Lunyore - 2000 KENBS (NT) Drama

<div class="version vid2882 iso6393nyd" data-vid="2882" data-iso6393="nyd">
 <div class="book bkLUK">
 <div class="chapter ch16" data-usfm="LUK.16">
 <div class="label">16</div><div class="s">Olukano lwomulindi omulwenyukhu</div><div class="p"> 1Yesu yabool'la abechi baabe. &#8220;Yaliho omuhinda nalebe owali nomulindi. Omulindi uno yatsanzanibwa mbu arumikhilanga emianduchiomuhinda obubi. 2Omuhinda uyo namulanga namubool'la, &#8216;Ni mang'ana sina akambul'langa khuibe yaka? Hinia obubalibwo obwobwinjili nende oburuli bwemiandu chianje, sichila sionyala okhuba omulindi wemiandu chianje khandi tawe.&#8217; 3Omulindi uyo napaala; &#8216;Omwami wanje yambinianga khumilimo chiobulindi, nakhole mbwena? Sindi onyala okhulima tawe, khandi okhusaba singa omutakha nes'simba murwe. 4Luno ndakhamanya esianakhole! Kho olwa nambinibwe mubulindi bwanje nambe nende abalina aba nabanyinjisie mutsinyumba tsiabwe.&#8217;</div><div class="p"> 5&#8220;Ma nalanga abali namakobi ko Mwamiwe siamulala, nabool'la owokhuranga, &#8216;Obanzungwa sina nende omwami wanje?&#8217; 6Naye namukalusia, &#8216;Amatepe kamafura emia ndala.&#8217; Namubool'la, &#8216;Bukula ebarwa yiyo yelikobi, wikhale bwangu ohandiche amakhumi karano.&#8217; 7Ma nareeba owelikobi undi, &#8216;Ibe obanzungwa sina?&#8217; Naye namukalusia. &#8216;Amakunia emia ndala ake ingano!&#8217; Omulindi uyo namubool'la, &#8216;Bukula ebarwa yo ye likobi ohandiche amakhumi munane.&#8217;</div><div class="p"> 8&#8220;Kho omwami womulindi uyo yamufumia khulwa okhurumikhila obulwenyukhu. Okhuba abandu besibala sino bali nende obulwenyukhu obwinji mumang'ana kabwe okhuyomba abaana bobulafu.&#8221;</div><div class="p"> 9Ma Yesu natsilil'la okhuboola, &#8220;Mubool'langa, mwelombele obulina khubuhinda bwesibala, kho olwa obuhinda bwenywe bwakhamuhwele, mube abanyala okhubukulwa mubumenyo oburahwa. 10Wosi oli omusubilwa mumang'ana matututu, no musubilwa mumakali, ne wosi orali omusubilwa mumatututu sianyala okhuba omusubilwa mumakali tawe. 11Kho nikakhaba simuli abasubilwa mumiandu echirali emilunji echiomusibala sino, niwina owakhamuhelesie emiandu chiatooto? 12Ne nimuba nimusili okhuba abasubilwa khumiandu echirali echienywe, niwina owakhamuhelesia emiandu echili echienywe?</div><div class="p"> 13&#8220;Abulaho omurumikhili onyala okhurumikhila abaami babili, sichila yakhabihil'lwa mulala ne ayanze oundi; nohomba yakhahambana nende mulala ne achiaye oundi. Simunyala okhurumikhila Nyasaye nende emiandu tawe.&#8221;#Mat. 6:24</div><div class="s">Obubooli nalebe obwa Yesu</div><div class="r">(Mat. 11:12-13; 5:31-32; Mk. 10:11-12)</div><div class="p"> 14Olwa Abafarisayi bahul'la yako batsekheel'la Yesu, sichila bali nibayanza emiandu. 15Ma nababool'la, &#8220;Inywe mwekholanga abalunji imbeli wabandu, nebutswa Nyasaye wamanya emioyo chienywe. Okhuba esitsoomibwanga imbeli wabandu nes'sinyo imbeli wa Nyasaye.</div><div class="p"> 16&#8220;Amalako nende akahandikwa nabaroobi kaliho okhwola mutsinyinga tsia Yohana Omubaputisi. Okhurula olwene yilwo Amang'ana Amalahi khu Bwami bwa Nyasaye kakambwanga, ne siomundu ateemanga butinyu okhwinjila mwo.#Mat. 11:12-13 17Nebutswa nobwangu likulu nende esibala okhuhwa, okhuyomba akhanyokuta khal'la akhamalako okhusimibwa.#Mat. 5:18</div><div class="p"> 18&#8220;Omundu wosi okhunganga omukhasi we, ma alere oundi, aheyanga; ne wosi oleeranga omukhasi owakhungwa okhurula khumusaatsa undi, aheyanga.#Mat. 5:32; 1 Kor. 7:10-11</div><div class="s">Omuhinda nende Lasaro</div><div class="p"> 19&#8220;Yaliho omundu mulala owali omuhinda, owebiikhanga tsingubo tsiobukusi bweikulu etsiekatani, ne yaliitsanga obwale sielitukhu. 20Khandi yaliho omutakha mulala owalangwa Lasaro, owali nende amakhwaku amenji ne yakonibwanga hamuliangokweinyumba yomuhinda uyo. 21Yekombanga okhulia ebindu ebiabungulukhanga okhurula khumesa yomuhinda. Kata tsimbwa tsietsanga okhukhomba mumakhwaku kaake!</div><div class="p"> 22&#8220;Omutakha uyo yafwa ne nachingwa nende abamalaika niyekhasibwa ahembi nende Aburahamu. Khandi omuhinda naye yafwa ma nayabilwa. 23Omuhinda uyo yatiikul'la tsimonitsie emakombe aha yali nasal'langa okhusila, ne nalola Aburahamu ehale ne Lasaro nali ahembi n'naye. 24Ma nahanzukha nomwoyo omukali naboola, &#8216;Papa Aburahamu, mbeelel'la, orume Lasaro yene butswa obutsunzu bwesitere sie m'matsi, asindie ol'limi lwanje, sichila salilanga m'mul'lo kuno!&#8217;</div><div class="p"> 25&#8220;Nebutswa Aburahamu namubool'la, &#8216;Witsul'le mwana wanje, olwa wali nosili omulamu musibala wahebwa ebindu biosi ebilahi, ne Lasaro nanyoola amabi. Nebutswa luno ye ahotselekhanga ne nawe nosal'la. 26Khandi okhumeta khu yako, hakari wefwe nende inywe oluhongo lwarebwaho olukali, abarunanga okhubira betse khwinywe okhurula yino sibali abakhanyala tawe, khandi abali owenywe sibanyala okhwitsa yino tawe.&#8217; 27Owalinji omuhinda uyo naboola, &#8216;Nikali mbwo Papa Aburahamu, khusaayanga omurume atsie hango ha papa wanje, 28sichila ndi nende abaana befwe barano, abaribul'le khase bakhenjila mukhusal'la khuno.&#8217;</div><div class="p"> 29&#8220;Nebutswa Aburahamu namubool'la, &#8216;Bali nende Amalako ka Musa nende amahandiko kabaroobi, babahul'le abene yabo.&#8217; 30Nebutswa naye naboola, &#8216;Yako sikahel'le tawe, Papa Aburahamu, omundu niyakhaba nasimukukha okhurula mubafu ma atsie khubo, ne bekalukhania.&#8217; 31Ne Aburahamu namubool'la, &#8216;Nibakhabula okhuhul'la Amalako ka Musa nende amahandiko kabaroobi, sibakhahendel'la khwo amang'ana komundu kata niyakharula mubafu tawe.&#8217; &#8221;</div>
 </div>
 </div>
</div>

Yesu yabool'la abechi baabe. “Yaliho omuhinda nalebe owali nomulindi. Omulindi uno yatsanzanibwa mbu arumikhilanga emianduchiomuhinda obubi. Omuhinda uyo namulanga namubool'la, ‘Ni mang'ana sina akambul'langa khuibe yaka? Hinia obubalibwo obwobwinjili nende oburuli bwemiandu chianje, sichila sionyala okhuba omulindi wemiandu chianje khandi tawe.’ Omulindi uyo napaala; ‘Omwami wanje yambinianga khumilimo chiobulindi, nakhole mbwena? Sindi onyala okhulima tawe, khandi okhusaba singa omutakha nes'simba murwe. Luno ndakhamanya esianakhole! Kho olwa nambinibwe mubulindi bwanje nambe nende abalina aba nabanyinjisie mutsinyumba tsiabwe.’
“Ma nalanga abali namakobi ko Mwamiwe siamulala, nabool'la owokhuranga, ‘Obanzungwa sina nende omwami wanje?’ Naye namukalusia, ‘Amatepe kamafura emia ndala.’ Namubool'la, ‘Bukula ebarwa yiyo yelikobi, wikhale bwangu ohandiche amakhumi karano.’ Ma nareeba owelikobi undi, ‘Ibe obanzungwa sina?’ Naye namukalusia. ‘Amakunia emia ndala ake ingano!’ Omulindi uyo namubool'la, ‘Bukula ebarwa yo ye likobi ohandiche amakhumi munane.’
“Kho omwami womulindi uyo yamufumia khulwa okhurumikhila obulwenyukhu. Okhuba abandu besibala sino bali nende obulwenyukhu obwinji mumang'ana kabwe okhuyomba abaana bobulafu.”
Ma Yesu natsilil'la okhuboola, “Mubool'langa, mwelombele obulina khubuhinda bwesibala, kho olwa obuhinda bwenywe bwakhamuhwele, mube abanyala okhubukulwa mubumenyo oburahwa. Wosi oli omusubilwa mumang'ana matututu, no musubilwa mumakali, ne wosi orali omusubilwa mumatututu sianyala okhuba omusubilwa mumakali tawe. Kho nikakhaba simuli abasubilwa mumiandu echirali emilunji echiomusibala sino, niwina owakhamuhelesie emiandu chiatooto? Ne nimuba nimusili okhuba abasubilwa khumiandu echirali echienywe, niwina owakhamuhelesia emiandu echili echienywe?
“Abulaho omurumikhili onyala okhurumikhila abaami babili, sichila yakhabihil'lwa mulala ne ayanze oundi; nohomba yakhahambana nende mulala ne achiaye oundi. Simunyala okhurumikhila Nyasaye nende emiandu tawe.”


Olwa Abafarisayi bahul'la yako batsekheel'la Yesu, sichila bali nibayanza emiandu. Ma nababool'la, “Inywe mwekholanga abalunji imbeli wabandu, nebutswa Nyasaye wamanya emioyo chienywe. Okhuba esitsoomibwanga imbeli wabandu nes'sinyo imbeli wa Nyasaye.
“Amalako nende akahandikwa nabaroobi kaliho okhwola mutsinyinga tsia Yohana Omubaputisi. Okhurula olwene yilwo Amang'ana Amalahi khu Bwami bwa Nyasaye kakambwanga, ne siomundu ateemanga butinyu okhwinjila mwo. Nebutswa nobwangu likulu nende esibala okhuhwa, okhuyomba akhanyokuta khal'la akhamalako okhusimibwa.
“Omundu wosi okhunganga omukhasi we, ma alere oundi, aheyanga; ne wosi oleeranga omukhasi owakhungwa okhurula khumusaatsa undi, aheyanga.

“Yaliho omundu mulala owali omuhinda, owebiikhanga tsingubo tsiobukusi bweikulu etsiekatani, ne yaliitsanga obwale sielitukhu. Khandi yaliho omutakha mulala owalangwa Lasaro, owali nende amakhwaku amenji ne yakonibwanga hamuliangokweinyumba yomuhinda uyo. Yekombanga okhulia ebindu ebiabungulukhanga okhurula khumesa yomuhinda. Kata tsimbwa tsietsanga okhukhomba mumakhwaku kaake!
“Omutakha uyo yafwa ne nachingwa nende abamalaika niyekhasibwa ahembi nende Aburahamu. Khandi omuhinda naye yafwa ma nayabilwa. Omuhinda uyo yatiikul'la tsimonitsie emakombe aha yali nasal'langa okhusila, ne nalola Aburahamu ehale ne Lasaro nali ahembi n'naye. Ma nahanzukha nomwoyo omukali naboola, ‘Papa Aburahamu, mbeelel'la, orume Lasaro yene butswa obutsunzu bwesitere sie m'matsi, asindie ol'limi lwanje, sichila salilanga m'mul'lo kuno!’
“Nebutswa Aburahamu namubool'la, ‘Witsul'le mwana wanje, olwa wali nosili omulamu musibala wahebwa ebindu biosi ebilahi, ne Lasaro nanyoola amabi. Nebutswa luno ye ahotselekhanga ne nawe nosal'la. Khandi okhumeta khu yako, hakari wefwe nende inywe oluhongo lwarebwaho olukali, abarunanga okhubira betse khwinywe okhurula yino sibali abakhanyala tawe, khandi abali owenywe sibanyala okhwitsa yino tawe.’ Owalinji omuhinda uyo naboola, ‘Nikali mbwo Papa Aburahamu, khusaayanga omurume atsie hango ha papa wanje, sichila ndi nende abaana befwe barano, abaribul'le khase bakhenjila mukhusal'la khuno.’
“Nebutswa Aburahamu namubool'la, ‘Bali nende Amalako ka Musa nende amahandiko kabaroobi, babahul'le abene yabo.’ Nebutswa naye naboola, ‘Yako sikahel'le tawe, Papa Aburahamu, omundu niyakhaba nasimukukha okhurula mubafu ma atsie khubo, ne bekalukhania.’ Ne Aburahamu namubool'la, ‘Nibakhabula okhuhul'la Amalako ka Musa nende amahandiko kabaroobi, sibakhahendel'la khwo amang'ana komundu kata niyakharula mubafu tawe.’ ”

Listen to LUKA 16