Ntrubo - 2006 Edition (Drama NT)

<div class="version vid1795 iso6393ntr" data-vid="1795" data-iso6393="ntr">
 <div class="book bkACT">
 <div class="chapter ch4" data-usfm="ACT.4">
 <div class="label">4</div><div class="s">Be kamo Pita na Gy&#596;n gyu don&#596;&#596; kegyiise siaman</div><div class="p"> 1Deba&#331; ke&#331; Pita na Gy&#596;n s&#603;&#603; b&#603;&#603; kolosi fa bala&#331; ba&#331; n&#603;, te Wurubuar&#603; saese na kegyia &#331;on &#596; ne k&#603;&#603; bala&#331; ba&#331; b&#603;&#603; gyee Wurubuar&#603; &#596;som deni dinaa ke&#331; n&#603;, na bala&#331; ba&#331; b&#603;&#603; baake w&#596; nyi Sadukiitena n&#603; baale k&#596;&#331;aw&#596; be gya&#331;. 2Ba gye&#331;a ba&#331; nideli nawolo nyi, Pita na Gy&#596;n na wola bala&#331; ba&#331; nyi, Yesu te fom lee ye&#331; man, ke&#331; nawolo nyi bala&#331; pou baa fo&#331; lee ye&#331; man bela. 3Mena d&#596;&#596; be kya&#331;a Pita na Gy&#596;n ka do deni man, na t&#603;&#603; te lam d&#596;&#596;, be yela be doow&#596; kelii t&#603;&#603; kena. 4M&#596;na bala&#331; ba&#331; b&#596;&#596; nyii nombia &#331;an Pita na Gy&#596;n be yako n&#603;, be man burum l&#603;&#603; &#331;a di, mena d&#596;&#596; bala&#331; ba&#331; pou b&#596;&#596; l&#603;&#603; Yesu di n&#603;, be man baala wukuw&#596; kelii bala&#331; kakpo&#331;se bano&#331; (5000).</div><div class="p"> 5T&#603;&#603; kena ke&#331; n&#603;, Gyudatena kegyiise na be siamantena na ba mmaraa wolala ba&#331; gya&#331;eew&#596; Gyerusal&#603;m don&#596;&#596; man. 6Be gya&#331;eew&#596; na saese pou kegyia Anase na Kaifase na Gy&#596;n na Al&#603;kesanda na baala baale ba&#331; b&#596;&#596; lee saese pou kegyia &#331;on dekpa&#331;ala&#331; man n&#603;. 7Be yela ba moo Pita na Gy&#596;n kaa se&#331; be siaman te be b&#596;&#596;se w&#596; nyi, &#8220;Wo&#331; w&#596;&#596;le yaa am&#596;te yele man yaa &#603; ky&#596;&#596; balee &#331;on?&#8221; 8Te Pita &#331;on Wurubuar&#603; feli&#331; &#331;on doo &#596; man nideli n&#603;, tiran&#596;&#596; fa w&#596; nyi, &#8220;Kegyiise na siamantena, 9akpaa gy&#603;&#331; &#603; te baake daa kaa se&#331; &#603; siaman &#603; ne b&#596;&#596;se daa lee kolo kpaakpaa ke&#331; d&#596;&#596; y&#603;&#603;, te &#596;takase &#331;on be nyi&#331; do&#331; koro se&#331; n&#603; d&#596;&#596; na, 10kena&#331; na m&#603;&#603; gyae &#603;m&#603;&#603; na Iseraetena pou ka gye&#331; nyi, Yesu Kristo &#331;on &#596; ba lee Nasar&#603;te n&#603; yele man yaa balee ase&#331;a&#331; &#603; siaman kei nyi&#331;a do&#331; n&#603;. &#330;on te &#603; gy&#596;&#596;w&#596; sakaa &#596;pa&#331;da&#331; d&#596;&#596; ko, te Wurubuar&#603; gyuusu e lee ye&#331; man. 11Yesu y&#603;na wala&#331; &#331;on Wurubuar&#603; nombia t&#596;ne be yako nyi,</div><div class="q1">&#8216;Boe ke&#331; &#603;m&#603;&#603; deni maara ba&#331; be b&#603;&#603; ke n&#603;,</div><div class="q2">ke&#331; kaa bese na deni mok&#596;&#596; kasee boe ke&#331; ne yeli deni ke&#331; ne y&#603;&#603; do&#331; nideli.&#8217;</div><div class="m"> 12Yesu waage&#331; koo&#331; y&#603;na nyeel&#603;&#603;re, &#331;on waage&#331; koo&#331; te Wurubuar&#603; lesew&#596; t&#603;&#603;le kei d&#596;&#596; nyi de baake &#596; yele na waa l&#603;&#603; da nyee.&#8221;</div><div class="p"> 13Mena ke&#331; Pita na Gy&#596;n be kolosi nideli te ba te yee gyakolo&#331; ya, te kegyiise ba&#331; kenyii nyi be y&#603;&#603; bala&#331; yakaa nyiba&#331;w&#596; ke&#331; be te gyu sukuu ya n&#603;, ba wose ye&#331;a w&#596;. Bot&#596;&#596; te be naaw&#596; nyi ba&#331; na Yesu t&#603;&#603; la. 14M&#596;na ba kena balee &#331;on b&#596;&#596; ky&#596; e se&#331;&#603;&#603; Pita na Gy&#596;n gya&#331; bot&#596;&#596; n&#603;, ba te tale nyi&#331; nombiikum daale yako lee ba wose man ya. 15Mena d&#596;&#596; be yako w&#596; nyi baa lee nombia dedii deni ke&#331; man, bot&#596;&#596; te kegyiise ba&#331; moo ba nyeeya ba&#331; na d&#596;&#331;a. 16B&#603;&#603; b&#596;&#596;se d&#596;&#331;a nyi, &#8220;Wo&#331; yaa d&#603;&#603; y&#603;&#603; bala&#331; k&#603;w&#596;? Wala&#331; kamas&#603; &#331;on &#596; kyaa Gyerusal&#603;m don&#596;&#596; man n&#603;, gye&#331; nyi ba&#331; y&#603;&#603;na gyakolo&#331; nombii kei, te d&#596;&#596; gyae d&#603;&#603; tale l&#603;&#603; ka a&#331;maare&#331; ya. 17Mena ke&#331; d&#596;&#596; ne gyae nyi baa mo nombia k&#603;&#331;a kpe&#331;kpele&#331; d&#596;&#596; ya n&#603;, &#603; yela d&#603;&#603; t&#596; w&#596; nideli nyi be na tekaa kolosi Yesu kei nombia fa wala&#331; na wala&#331; ya.&#8221; 18Mena d&#596;&#596; be baake w&#596; gyoo be gya&#331; bela, te be t&#596;&#596; w&#596; nyi be na tekaa kolosi Yesu nombia, yaa baa wola bala&#331; kolo lee &#596; yele man korakora bela ya. 19Ke&#331;te Pita na Gy&#596;n tiran&#596;&#596; nyi, &#8220;&#400;m&#603;&#603; gbagba &#603; k&#603;&#603; nombia k&#603;&#331;a man nideli nyi wo&#331;ti dei la Wurubuar&#603; siaman? Dee nyii &#603; wui yaa dee nyii Wurubuar&#603; wui? 20Nawolo nyi daa d&#596;&#596;, d&#596;&#596; tale tina kpene ke&#331; d&#596;&#596; naa, na ke&#331; d&#596;&#596; nyii n&#603; kekolosi yela ya.&#8221; 21Mena d&#596;&#596; kegyiise ba&#331; t&#596;&#596; w&#596; nideli bela, te be tina w&#596; yela. Be te nyi&#331; gb&#603;&#603; ke&#331; baa mo w&#596;&#331; ba de&#331;ela ya, nawolo nyi bala&#331; ba&#331; pou na lese Wurubuar&#603; yele lee kpene ke&#331; &#596; be y&#603;&#603; n&#603; d&#596;&#596;. 22Balee &#331;on b&#596;&#596; ky&#596; e kawee kei n&#603;, kela kulutoone&#331; s&#596;&#331;ola (40).</div><div class="s">Kristotena ba&#331; kefane</div><div class="p"> 23Be ke tina Pita na Gy&#596;n yela n&#603;, te ba besew&#596; gyu be tebia gya&#331; keyako w&#596; kpene kamas&#603; ke&#331; saese kegyiise na don&#596;&#596; kegyiise ba&#331; be yako w&#596; n&#603;. 24Kristotena ba&#331; kenyii nombia &#331;ena&#331; n&#603;, be popou moo n&#596;&#596;dokolo&#331; fane fa Wurubuar&#603; nyi, &#8220;De Gbe&#331;gyoo, nya&#331; &#331;on n be y&#603;&#603; adido na ateta, na &#603;po na kpene kamas&#603; ke&#331; doo &#331;e man. 25Nya&#331; t&#603;&#603; la n feli&#331; &#331;on d&#596;&#596; te n yela de naana Defidi &#331;on &#596; y&#603;&#603; n tobaale e n&#603; yakow&#596; nyi,</div><div class="q1">&#8216;Weera d&#596;&#596; te t&#603;&#603;le kei d&#596;&#596; bala&#331; na gye&#331;ee ba&#331;se,</div><div class="q2">te b&#603;&#603; bake nombiakum&#603;&#603; yakaa yakaa,</div><div class="q2">m&#596;na &#331;e bee dee ya n&#603;?</div><div class="q1"> 26T&#603;&#603;le kei d&#596;&#596; gyoone&#331; ne desina ba wose fa yoo,</div><div class="q2">te siamantena ba&#331; m&#596; na koro se&#331; tia de Gbe&#331;gyoo</div><div class="q2">Wurubuar&#603; na nyeel&#603;&#603;re &#331;on &#596; be yako see nyi waa k&#596;&#331; n&#603;.&#8217;</div><div class="m"> 27Ampa&#331; te gyoo Herode na P&#596;nti&#596;se Pilato na Iseraetena na ba&#331; m&#596; ba te y&#603;&#603; Iseraetenaw&#596; ya n&#603;, gya&#331;eew&#596; don&#596;&#596; kei man te be bakew&#596; tia n tobaale Yesu &#331;on ayim&#603;&#603; be doo &#596; wose man ya, te nya&#331; Wurubuar&#603; ba mo e y&#603;&#603; nyeel&#603;&#603;re na gyoo n&#603;. 28Be gya&#331;eew&#596; te be y&#603;&#603; kpene ke&#331; nya&#331; Wurubuar&#603; n be wula yako see nyi gyae kek&#596;&#331; n&#603;, lee n do&#331; na n kegyaebii man. 29N&#603;n&#603;&#603; de Gbe&#331;gyoo Wurubuar&#603;, k&#603;&#603; mena ke&#331; b&#603;&#603; &#331;maase daa na n ka do daa n tewul&#603;&#603; kakye&#331; na d&#603;&#603; tale gy&#596; de kon&#596;&#596; kolosi n nombia &#331;an. 30Wurubuar&#603; koro se&#331; na n keky&#596; kaweese, na n ke ta de d&#596;&#596; y&#603;&#603; gyakolo&#331; nombia lese n w&#596;&#596;le wola lee n tobaale Yesu &#331;on ayim&#603;&#603; be doo &#596; wose man ya n&#603; yele man.&#8221; 31Ba ke fane ta&#331; ke&#331; n&#603;, te bot&#596;&#596; ke&#331; b&#596;&#596; gya&#331;ee n&#603; wosiw&#596; te Wurubuar&#603; feli&#331; &#331;on kaa gyoow&#596; be popou man nideli te be gy&#596;&#596; be kon&#596;&#596; kolosi Wurubuar&#603; nombia &#331;an.</div><div class="s">Kristotena ba&#331; n&#596;&#596;dokolo&#331; key&#603;&#603;</div><div class="p"> 32Bala&#331; ba&#331; pou b&#596;&#596; l&#603;&#603; Kristo Yesu di n&#603;, kyaaw&#596; n&#596;&#596;dokolo&#331; man te ba agyue&#331; m&#596; y&#603;&#603; dokolo&#331;. &#330;olo b&#603;&#603; yako nyi &#596; kolo y&#603;&#603; waage&#331; wui ya, m&#596;na be kp&#603;l&#603;&#603; ba ab&#596;&#596; pou fa d&#596;&#331;a. 33Yesu kpilala ba&#331; moo Wurubuar&#603; do&#331; dinaa ke&#331; di adans&#603;&#603; nyi, de Gbe&#331;gyoo Yesu te fom lee ye&#331; man, te Wurubuar&#603; moo &#596; b&#603;r&#603;&#603; boele ba&#331; pou b&#596;&#596; l&#603;&#603; Yesu di n&#603;. 34Kolo te hia be man &#331;olo ya, nawolo nyi ba&#331; be dana den&#603;&#603; na t&#603;&#603;lese n&#603; y&#596;&#596; &#331;a na b&#603;&#603; mo k&#596;ba ke&#331; b&#596;&#596; nyim n&#603;, 35k&#596;na Yesu kpilala ba&#331; na be ta mo kpala fa w&#596;. B&#603;&#603; fa wala&#331; kamas&#603; &#331;gba mena ke&#331; ne hia e n&#603;. 36Mena ke te Lewi baale &#331;olo &#331;on &#596; ba lee Saipor&#596;se t&#603;&#603;le man, te &#596; yele y&#603;na Gyos&#603;fo n&#603; y&#603;&#603;w&#596;. Yesu kpilala ba&#331; doo e yele nyi Banabase, ke&#331; nawolo nyi wala&#331; &#331;on &#596; na do bala&#331; kakye&#331;. 37&#330;on m&#596; ka moo &#596; t&#603;&#603;le ke&#331; &#596; dana n&#603; y&#596;&#596;, te &#596; moo k&#596;ba ke&#331; &#596; be nyim n&#603; kaa fa Yesu kpilala ba&#331;.</div>
 </div>
 </div>
</div>

Debaŋ keŋ Pita na Gyɔn sɛɛ bɛɛ kolosi fa balaŋ baŋ nɛ, te Wurubuarɛ saese na kegyia ŋon ɔ ne kɛɛ balaŋ baŋ bɛɛ gyee Wurubuarɛ ɔsom deni dinaa keŋ nɛ, na balaŋ baŋ bɛɛ baake wɔ nyi Sadukiitena nɛ baale kɔŋawɔ be gyaŋ. Ba gyeŋa baŋ nideli nawolo nyi, Pita na Gyɔn na wola balaŋ baŋ nyi, Yesu te fom lee yeŋ man, keŋ nawolo nyi balaŋ pou baa foŋ lee yeŋ man bela. Mena dɔɔ be kyaŋa Pita na Gyɔn ka do deni man, na tɛɛ te lam dɔɔ, be yela be doowɔ kelii tɛɛ kena. Mɔna balaŋ baŋ bɔɔ nyii nombia ŋan Pita na Gyɔn be yako nɛ, be man burum lɛɛ ŋa di, mena dɔɔ balaŋ baŋ pou bɔɔ lɛɛ Yesu di nɛ, be man baala wukuwɔ kelii balaŋ kakpoŋse banoŋ (5000).
Tɛɛ kena keŋ nɛ, Gyudatena kegyiise na be siamantena na ba mmaraa wolala baŋ gyaŋeewɔ Gyerusalɛm donɔɔ man. Be gyaŋeewɔ na saese pou kegyia Anase na Kaifase na Gyɔn na Alɛkesanda na baala baale baŋ bɔɔ lee saese pou kegyia ŋon dekpaŋalaŋ man nɛ. Be yela ba moo Pita na Gyɔn kaa seŋ be siaman te be bɔɔse wɔ nyi, “Woŋ wɔɔle yaa amɔte yele man yaa ɛ kyɔɔ balee ŋon?” Te Pita ŋon Wurubuarɛ feliŋ ŋon doo ɔ man nideli nɛ, tiranɔɔ fa wɔ nyi, “Kegyiise na siamantena, akpaa gyɛŋ ɛ te baake daa kaa seŋ ɛ siaman ɛ ne bɔɔse daa lee kolo kpaakpaa keŋ dɔɔ yɛɛ, te ɔtakase ŋon be nyiŋ doŋ koro seŋ nɛ dɔɔ na, kenaŋ na mɛɛ gyae ɛmɛɛ na Iseraetena pou ka gyeŋ nyi, Yesu Kristo ŋon ɔ ba lee Nasarɛte nɛ yele man yaa balee aseŋaŋ ɛ siaman kei nyiŋa doŋ nɛ. Ŋon te ɛ gyɔɔwɔ sakaa ɔpaŋdaŋ dɔɔ ko, te Wurubuarɛ gyuusu e lee yeŋ man. Yesu yɛna walaŋ ŋon Wurubuarɛ nombia tɔne be yako nyi,
‘Boe keŋ ɛmɛɛ deni maara baŋ be bɛɛ ke nɛ,
keŋ kaa bese na deni mokɔɔ kasee boe keŋ ne yeli deni keŋ ne yɛɛ doŋ nideli.’
Yesu waageŋ kooŋ yɛna nyeelɛɛre, ŋon waageŋ kooŋ te Wurubuarɛ lesewɔ tɛɛle kei dɔɔ nyi de baake ɔ yele na waa lɛɛ da nyee.”
Mena keŋ Pita na Gyɔn be kolosi nideli te ba te yee gyakoloŋ ya, te kegyiise baŋ kenyii nyi be yɛɛ balaŋ yakaa nyibaŋwɔ keŋ be te gyu sukuu ya nɛ, ba wose yeŋa wɔ. Botɔɔ te be naawɔ nyi baŋ na Yesu tɛɛ la. Mɔna ba kena balee ŋon bɔɔ kyɔ e seŋɛɛ Pita na Gyɔn gyaŋ botɔɔ nɛ, ba te tale nyiŋ nombiikum daale yako lee ba wose man ya. Mena dɔɔ be yako wɔ nyi baa lee nombia dedii deni keŋ man, botɔɔ te kegyiise baŋ moo ba nyeeya baŋ na dɔŋa. Bɛɛ bɔɔse dɔŋa nyi, “Woŋ yaa dɛɛ yɛɛ balaŋ kɛwɔ? Walaŋ kamasɛ ŋon ɔ kyaa Gyerusalɛm donɔɔ man nɛ, gyeŋ nyi baŋ yɛɛna gyakoloŋ nombii kei, te dɔɔ gyae dɛɛ tale lɛɛ ka aŋmaareŋ ya. Mena keŋ dɔɔ ne gyae nyi baa mo nombia kɛŋa kpeŋkpeleŋ dɔɔ ya nɛ, ɛ yela dɛɛ tɔ wɔ nideli nyi be na tekaa kolosi Yesu kei nombia fa walaŋ na walaŋ ya.” Mena dɔɔ be baake wɔ gyoo be gyaŋ bela, te be tɔɔ wɔ nyi be na tekaa kolosi Yesu nombia, yaa baa wola balaŋ kolo lee ɔ yele man korakora bela ya. Keŋte Pita na Gyɔn tiranɔɔ nyi, “Ɛmɛɛ gbagba ɛ kɛɛ nombia kɛŋa man nideli nyi woŋti dei la Wurubuarɛ siaman? Dee nyii ɛ wui yaa dee nyii Wurubuarɛ wui? Nawolo nyi daa dɔɔ, dɔɔ tale tina kpene keŋ dɔɔ naa, na keŋ dɔɔ nyii nɛ kekolosi yela ya.” Mena dɔɔ kegyiise baŋ tɔɔ wɔ nideli bela, te be tina wɔ yela. Be te nyiŋ gbɛɛ keŋ baa mo wɔŋ ba deŋela ya, nawolo nyi balaŋ baŋ pou na lese Wurubuarɛ yele lee kpene keŋ ɔ be yɛɛ nɛ dɔɔ. Balee ŋon bɔɔ kyɔ e kawee kei nɛ, kela kulutooneŋ sɔŋola (40).

Be ke tina Pita na Gyɔn yela nɛ, te ba besewɔ gyu be tebia gyaŋ keyako wɔ kpene kamasɛ keŋ saese kegyiise na donɔɔ kegyiise baŋ be yako wɔ nɛ. Kristotena baŋ kenyii nombia ŋenaŋ nɛ, be popou moo nɔɔdokoloŋ fane fa Wurubuarɛ nyi, “De Gbeŋgyoo, nyaŋ ŋon n be yɛɛ adido na ateta, na ɛpo na kpene kamasɛ keŋ doo ŋe man. Nyaŋ tɛɛ la n feliŋ ŋon dɔɔ te n yela de naana Defidi ŋon ɔ yɛɛ n tobaale e nɛ yakowɔ nyi,
‘Weera dɔɔ te tɛɛle kei dɔɔ balaŋ na gyeŋee baŋse,
te bɛɛ bake nombiakumɛɛ yakaa yakaa,
mɔna ŋe bee dee ya nɛ?
Tɛɛle kei dɔɔ gyooneŋ ne desina ba wose fa yoo,
te siamantena baŋ mɔ na koro seŋ tia de Gbeŋgyoo
Wurubuarɛ na nyeelɛɛre ŋon ɔ be yako see nyi waa kɔŋ nɛ.’
Ampaŋ te gyoo Herode na Pɔntiɔse Pilato na Iseraetena na baŋ mɔ ba te yɛɛ Iseraetenawɔ ya nɛ, gyaŋeewɔ donɔɔ kei man te be bakewɔ tia n tobaale Yesu ŋon ayimɛɛ be doo ɔ wose man ya, te nyaŋ Wurubuarɛ ba mo e yɛɛ nyeelɛɛre na gyoo nɛ. Be gyaŋeewɔ te be yɛɛ kpene keŋ nyaŋ Wurubuarɛ n be wula yako see nyi gyae kekɔŋ nɛ, lee n doŋ na n kegyaebii man. Nɛnɛɛ de Gbeŋgyoo Wurubuarɛ, kɛɛ mena keŋ bɛɛ ŋmaase daa na n ka do daa n tewulɛɛ kakyeŋ na dɛɛ tale gyɔ de konɔɔ kolosi n nombia ŋan. Wurubuarɛ koro seŋ na n kekyɔ kaweese, na n ke ta de dɔɔ yɛɛ gyakoloŋ nombia lese n wɔɔle wola lee n tobaale Yesu ŋon ayimɛɛ be doo ɔ wose man ya nɛ yele man.” Ba ke fane taŋ keŋ nɛ, te botɔɔ keŋ bɔɔ gyaŋee nɛ wosiwɔ te Wurubuarɛ feliŋ ŋon kaa gyoowɔ be popou man nideli te be gyɔɔ be konɔɔ kolosi Wurubuarɛ nombia ŋan.

Balaŋ baŋ pou bɔɔ lɛɛ Kristo Yesu di nɛ, kyaawɔ nɔɔdokoloŋ man te ba agyueŋ mɔ yɛɛ dokoloŋ. Ŋolo bɛɛ yako nyi ɔ kolo yɛɛ waageŋ wui ya, mɔna be kpɛlɛɛ ba abɔɔ pou fa dɔŋa. Yesu kpilala baŋ moo Wurubuarɛ doŋ dinaa keŋ di adansɛɛ nyi, de Gbeŋgyoo Yesu te fom lee yeŋ man, te Wurubuarɛ moo ɔ bɛrɛɛ boele baŋ pou bɔɔ lɛɛ Yesu di nɛ. Kolo te hia be man ŋolo ya, nawolo nyi baŋ be dana denɛɛ na tɛɛlese nɛ yɔɔ ŋa na bɛɛ mo kɔba keŋ bɔɔ nyim nɛ, kɔna Yesu kpilala baŋ na be ta mo kpala fa wɔ. Bɛɛ fa walaŋ kamasɛ ŋgba mena keŋ ne hia e nɛ. Mena ke te Lewi baale ŋolo ŋon ɔ ba lee Saiporɔse tɛɛle man, te ɔ yele yɛna Gyosɛfo nɛ yɛɛwɔ. Yesu kpilala baŋ doo e yele nyi Banabase, keŋ nawolo nyi walaŋ ŋon ɔ na do balaŋ kakyeŋ. Ŋon mɔ ka moo ɔ tɛɛle keŋ ɔ dana nɛ yɔɔ, te ɔ moo kɔba keŋ ɔ be nyim nɛ kaa fa Yesu kpilala baŋ.

Listen to Kpilala 4