<div class="version vid489 iso6393cak" data-vid="489" data-iso6393="cak">
    <div class="book bkGEN">
        <div class="chapter chINTRO1" data-usfm="GEN.INTRO1">
            <div class="imt"><span class="content">Ka'i-oxi' etamabel chirij re wuj re'</span></div><div class="ip"><span class="content">Ri winaqi' ri nibix HEBREO chike, toq xkiya' rubi' re jun wuj re', xkicha' ri nabey ch'abel ri nitiker-el ri wuj, y ri' ja ri ch'abel rutikeribel. Wawe' kan nich'on k'a chirij ri rutikeribel ronojel ri k'o. Jak'a ri rubi' re wuj re', chupan re q'ij re ojk'o-wi roj, jun bi'aj ri peteneq chupan ri kich'abel ri winaqi' aj-Grecia y nel chi tzij rutikeribel. Rije' nikitz'ibaj G&#201;NESIS y roma ri' toq banon G&#201;NESIS chire re wakami.</span></div><div class="is"><span class="content">Ri tz'ibanel richin re wuj re'</span></div><div class="ip"><span class="content">Niqach'ob chi ja ri Mois&#233;s, ri rusamajel ri Dios, ri xtz'iban re wuj re', roma kan k'iy wi k'a ri akuchi nunataj-wi chi kan ja ri Mois&#233;s ri tz'ibanel richin. Nunataj chupan ri Ex 17:14; 24:4; 34:27; ri pa N&#250;m 33:1 y 2; y ri pa Deut 31:9 y 24. Chuqa' nunataj ri pa Jos 1:7; Jue 3:4; Esd 6:8; Mal 4:4; Mat 8:4; Mar 7:10; Luc 20:37; y chupan ri Juan 7:19.</span></div><div class="is"><span class="content">Ri akuchi y jampe' xtz'ibex re wuj re'</span></div><div class="ip"><span class="content">Rokik ri Mois&#233;s e ruyuqen ri ruwinaq israelita, toq kichapon-el bey richin yebe k'a pa ruwach'ulew Cana&#225;n, jari' toq xutz'ibaj re wuj re'. Wawe' xerutz'ibaj-wi ri retaman, ri xuq'axaj chupan ronojel ri juna' ri pa tz'iran ruwach'ulew y chuqa' ronojel ri xq'alajirisex chire roma ri Dios. Re wuj re' xtz'ibatej toq kan k'a nrajo' jubama 1,350 juna' richin nalex ri qakolonel Jesucristo.</span></div><div class="is"><span class="content">Ri achike roma xtz'ibex re wuj re'</span></div><div class="ip"><span class="content">Re wuj re' xtz'ibex richin chi nuq'alajirisaj chikiwech ri winaqi' ronojel ri e banatajineq, richin chi tikitz'eta' chi ri Dios man e ruya'on ta kan kiyon. Xa kan nisamej richin chi yerukol-pe chupan ri kimak. Roma ri' toq nich'on chirij toq xetz'ukutej-pe ronojel; nich'on chirij toq ri nabey k'ulaj winaqi' xetzaq; y nich'on chikij ri winaqi' ri xerucha' yan, roma kan k'o-wi ri nuch'ob chi nuben koma konojel ri winaqi'.</span></div><div class="iot"><span class="content">Jare' ri rucholajen ri e tz'ibatel kan chupan re wuj re':</span></div><div class="io1"><span class="content">1.- Toq xetz'ukutej k'a pe ronojel, 1:1-2:25</span></div><div class="io1"><span class="content">2.- Toq ri wineq xmakun y ri xuk'en-pe chire, 3:1-5:32</span></div><div class="io1"><span class="content">3.- Ri nubij chirij ri ruk'aslen ri No&#233;, 6:1-9:29</span></div><div class="io1"><span class="content">4.- Toq ri winaqi' xetalutej chuwech re ruwach'ulew, 10:1-11:32</span></div><div class="io1"><span class="content">5.- Ri nubij chirij ri ruk'aslen ri Abraham, 12:1-25:18</span></div><div class="io1"><span class="content">6.- Ri nubij chirij ri ruk'aslen ri Isaac, 25:19-26:35</span></div><div class="io1"><span class="content">7.- Ri nubij chirij ri ruk'aslen ri Jacob, 27:1-37:1</span></div><div class="io1"><span class="content">8.- Ri nubij chirij ri ruk'aslen ri Jos&#233;, 37:2-50:26</span></div><div class="is"><span class="content">Ri ruk'ojelibal re wuj re'</span></div><div class="ip"><span class="content">Re Wuj Richin ri Rutikeribel, jare' ri nabey chike ri wo'o' wuj, ri nibix chuqa' Pentateuco chike. Jare' ri nabey wuj richin ri rupixa' ri Dios, ri kan janila rejqalen chikiwech ri rutinamit rija'.</span></div>
        </div>
    </div>
</div>

Kaqchikel Bible © Bible Society in Guatemala, 2003.

Ka'i-oxi' etamabel chirij re wuj re'
Ri winaqi' ri nibix HEBREO chike, toq xkiya' rubi' re jun wuj re', xkicha' ri nabey ch'abel ri nitiker-el ri wuj, y ri' ja ri ch'abel rutikeribel. Wawe' kan nich'on k'a chirij ri rutikeribel ronojel ri k'o. Jak'a ri rubi' re wuj re', chupan re q'ij re ojk'o-wi roj, jun bi'aj ri peteneq chupan ri kich'abel ri winaqi' aj-Grecia y nel chi tzij rutikeribel. Rije' nikitz'ibaj GÉNESIS y roma ri' toq banon GÉNESIS chire re wakami.
Ri tz'ibanel richin re wuj re'
Niqach'ob chi ja ri Moisés, ri rusamajel ri Dios, ri xtz'iban re wuj re', roma kan k'iy wi k'a ri akuchi nunataj-wi chi kan ja ri Moisés ri tz'ibanel richin. Nunataj chupan ri Ex 17:14; 24:4; 34:27; ri pa Núm 33:1 y 2; y ri pa Deut 31:9 y 24. Chuqa' nunataj ri pa Jos 1:7; Jue 3:4; Esd 6:8; Mal 4:4; Mat 8:4; Mar 7:10; Luc 20:37; y chupan ri Juan 7:19.
Ri akuchi y jampe' xtz'ibex re wuj re'
Rokik ri Moisés e ruyuqen ri ruwinaq israelita, toq kichapon-el bey richin yebe k'a pa ruwach'ulew Canaán, jari' toq xutz'ibaj re wuj re'. Wawe' xerutz'ibaj-wi ri retaman, ri xuq'axaj chupan ronojel ri juna' ri pa tz'iran ruwach'ulew y chuqa' ronojel ri xq'alajirisex chire roma ri Dios. Re wuj re' xtz'ibatej toq kan k'a nrajo' jubama 1,350 juna' richin nalex ri qakolonel Jesucristo.
Ri achike roma xtz'ibex re wuj re'
Re wuj re' xtz'ibex richin chi nuq'alajirisaj chikiwech ri winaqi' ronojel ri e banatajineq, richin chi tikitz'eta' chi ri Dios man e ruya'on ta kan kiyon. Xa kan nisamej richin chi yerukol-pe chupan ri kimak. Roma ri' toq nich'on chirij toq xetz'ukutej-pe ronojel; nich'on chirij toq ri nabey k'ulaj winaqi' xetzaq; y nich'on chikij ri winaqi' ri xerucha' yan, roma kan k'o-wi ri nuch'ob chi nuben koma konojel ri winaqi'.
Jare' ri rucholajen ri e tz'ibatel kan chupan re wuj re':
1.- Toq xetz'ukutej k'a pe ronojel, 1:1-2:25
2.- Toq ri wineq xmakun y ri xuk'en-pe chire, 3:1-5:32
3.- Ri nubij chirij ri ruk'aslen ri Noé, 6:1-9:29
4.- Toq ri winaqi' xetalutej chuwech re ruwach'ulew, 10:1-11:32
5.- Ri nubij chirij ri ruk'aslen ri Abraham, 12:1-25:18
6.- Ri nubij chirij ri ruk'aslen ri Isaac, 25:19-26:35
7.- Ri nubij chirij ri ruk'aslen ri Jacob, 27:1-37:1
8.- Ri nubij chirij ri ruk'aslen ri José, 37:2-50:26
Ri ruk'ojelibal re wuj re'
Re Wuj Richin ri Rutikeribel, jare' ri nabey chike ri wo'o' wuj, ri nibix chuqa' Pentateuco chike. Jare' ri nabey wuj richin ri rupixa' ri Dios, ri kan janila rejqalen chikiwech ri rutinamit rija'.

Listen to Gén Ka'i-oxi' etamabel chirij re wuj re'