menepan&#235;dash iuabon. Adoac buanshun aton tita menetuidpan&#235;dash.</div><div class="p"> 12Adnubien Uamb&#235;d icquidon: Uan mapi butiac caosh, quesho tantiash nidshun Uan&#235;n dada bedanquin buanshun chococatampan&#235;dash. Adotanec Esus chiec nidpan&#235;dash.</div><div class="s">Esus&#235;n matses 5midted pemiaid</div><div class="r">(Madc. 6.30-44; Duc. 9.10-17; Uan 6.1-14)</div><div class="p"> 13Nidshumbic: Mibi acten mentondaid Uan mapi butiaccosh, quequin chuituidpondash. Adsho tantianec cano antab&#235;dtoanec nidec abents&#235;qui icnuec matses nib&#235;dacno Esus nidpondash. Adec nidquin chian potesho isash: Nuquitsen nidnunid, quianec shubu dadpen icquid yacnou&#235;sh choquido matses dadpen chian d&#235;quiadec podqued nidquid&#235;n nidannepaccondash.</div><div class="p"> 14Adnubien Esus&#235;n cano nandoash pudundoquimbi matses dadpenquio icsho istuidpondash. Adsho isash aido tantiec u&#235;n&#235;squiocquin aidon b&#235;b&#235;aido n&#235;nquidob&#235;ta daicsaidotedi b&#235;danmebampondash.</div><div class="p"> 15U&#235;sh&#235; budsho istanquin ab&#235;d icquidon Esus&#235;n dayunts&#235;c choshon naden chuipondash: Pete nib&#235;dacnombo nuquitedi tabadnubi inch&#235;sheque. Nidanneme, Icbo. Shubu dadpacts&#235;cquid utsi utsiec yacno nidshun piucquid menequin ma pete bedtannu, capondash. 16Adoaquien Esus&#235;n: Padi. Nidannemetiapimbo iquebique. Mibitedishun pemeban, capondash.</div><div class="p"> 17Adoaquien: Ma n&#235;mbobi pan 5tedpacts&#235;c icnubi nu&#235;cquid da&#235;d icpayoc, capondash. 18Adshobi: Aidtedts&#235;qui n&#235;mbo bec cho, caquimbi menepondac.</div><div class="p"> 19Adoaquien Esus&#235;n abi datsidadquido chuiquin: Uasin&#235;n tabadbud, capondash. Adoac tabadbudsho istanquin pan 5tedb&#235;ta nu&#235;cquid da&#235;d sananquin abuc isec: Mibi b&#235;dambocquid icquin mimbi meniaid n&#235;id pete nec, Papa, quec onqueshun pamb&#235;ta nu&#235;cquid cu&#235;shbudcuenquin menequin: N&#235;id meneban, Esus&#235;n cac ab&#235;d icquidob&#235;tan menebampondambi.</div><div class="p"> 20Aden meniac pebededash: Pequiombi, quecuededpondash abitedimbo. Aden pebededan napi uaid bedbanshun sandoaid tambanac tsitsan dapa 12ted icpondash. 21Aden peboedo dadatedi tambanac 5midted icpondash. Chidobob&#235;ta bacu&#235;bo tambanambo icpondambi.</div><div class="s">Acte b&#235;ntse Esus capuaid</div><div class="r">(Madc. 6.45-52; Uan 6.16-21)</div><div class="p"> 22Adshumbic Esus&#235;n ubitedi chuiquin: Tsiuec nidnu. Mibia nidannequin chian potec nid, quepondash. Adoac cano antab&#235;dtoanec chian potec nidnubi abents&#235;qui t&#235;sh&#235;dshun Esus&#235;n abi datsidadquidotsen chuiquin: Nidannec nid, quequin nidannemepan&#235;dash. 23Adec matses abitedi nidannebon: Nuquin Papa chuitannu, quianec nidash macu&#235;sh tapa dectatoash abents&#235;qui tsadquin Esus&#235;n Nuquin Papa chuinubi inch&#235;shpan&#235;dash.</div><div class="p"> 24Adnubi chian dapa potec ab&#235;d icquidob&#235;d nidequi inch&#235;shpondabi. Adec nidec chian n&#235;nantanquio yannubi cunquequid tapa choec cunquetuidpondash. Adnuc uncadenquio yanec acte cumapenec bocquiampondash. Cumapenec acte bocquenuc cano mentoadtiadpambo icpondash.</div><div class="p"> 25Adnubien badiadte anoents&#235;qui Esus acte b&#235;ntse ab&#235;d icquido yacmi chopondash. 26Adec acte b&#235;ntse chosho istanec ubitedi: Podobitsi nec, quiash dacu&#235;dtanec sidquecuededpondac. 27Adnubien Esus: Ubi neque. Dacu&#235;denda, quepondash. 28Adoaquien Petedon: &#191;Cun Icbombobida ne? Cun Icbombo icquin en ubi: Acte b&#235;ntse cho, ca, capondash.</div><div class="p"> 29Adsho tantiashun Esus&#235;n: En cho, caquien Petedo canonu&#235;sh budanec acte b&#235;ntse Esus b&#235;quedec nidpondash. 30Esusuidi isec b&#235;dambuec niduidequi cunquequid tapan nac acte cumapenec bocquesho istanec dacu&#235;dtanec acte b&#235;ntse niduidbuedi mentoadtsempondash. Adec mentoadquin: Ubi bed, Icbo, caquien 31Esus&#235;n badedquio m&#235;dintanquin indopondash. Aden indoequi: Cun icbon ubi b&#235;dambuen nametsiash, quebuedi &#191;atotsi quiash dacu&#235;dtano? Ubi b&#235;diacts&#235;c tantiacts&#235;cquid mibi nec, capondash Esus&#235;n.</div><div class="p"> 32Adtanec Petedob&#235;d cano antsadtonobi cumapenec cunquebuedi &#235;n&#235;dpondash. Adecbidi acte bocquenquio yanuapondash. 33Adsho issun cano antab&#235;dquidon dann&#235;sh&#235;n sebudshun ismequin: Mibi b&#235;dambosh&#235; iquec. Ma Nuquin Papan Madombo mibi nepayoc, quequin ubitedishun Esus chuibededpondac.</div><div class="s">Quenesaded yacnoshon Esus&#235;n daicsaidob&#235;ta n&#235;nquido b&#235;danmiaid</div><div class="r">(Madc. 6.53-56)</div><div class="p"> 34Adashic chian dapa potiash nidaid Quenesaded caid yacno choash pudundopondabi. 35Pudundosho issun ambocquidon: B&#235;danmianquid chosh, quequin uannocquido abitedi chuibenniac daicsaidob&#235;ta n&#235;nquido Esus yacno b&#235;b&#235;pondash. 36B&#235;b&#235;shumbic: Dashcuteuidts&#235;qui mishash b&#235;dantsiash, queshun Esus chuiquin: Min dashcute cu&#235;ma daicsaidob&#235;ta n&#235;nquido mishme, cac dashcute b&#235;ntsecquid cu&#235;ma mishmiaqui abitedimbo b&#235;dampondash.</div>
 </div>
 </div>
</div>

Adnubien Edodes Antipas cuëmëdquid nidaid cuëshë Cadidea yacnocquidon chuiquid tapa icpanëdash. Aidëmbi Esusën nadatiambocquin nabanaid chuisho tantiapanëdash. Aden tantiashun aton iuabo naden chuipanëdash: Uan pado acten mentoquid nepash icnui. Umbi mapi butemiondaidi Uan uincuempash icnui. Adquid icquimbien nadatiambocquin nabanchitash, quepanëdash Edodes Antipas.
Naden Edodes Antipasën Uan cuessunnemepanëdash. Uanën: Mimbi bedaid Edodias min chidopenquio nec. Min utsi Uedipon chidobi bedquin Nuquin Papan Chiaid niacquin mimbi icsambuen nac, quequin chiac chieshënquin Edodesën Uan bedmeshun quënën tsadunmepanëdash.
Adshumbic Uan cuessunnete bunquimbi matses dadpen: Nuquin Papan oncamiaid Uan nec, quesho tantiashun: Aidon ubi cuessunnetsiash, quequin dacuëdënquin badedi Uan cuessunnenquio icpanëdash.
Adshumbic Edodesën: Ubi tishaid uëshë nëbi iquec, queshun matses dadpen chochomeshun aton shubun puduedmeshun pemepanëdash. Adnubien ambi inaid Edodiasën champin Edodesën chochomiaido shëcshëcquec bidiadtannequin ismepanëdash. Adsho issumbic Edodesën: Bëdambuen mimbi naoc, champi, queshun naden chuipanëdash: ¿Atotsi bune? Mibi bunaidquio mibi menenu, quec Nuquin Papan isquin tantianubi muatiapimbo iquebique. En ubi chui, champi, capanëdash Edodesën. Adoaquien aton titan chuibued tantiatanquin naden Edodes chuipanëdash: Uan acten mentoanquid mapi butetanquin pada padaidën annanshun baded ubi mene, capanëdash champin Edodes chuiquin.
Adoaquien Edodes uënësquiocquin ambi chuibued niactiadquio icpanëdash. Umbi chochomiaidon: Mibi muambo nec, canushe, quetanquin champin chiacpadombuen aton iuabo chuiquin: Uan mapi butetanquin champi mene, capanëdash.
Adoac nidshun quënën tsadacnobi Uan mapi butetanquin pada padaidën annanshun bëshun champi menepanëdash iuabon. Adoac buanshun aton tita menetuidpanëdash.
Adnubien Uambëd icquidon: Uan mapi butiac caosh, quesho tantiash nidshun Uanën dada bedanquin buanshun chococatampanëdash. Adotanec Esus chiec nidpanëdash.


Nidshumbic: Mibi acten mentondaid Uan mapi butiaccosh, quequin chuituidpondash. Adsho tantianec cano antabëdtoanec nidec abentsëqui icnuec matses nibëdacno Esus nidpondash. Adec nidquin chian potesho isash: Nuquitsen nidnunid, quianec shubu dadpen icquid yacnouësh choquido matses dadpen chian dëquiadec podqued nidquidën nidannepaccondash.
Adnubien Esusën cano nandoash pudundoquimbi matses dadpenquio icsho istuidpondash. Adsho isash aido tantiec uënësquiocquin aidon bëbëaido nënquidobëta daicsaidotedi bëdanmebampondash.
Uëshë budsho istanquin abëd icquidon Esusën dayuntsëc choshon naden chuipondash: Pete nibëdacnombo nuquitedi tabadnubi inchësheque. Nidanneme, Icbo. Shubu dadpactsëcquid utsi utsiec yacno nidshun piucquid menequin ma pete bedtannu, capondash. Adoaquien Esusën: Padi. Nidannemetiapimbo iquebique. Mibitedishun pemeban, capondash.
Adoaquien: Ma nëmbobi pan 5tedpactsëc icnubi nuëcquid daëd icpayoc, capondash. Adshobi: Aidtedtsëqui nëmbo bec cho, caquimbi menepondac.
Adoaquien Esusën abi datsidadquido chuiquin: Uasinën tabadbud, capondash. Adoac tabadbudsho istanquin pan 5tedbëta nuëcquid daëd sananquin abuc isec: Mibi bëdambocquid icquin mimbi meniaid nëid pete nec, Papa, quec onqueshun pambëta nuëcquid cuëshbudcuenquin menequin: Nëid meneban, Esusën cac abëd icquidobëtan menebampondambi.
Aden meniac pebededash: Pequiombi, quecuededpondash abitedimbo. Aden pebededan napi uaid bedbanshun sandoaid tambanac tsitsan dapa 12ted icpondash. Aden peboedo dadatedi tambanac 5midted icpondash. Chidobobëta bacuëbo tambanambo icpondambi.


Adshumbic Esusën ubitedi chuiquin: Tsiuec nidnu. Mibia nidannequin chian potec nid, quepondash. Adoac cano antabëdtoanec chian potec nidnubi abentsëqui tëshëdshun Esusën abi datsidadquidotsen chuiquin: Nidannec nid, quequin nidannemepanëdash. Adec matses abitedi nidannebon: Nuquin Papa chuitannu, quianec nidash macuësh tapa dectatoash abentsëqui tsadquin Esusën Nuquin Papa chuinubi inchëshpanëdash.
Adnubi chian dapa potec abëd icquidobëd nidequi inchëshpondabi. Adec nidec chian nënantanquio yannubi cunquequid tapa choec cunquetuidpondash. Adnuc uncadenquio yanec acte cumapenec bocquiampondash. Cumapenec acte bocquenuc cano mentoadtiadpambo icpondash.
Adnubien badiadte anoentsëqui Esus acte bëntse abëd icquido yacmi chopondash. Adec acte bëntse chosho istanec ubitedi: Podobitsi nec, quiash dacuëdtanec sidquecuededpondac. Adnubien Esus: Ubi neque. Dacuëdenda, quepondash. Adoaquien Petedon: ¿Cun Icbombobida ne? Cun Icbombo icquin en ubi: Acte bëntse cho, ca, capondash.
Adsho tantiashun Esusën: En cho, caquien Petedo canonuësh budanec acte bëntse Esus bëquedec nidpondash. Esusuidi isec bëdambuec niduidequi cunquequid tapan nac acte cumapenec bocquesho istanec dacuëdtanec acte bëntse niduidbuedi mentoadtsempondash. Adec mentoadquin: Ubi bed, Icbo, caquien Esusën badedquio mëdintanquin indopondash. Aden indoequi: Cun icbon ubi bëdambuen nametsiash, quebuedi ¿atotsi quiash dacuëdtano? Ubi bëdiactsëc tantiactsëcquid mibi nec, capondash Esusën.
Adtanec Petedobëd cano antsadtonobi cumapenec cunquebuedi ënëdpondash. Adecbidi acte bocquenquio yanuapondash. Adsho issun cano antabëdquidon dannëshën sebudshun ismequin: Mibi bëdamboshë iquec. Ma Nuquin Papan Madombo mibi nepayoc, quequin ubitedishun Esus chuibededpondac.


Adashic chian dapa potiash nidaid Quenesaded caid yacno choash pudundopondabi. Pudundosho issun ambocquidon: Bëdanmianquid chosh, quequin uannocquido abitedi chuibenniac daicsaidobëta nënquido Esus yacno bëbëpondash. Bëbëshumbic: Dashcuteuidtsëqui mishash bëdantsiash, queshun Esus chuiquin: Min dashcute cuëma daicsaidobëta nënquido mishme, cac dashcute bëntsecquid cuëma mishmiaqui abitedimbo bëdampondash.

Listen to Mateo 14