 If you would like a copy of this version please contact info@davaraudiobibles.org

Adamawa Fulfulde Bible

Fulfulde Bible Ajamiya © Bible Society of Cameroon, 2016.

ࢡَاوٛ عِلَمْ تُوڢَانَ، ࢡِࢡّٜ نُوحُ سٜمْ عٜ حَامُ عٜ يَڢٜتْ دَࢩِ ࢡِکّٛيْ؞
ࢡِࢡّٜ يَڢٜتْ نغٛنِ‏: غٛمٜرْ عٜ مَغٛغْ عٜ مَدَيْ عٜ يَوَنْ عٜ تُبَلْ عٜ مٜىٰسٜکْ عٜ تِرَسْ؞ ࢡِࢡّٜ غٛمٜرْ نغٛنِ‏: عَسْکَنَسْ عٜ رِڢَتْ عٜ تٛغَرْمَ؞ ࢡِࢡّٜ يَوَنْ نغٛنِ‏: عٜلِسَ عٜ تَرْسِسْ عٜ کِتِّعٜنْ عٜ رٛدَنِعٜنْ؞ دِغَ مَࢡّٜ جٛوطِيࢡٜ حَا دُوطٜ عٜ ڢٛمٛوندٜ مبٜىٰلَ عِوِ؞ ࢡٜشٜنْدَامَ ڢٛدّٜ لٜسْدِ مَࢡّٜ عٜ کٛو مٛيْ ڢٛدّٜ طٜمْنغَلْ مُوطُمْ، ڢٛدّٜ عَسْنغٛلْ مُوطُمْ عٜ عُمَّاتٛورٜ مُوطُمْ؞ ࢡِࢡّٜ حَامُ نغٛنِ‏: کُسْ عٜ مِسْرَيِمْ عٜ ݠُتْ عٜ کَنَانَ؞ ࢡِࢡّٜ کُسْ نغٛنِ‏: سٜبَ عٜ حَوِلَ عٜ سَبٜتَ عٜ رَمَ عٜ سَبِتْکَ؞ ࢡِࢡّٜ رَمَ بٛو‏: سَبَ عٜ دٜدَنْ؞ کُسْ دَࢩِ نِمْرُدُ، کَنغْکٛ وٛنِ عَارْتُطٛ لَاتَاغٛ بَاوْطٛ دٛوْ لٜسْدِ؞ عٛ لٛوحٛووٛ بَاوْطٛ يٜىٰسٛ جَوْمِرَاوٛ؞ نغَمْ مَاجُمْ ࢡٜطٛنْ مبِعَ‏: «لٛوحٛووٛ بَاوْطٛ يٜىٰسٛ جَوْمِرَاوٛ بَنَ نِمْرُدُ؞» عٛعَارْتِ لَامَاغٛ دٛوْ بٜرْنِيجِ طِعِ‏: بَابِلَ عٜ عٜرٜکْ عٜ عَکَتْ عٜ کَلْنٜ ندٜرْ لٜسْدِ سِنٜعَرْ؞ نِمْرُدُ وُرْتِ لٜسْدِ ندِعِ، عٛيٜحِ عَسُّورَ؞ عٛࢩِࢡِ نِنِوٜ عٜ رٜحٛبٛتْ-عِرْ عٜ کَلَ عٜ رٜسٜنْ، بٜرْنِوٛلْ مَنغٛلْ، طٛنْ حَکُّندٜ نِنِوٜ بٜى کَلَ؞ مِسْرَيِمْ دَࢩِ لُودِعٜنْ عٜ عَنَمِعٜنْ عٜ لٜحَبِعٜنْ عٜ نَڢْتُعٜنْ عٜ ݠَتُرُسِعٜنْ عٜ کَسْلُعٜنْ عٜ کَڢْتٛرِعٜنْ؞ ڢِلِسْتِعٜنْ عِوِ حَا کَسْلُعٜنْ؞ کَنَانَ دَࢩِ سِدٛنْ، عَڢٛ مُوطُمْ عٜ حٜتُ عٜ يٜبُسِعٜنْ عٜ عَمٛورِعٜنْ عٜ غِرْغَسِعٜنْ عٜ حٜوِعٜنْ عٜ عَرْکِعٜنْ عٜ سِنِتِعٜنْ عٜ عَرْوِدِعٜنْ عٜ شٜمَرِتِعٜنْ عٜ حَمَتِعٜنْ؞ ࢡَاوٛ مَاجُمْ شِعٜ کَنَانِعٜنْ شَنغْکِتِ؞ مَرَلْ کَنَانِعٜنْ يَاجِ دِغَ سِدٛنْ يٜحِ غٜرَرْ، حَا يٛتِّ غَازَ، حَا سٛدٛمَ عٜ غٛمٛرَّ عٜ عَدَمَ عٜ شٜبٛيِمْ، حَا يٛتِّ لٜسَ؞ ࢡٜعٜ نغٛنِ دَࢩْغٛلْ حَامُ ڢٛدّٜ شِعٜ مَࢡّٜ عٜ طٜمْطٜ مَࢡّٜ عٜ لٜسْطٜ مَࢡّٜ ندٜرْ عُمَّاتٛوجٜ مَࢡّٜ؞
سٜمْ، حَمِّرَاوٛ يَڢٜتْ، عٛدَࢩَنَامَ ࢡِࢡّٜ بٛو؞ کَنغْکٛ وٛنِ کَاکَ ࢡِࢡّٜ عٜبٜرْ ڢُو؞ ࢡِࢡّٜ سٜمْ نغٛنِ‏: عٜلَمْ عٜ عَسُّرُ عٜ عَرْڢَسَدَ عٜ لُودَ عٜ عَرَمْ؞ ࢡِࢡّٜ عَرَمْ نغٛنِ‏: عُوسْ عٜ حُلْ عٜ غٜتٜرْ عٜ مَسْ؞ عَرْڢَسَدَ دَࢩِ سٜلَحَ، سٜلَحَ دَࢩِ عٜبٜرْ؞ عٜبٜرْ دَࢩَنَامَ ࢡِࢡّٜ وٛرْࢡٜ طِطٛ؞ عِنْدٜ غٛوتٛ، ݠٜلٜکْ، نغَمْ ندٜرْ زَمَنُ مَاکٛ دُنِيَارُ سٜنْدَامَ؞ عِنْدٜ دٜىٰرْطِيکٛ بٛو، يٛکْتَنْ؞ يٛکْتَنْ دَࢩِ عَلْمٛدَتْ عٜ سٜلٜڢْ عٜ حَشَمَوٜتْ عٜ يٜرَحَ عٜ حَدٛرَمْ عٜ عُزَلْ عٜ دِکِلَ عٜ عٛبَلْ عٜ عَبِمَيٜلْ عٜ سٜبَ عٜ عٛڢِرْ عٜ حَوِلَ عٜ يٛبَبَ؞ ڢُو مَࢡّٜ ࢡٜ ࢡِࢡّٜ يٛکْتَنْ؞ ࢡٜجٛوطِ دِغَ مٜسَرْ حَا يٛتِّ تَيْرٜ حٛوسٜىٰرٜ سٜڢَرْ، حَا ڢُونَانغٜ؞ کَمْࢡٜ نغٛنِ دَࢩْغٛلْ سٜمْ ڢٛدّٜ شِعٜ مَࢡّٜ عٜ طٜمْطٜ مَࢡّٜ ندٜرْ لٜسْطٜ مَࢡّٜ ڢٛدّٜ جَمَعَاجٜ مَࢡّٜ؞
ندَا شِعٜ ࢡِࢡّٜ نُوحُ ڢٛدّٜ غِدٜ مَࢡّٜ ندٜرْ عُمَّاتٛوجٜ مَࢡّٜ؞ دِغَ مَࢡّٜ عُمَّاتٛوجٜ دُنِيَارُ ڢُو عِوِ ࢡَاوٛ عِلَمْ تُوڢَانَ؞

Listen to لَاتَانٛوجِ 10