Quechua, Northern Conchucos Ancash - 2006 Edition (NT) Drama

Quechua, Northern Conchucos Ancash - 2006 Edition (NT)

<div class="version vid268 iso6393qxn" data-vid="268" data-iso6393="qxn">
 <div class="book bkJHN">
 <div class="chapter ch10" data-usfm="JHN.10">
 <div class="label">10</div><div class="s1">&#220;shapa &#228;munman Jes&#250;s iwalatsikunqan</div><div class="p"> 1Mastam Jes&#250;s nirqan: &lt;&lt;Rasun kaqtam niyaq: Qenchaman punkunpa mana yaykuq kaqqa suwam. 2Peru punkunpa yaykuq kaqmi s&#239;qa &#252;shapa &#228;mun. 3Paytam &#252;sha t&#228;paq runa yaykunanpaq punkuta kichapun. &#220;shapa &#228;munqa &#252;shankunatam shutinkunapa qayan qayan qenchapita jipin. 4&#220;shakuna yarqurmi &#228;munpa vozninta reqir qepanta aywayan. 5Peru jukpa vozninta wiyarmi s&#239;qa qepanta aywayantsu, sin&#246;qa qeshpirmi aywakuyan&gt;&gt;.</div><div class="p"> 6Tsayn&#246; iwalatsiypa Jes&#250;s yachatsikuptinmi imata ninqantapis runakuna tantiyayarqantsu. 7Tsaymi Jes&#250;s nirqan: &lt;&lt;Rasun kaqtam niyaq: Noqam qenchapa punkun k&#228;. 8Manaraq shamupt&#239; puntata shamuqkunaqa llapanpis suwam#10.8 Tsayn&#246;mi Jesucristo tantiyatsirqan Cristo tukuqkunapaq. kayarqan. Tsaymi paykunata &#252;shakuna c&#228;suyarqantsu. 9Peru noqam s&#239;qa qencha punku k&#228;. Punkupa yaykuq kaqmi salvakanqa. Paykunam yarqur y yaykurpis alli qewata tariyanqa. 10Suwam shamun suwakunanpaq, wa&#241;utsinanpaq y ushak&#228;tsinanpaq. Peru noqam s&#239;qa shamushk&#228; imayyaqpis runakuna alli kawaych&#246; kay&#228;nanpaq.</div><div class="p"> 11&lt;&lt;Noqam alli mitsikuq runa k&#228;. Alli mitsikuqqa &#252;shankuna raykum wa&#241;unmanpis. 12&#196;mun mana karmi p&#228;gullapaq mitsikuq runaqa l&#246;bu shamuykaqta rikaskir &#252;shakunata jaqiskir aywakun. Tsaymi l&#246;bu yaykuskir achkuptin wakin &#252;shakuna qeshpir maytsaypa witsik&#228;yan. 13P&#228;gullapaq mitsiq runaqa &#252;shakunata mana llakiparmi qeshpir aywakun.</div><div class="p"> 14-15&lt;&lt;Peru noqam s&#239;qa alli mitsikuq k&#228;.#Isa. 40.11; Eze. 34; Luc. 15.4-5; Heb. 13.20. Tayt&#228;ta reqinq&#228;n&#246; y pay reqimanqann&#246;mi#Mat. 11.27; Luc. 10.22. noqapis &#252;sh&#228;kunata req&#239; y &#252;sh&#228;kunapis reqiy&#228;man. Tsaymi &#252;sh&#228;kuna rayku wa&#241;ushaqpis. 16Manam kayllach&#246;tsu &#252;sh&#228;kuna kayan, sin&#246;qa jukl&#228;duch&#246;pis kanmi. Paykunapis vozn&#239;ta reqirmi c&#228;suy&#228;manqa. Tsaymi juk qenchallach&#246; kay&#228;nanpaq paykunatapis qorimushaq. Tsayn&#246;pam jukllayllana mitsikuqninkuna kanqa.#Efe. 2.11-22.</div><div class="p"> 17&lt;&lt;&#220;sh&#228;kuna rayku wa&#241;un&#228;paq kapt&#239; y kawamun&#228;paq kapt&#239;mi Tayt&#228; kuyaman. 18Noqam poderyuq k&#228; wa&#241;un&#228;paq y kawamun&#228;paqpis. Tsaymi kik&#239; mana munapt&#239;qa pipis wa&#241;utsimanqatsu. Wa&#241;un&#228;paq y kawamun&#228;paqmi Tayt&#228; nimashqa&gt;&gt;.</div><div class="p"> 19Jes&#250;s tsayn&#246; niptinmi Israel runakuna yapay kikinkunapura pi&#241;anakuyarqan.#Juan 7.12-13, 40-43. 20Tsaymi wakin niyarqan: &lt;&lt;Paych&#246; supay kaptinmi l&#246;cuyashqa kaykan. &#191;Imapaqtan wiyashunpis?&gt;&gt;</div><div class="p"> 21Wakinnam niyarqan: &lt;&lt;Supay l&#246;cuy&#228;tsiptinqa manam tsayn&#246; parlanmantsu. Tsayn&#246;llam qapra runata kutik&#228;tsinmantsu karqan&gt;&gt;.</div><div class="s1">Jes&#250;sman mana creyiyanqan</div><div class="p"> 22Tamya killach&#246;mi Jerusal&#233;nch&#246; templupa fiestan karqan. 23Tsaymi templuman yaykur Salom&#243;n ninqan coredorch&#246; Jes&#250;s puriykaptin 24Israel runakuna juntapuskir tapuyarqan: &lt;&lt;&#191;Imayyaqtan shuyar&#228;y&#228;shayki rasun kaqta willay&#228;m&#228;naykipaq? Dios Yaya kachamunqan Cristo karqa sas willay&#228;may&gt;&gt;.</div><div class="p"> 25Jes&#250;snam nirqan: &lt;&lt;Qamkunatam willayashkaqna. Willayaptiqpis y Tayt&#228;pa shutinch&#246; milagrukunata rurapt&#239;pis manam creyiy&#228;mankitsu. 26&#220;sh&#228;kuna mana karmi creyiy&#228;mankitsu.</div><div class="p"> 27&lt;&lt;Peru &#252;sh&#228;kunam s&#239;qa vozn&#239;ta reqir qatir&#228;y&#228;man. Noqapis paykunatam req&#239;. 28Mana ushakaq kawaytam paykunata qarashaq. Imaypis manam ushak&#228;yanqatsu.#10.28 Imaypis manam ushak&#228;yanqatsu ninqanqa infiernuman manam qaykushqatsu kanqa ninanmi (Mat. 10.28; Juan 3.16; Apoc. 20.14; 21.8). Paykunataqa podern&#239;pita manam ni pipis qechumanqatsu. 29Tayt&#228;mi paykunata podern&#239;man churamushqa. Poder&#246;su kaptinmi ni pipis Tayt&#228;pa poderninpita qechunqatsu. 30Tayt&#228;wan noqam jukllaylla kay&#228;&gt;&gt;.</div><div class="p"> 31Tsayn&#246; niptinmi tsay autorid&#228;kuna Jes&#250;sta yapay saqmayta munayarqan. 32Peru Jes&#250;snam nirqan: &lt;&lt;Qamkunam rik&#228;yashkanki atska milagrukunata Tayt&#228;pa poderninwan ruranq&#228;ta. &#191;Mayqan milagru ruranq&#228;pitatan saqmay&#228;mayta munayanki?&gt;&gt;</div><div class="p"> 33Tsaymi niyarqan: &lt;&lt;Manam allita ruranqaykipitatsu saqmayta munayaq, sin&#246;qa Diospa contran parlanqaykipitam.#Lev. 24.16. Qamqa runalla kaykarmi Dios tukuykanki&gt;&gt;.</div><div class="p"> 34Jes&#250;snam nirqan: &lt;&lt;Leynikikunach&#246;mi nin: &lt;Noqam nirq&#228;: &lt;&lt;Qamkunam dioskuna#10.34 Runakunata juzgay&#228;nanpaq Dios Yaya churashqa kaptinmi autorid&#228;kunata hebreo idi&#246;mach&#246; dios kayanqanta niyaq. kayanki&gt;&gt; &gt;.#Sal. 82.6. 35Dios Yayapa palabran ninqanqa rasun kaqllam. Unay runakunata tantiyatsir Dios Yaya tsayn&#246; nikaptinqa 36&#191;imanirtan &lt;Diospa Tsurinmi k&#228;&gt; nipt&#239; manakaqta ninq&#228;ta yarp&#228;yanki? Kikin Dios Yayam kay patsaman kachamashqa.</div><div class="p"> 37&lt;&lt;Ruranq&#228;kuna Tayt&#228; munanqann&#246; mana kaptinqa ama creyiy&#228;maytsu. 38Pay munanqann&#246; kaptinqa creyiy&#228;may. Peru niyanqaqta wiyayanqaykillawan mana creyirpis milagru ruranq&#228;kunata rikaykarqa creyiy&#228;may. Tsaymi tantiyayanki noqach&#246; Tayt&#228; kanqanta y paych&#246; noqa kanq&#228;ta&gt;&gt;.</div><div class="p"> 39Tsayn&#246; niptinmi yapay pr&#235;su achkuyta munayarqan. Tsaymi qeshpir 40Jord&#225;n mayu tsimpanman kutikurqan. Tsaych&#246;mi puntata Juan bautizarqan.#Juan 1.28. 41Jes&#250;s tsaych&#246; kaykanqanta musyaskirmi atskaq runakuna tsayman aywaykur niyarqan: &lt;&lt;Juanqa manam ima milagrutapis rurarqantsu. Peru Jes&#250;spaq llapan ninqankunam s&#239;qa rasunpa kaqlla&gt;&gt;.</div><div class="p"> 42Tsaych&#246;mi atskaq runakuna Jes&#250;sman creyiyarqan.</div>
 </div>
 </div>
</div>

Mastam Jesús nirqan: <<Rasun kaqtam niyaq: Qenchaman punkunpa mana yaykuq kaqqa suwam. Peru punkunpa yaykuq kaqmi sïqa üshapa ämun. Paytam üsha täpaq runa yaykunanpaq punkuta kichapun. Üshapa ämunqa üshankunatam shutinkunapa qayan qayan qenchapita jipin. Üshakuna yarqurmi ämunpa vozninta reqir qepanta aywayan. Peru jukpa vozninta wiyarmi sïqa qepanta aywayantsu, sinöqa qeshpirmi aywakuyan>>.
Tsaynö iwalatsiypa Jesús yachatsikuptinmi imata ninqantapis runakuna tantiyayarqantsu. Tsaymi Jesús nirqan: <<Rasun kaqtam niyaq: Noqam qenchapa punkun kä. Manaraq shamuptï puntata shamuqkunaqa llapanpis suwam kayarqan. Tsaymi paykunata üshakuna cäsuyarqantsu. Peru noqam sïqa qencha punku kä. Punkupa yaykuq kaqmi salvakanqa. Paykunam yarqur y yaykurpis alli qewata tariyanqa. Suwam shamun suwakunanpaq, wañutsinanpaq y ushakätsinanpaq. Peru noqam sïqa shamushkä imayyaqpis runakuna alli kawaychö kayänanpaq.
<<Noqam alli mitsikuq runa kä. Alli mitsikuqqa üshankuna raykum wañunmanpis. Ämun mana karmi pägullapaq mitsikuq runaqa löbu shamuykaqta rikaskir üshakunata jaqiskir aywakun. Tsaymi löbu yaykuskir achkuptin wakin üshakuna qeshpir maytsaypa witsikäyan. Pägullapaq mitsiq runaqa üshakunata mana llakiparmi qeshpir aywakun.
<<Peru noqam sïqa alli mitsikuq kä. Taytäta reqinqänö y pay reqimanqannömi noqapis üshäkunata reqï y üshäkunapis reqiyäman. Tsaymi üshäkuna rayku wañushaqpis. Manam kayllachötsu üshäkuna kayan, sinöqa jukläduchöpis kanmi. Paykunapis voznïta reqirmi cäsuyämanqa. Tsaymi juk qenchallachö kayänanpaq paykunatapis qorimushaq. Tsaynöpam jukllayllana mitsikuqninkuna kanqa.
<<Üshäkuna rayku wañunäpaq kaptï y kawamunäpaq kaptïmi Taytä kuyaman. Noqam poderyuq kä wañunäpaq y kawamunäpaqpis. Tsaymi kikï mana munaptïqa pipis wañutsimanqatsu. Wañunäpaq y kawamunäpaqmi Taytä nimashqa>>.
Jesús tsaynö niptinmi Israel runakuna yapay kikinkunapura piñanakuyarqan. Tsaymi wakin niyarqan: <<Paychö supay kaptinmi löcuyashqa kaykan. ¿Imapaqtan wiyashunpis?>>
Wakinnam niyarqan: <<Supay löcuyätsiptinqa manam tsaynö parlanmantsu. Tsaynöllam qapra runata kutikätsinmantsu karqan>>.

Tamya killachömi Jerusalénchö templupa fiestan karqan. Tsaymi templuman yaykur Salomón ninqan coredorchö Jesús puriykaptin Israel runakuna juntapuskir tapuyarqan: <<¿Imayyaqtan shuyaräyäshayki rasun kaqta willayämänaykipaq? Dios Yaya kachamunqan Cristo karqa sas willayämay>>.
Jesúsnam nirqan: <<Qamkunatam willayashkaqna. Willayaptiqpis y Taytäpa shutinchö milagrukunata ruraptïpis manam creyiyämankitsu. Üshäkuna mana karmi creyiyämankitsu.
<<Peru üshäkunam sïqa voznïta reqir qatiräyäman. Noqapis paykunatam reqï. Mana ushakaq kawaytam paykunata qarashaq. Imaypis manam ushakäyanqatsu. Paykunataqa podernïpita manam ni pipis qechumanqatsu. Taytämi paykunata podernïman churamushqa. Poderösu kaptinmi ni pipis Taytäpa poderninpita qechunqatsu. Taytäwan noqam jukllaylla kayä>>.
Tsaynö niptinmi tsay autoridäkuna Jesústa yapay saqmayta munayarqan. Peru Jesúsnam nirqan: <<Qamkunam rikäyashkanki atska milagrukunata Taytäpa poderninwan ruranqäta. ¿Mayqan milagru ruranqäpitatan saqmayämayta munayanki?>>
Tsaymi niyarqan: <<Manam allita ruranqaykipitatsu saqmayta munayaq, sinöqa Diospa contran parlanqaykipitam. Qamqa runalla kaykarmi Dios tukuykanki>>.
Jesúsnam nirqan: <<Leynikikunachömi nin: <Noqam nirqä: <<Qamkunam dioskuna kayanki>> >. Dios Yayapa palabran ninqanqa rasun kaqllam. Unay runakunata tantiyatsir Dios Yaya tsaynö nikaptinqa ¿imanirtan <Diospa Tsurinmi kä> niptï manakaqta ninqäta yarpäyanki? Kikin Dios Yayam kay patsaman kachamashqa.
<<Ruranqäkuna Taytä munanqannö mana kaptinqa ama creyiyämaytsu. Pay munanqannö kaptinqa creyiyämay. Peru niyanqaqta wiyayanqaykillawan mana creyirpis milagru ruranqäkunata rikaykarqa creyiyämay. Tsaymi tantiyayanki noqachö Taytä kanqanta y paychö noqa kanqäta>>.
Tsaynö niptinmi yapay prësu achkuyta munayarqan. Tsaymi qeshpir Jordán mayu tsimpanman kutikurqan. Tsaychömi puntata Juan bautizarqan. Jesús tsaychö kaykanqanta musyaskirmi atskaq runakuna tsayman aywaykur niyarqan: <<Juanqa manam ima milagrutapis rurarqantsu. Peru Jesúspaq llapan ninqankunam sïqa rasunpa kaqlla>>.
Tsaychömi atskaq runakuna Jesúsman creyiyarqan.

Listen to Juan 10