If you have would like a copy of this version please contact info@davarpartners.org

Bali Old Testament

<div class="version vid302 iso6393ban" data-vid="302" data-iso6393="ban">
 <div class="book bkGEN">
 <div class="chapter ch13" data-usfm="GEN.13">
 <div class="label">13</div><div class="s">Dane Abram palas ring Dane Lot</div><div class="p"> 1Dane Abram tumuli makaon saking jagat Mesir, ngungsi ka tanah Negeb. Dane kasarengin antuk rabin danene, miwah sapadruen danene, kadi asapunika taler Dane Lot. 2Dane Abram kalintang sugih, akeh pisan madue ingon-ingon miwah mas perak. 3Saking tanah Negeb dane nglanturang pamargi alon-alon tan marerepan ring margi-margi, ngantos rauh ring kota Betel, genah danene nyujukang kemah sane riin ring pantaran kota Betel klawan kota Aine. 4Sane riin irika pecak dane ngwangun pamorboran aturan. Irika Dane Abram raris ngaturang bakti ring Ida Sang Hyang Widi Wasa.</div><div class="p"> 5Dane Lot, sane nyarengin Dane Abram, taler madue ingon-ingon luire: kambing, biri-biri miwah banteng ping kalih kulawarga miwah panjak. 6Nanging tanahe irika nenten cukup linggahnyane buat kagenahin antuk dane sareng kalih, santukan ingon-ingon danene kalintang akeh, kantos dane sareng kalih nenten mrasidayang magenah sareng-sareng irika. 7Punika awinanipun pangangon-pangangon Dane Abram sering maiegan nglawan parapangangon Dane Lot. (Daweg punika wong Kanaan miwah wong Perise kantun magenah ring jagate irika.)</div><div class="p"> 8Dane Abram tumuli mabaos ring Dane Lot sapuniki: &#8220;Edaja kanti ada ieg di pantaran bapane nglawan cening, muah di pantaran pangangon-pangangon bapane nglawan pangangon-pangangon ceninge, sawireh iraga ene manyama. 9Tingalinja gumine ene makejang ane di arepan ceninge. Melahan palasang iban ceninge uli sig bapane. Yening cening ka kebot, bapa ka tengawan, yening cening ka tengawan, bapa ka kebot.&#8221;</div><div class="p"> 10Irika Dane Lot maksian, raris cingak dane tanahe sane dangsah ring tepin Tukad Yordane ngantos rauh ka tanah Soar, akeh toyan ipune, tan bina sakadi taman Ida Sang Hyang Widi Wasa, wiadin sakadi jagat Mesire. (Duk punika kota Sodom miwah kota Gomorane durung kasirnayang antuk Ida Sang Hyang Widi Wasa.) 11Dane Lot raris milih wewidangan Lebak Yordane punika pabuat ragan danene. Irika sang kalih raris mapalasan, tur Dane Lot tumuli mamargi nganginang. 12Dane Abram kantun tetep malinggih ring Kanaan, nanging Dane Lot malinggih ring kota-kota ring genahe sane dangsah ring tepin Tukad Yordane. Irika dane nyujukang kemah nampek ring kota Sodome. 13Jadmane irika kalintang jaat tur madosa pamantuka ring Ida Sang Hyang Widi Wasa.</div><div class="s">Dane Abram magingsir ka Hebron</div><div class="p"> 14Sasampun Dane Lot mapalasan ring Dane Abram, Ida Sang Hyang Widi Wasa raris masabda ring Dane Abram, sapuniki: &#8220;Tingalinja sakiwa tengen kitane. Uli tongos kitane majujuk ento, tingalin marep kangin muah kauh, kaja muah kelod. 15Sawireh gumine ane tingalin kita ento makejang lakar paicayang Ulun teken kita, muah teken katurunan kitane kanti salawas-lawasne. 16Buina katurunan kitane lakar dadiang Ulun buka buke liunne. Yen ada anak nyidayang metek liun buke ento, katurunan kitane masih lakar sida baana metek. 17Tragiangja dewek kitane, jlajahja sakuub gumine ene, sawireh gumine ene lakar paicayang Ulun teken kita.&#8221; 18Sasampune punika, Dane Abram raris ngingsirang kemah danene, tumuli malinggih nampek ring wit taru sucine ring Mamre, nampek ring Hebron. Irika dane raris ngwangun pamorboran aturan pabuat Ida Sang Hyang Widi Wasa.</div>
 </div>
 </div>
</div>

Today's Bali Bible “Cakepan Suci” © Indonesian Bible Society, 1990.

Dane Abram tumuli makaon saking jagat Mesir, ngungsi ka tanah Negeb. Dane kasarengin antuk rabin danene, miwah sapadruen danene, kadi asapunika taler Dane Lot. Dane Abram kalintang sugih, akeh pisan madue ingon-ingon miwah mas perak. Saking tanah Negeb dane nglanturang pamargi alon-alon tan marerepan ring margi-margi, ngantos rauh ring kota Betel, genah danene nyujukang kemah sane riin ring pantaran kota Betel klawan kota Aine. Sane riin irika pecak dane ngwangun pamorboran aturan. Irika Dane Abram raris ngaturang bakti ring Ida Sang Hyang Widi Wasa.
Dane Lot, sane nyarengin Dane Abram, taler madue ingon-ingon luire: kambing, biri-biri miwah banteng ping kalih kulawarga miwah panjak. Nanging tanahe irika nenten cukup linggahnyane buat kagenahin antuk dane sareng kalih, santukan ingon-ingon danene kalintang akeh, kantos dane sareng kalih nenten mrasidayang magenah sareng-sareng irika. Punika awinanipun pangangon-pangangon Dane Abram sering maiegan nglawan parapangangon Dane Lot. (Daweg punika wong Kanaan miwah wong Perise kantun magenah ring jagate irika.)
Dane Abram tumuli mabaos ring Dane Lot sapuniki: “Edaja kanti ada ieg di pantaran bapane nglawan cening, muah di pantaran pangangon-pangangon bapane nglawan pangangon-pangangon ceninge, sawireh iraga ene manyama. Tingalinja gumine ene makejang ane di arepan ceninge. Melahan palasang iban ceninge uli sig bapane. Yening cening ka kebot, bapa ka tengawan, yening cening ka tengawan, bapa ka kebot.”
Irika Dane Lot maksian, raris cingak dane tanahe sane dangsah ring tepin Tukad Yordane ngantos rauh ka tanah Soar, akeh toyan ipune, tan bina sakadi taman Ida Sang Hyang Widi Wasa, wiadin sakadi jagat Mesire. (Duk punika kota Sodom miwah kota Gomorane durung kasirnayang antuk Ida Sang Hyang Widi Wasa.) Dane Lot raris milih wewidangan Lebak Yordane punika pabuat ragan danene. Irika sang kalih raris mapalasan, tur Dane Lot tumuli mamargi nganginang. Dane Abram kantun tetep malinggih ring Kanaan, nanging Dane Lot malinggih ring kota-kota ring genahe sane dangsah ring tepin Tukad Yordane. Irika dane nyujukang kemah nampek ring kota Sodome. Jadmane irika kalintang jaat tur madosa pamantuka ring Ida Sang Hyang Widi Wasa.

Sasampun Dane Lot mapalasan ring Dane Abram, Ida Sang Hyang Widi Wasa raris masabda ring Dane Abram, sapuniki: “Tingalinja sakiwa tengen kitane. Uli tongos kitane majujuk ento, tingalin marep kangin muah kauh, kaja muah kelod. Sawireh gumine ane tingalin kita ento makejang lakar paicayang Ulun teken kita, muah teken katurunan kitane kanti salawas-lawasne. Buina katurunan kitane lakar dadiang Ulun buka buke liunne. Yen ada anak nyidayang metek liun buke ento, katurunan kitane masih lakar sida baana metek. Tragiangja dewek kitane, jlajahja sakuub gumine ene, sawireh gumine ene lakar paicayang Ulun teken kita.” Sasampune punika, Dane Abram raris ngingsirang kemah danene, tumuli malinggih nampek ring wit taru sucine ring Mamre, nampek ring Hebron. Irika dane raris ngwangun pamorboran aturan pabuat Ida Sang Hyang Widi Wasa.

Listen to PURWAKANING DADI 13