<div class="version vid1285 iso6393sag" data-vid="1285" data-iso6393="sag">
   <div class="book bkJHN">
      <div class="chapter chINTRO1" data-usfm="JHN.INTRO1">
         <div class="imt"><span class="content">Kete t&#235;n&#235; na nd&#246; ti Nzoni T&#235;n&#235; so Jean asu na mbeti</span></div><div class="ip"><span class="content">Nzoni T&#235;n&#235; so Jean asu na mbeti, ambeni zo atene, Jean asu ni ndali ti abongbi ti azo ti Christ so ayeke na sese ti Sirii wala na sese ti Azii, so a iri ni laso Turkii. Molongo ti at&#235;n&#235; ti ya ti mbeti ni, at&#235;n&#235; ti ya ni nga na ambupa ni ayeke nde na ti atanga ti Nzoni T&#235;n&#235;. Ti hinga nda ti at&#235;n&#235; ti yanga ti J&#233;sus na nda ti sarango ye ti lo so angba na hondengo ni, so laa ayeke kota ye mingi na le ti Jean.</span></div><div class="iot"><span class="content">Akota ye so ayeke na ya ti mbeti so:</span></div><div class="ip"><span class="content">  </span><span class="bd"><span class="content">Kozo mbage ti mbeti ni (1 &#8211; 12)</span></span><span class="content"> ayeke tene t&#235;n&#235; ti akota ye ti dongo be mbarambara so J&#233;sus asara. Aye ti dongo be ni so afa atene, J&#233;sus ayeke Molenge ti Nzapa: kozo mbage ni ayeke tene nga t&#235;n&#235; ti warango tere ti J&#233;sus na mbeni makonzi ti azo ti sambelango Nzapa ti azuife (kota gere 3), t&#235;n&#235; ti warango tere ti J&#233;sus na mbeni wali ti kodro ti Samarii (kota gere 4) nga na t&#235;n&#235; ti warango tere ti lo na azo ti kobela (kota gere 5 &#8211; 9). Na ya ti fango ye ti lo, J&#233;sus ayeke fa so lo yeke mapa so ayeke mu fini na zo, lo yeke wabatango-taba so ayeke fa na azo lege so ague na Nzapa Bab&#226;, lo yeke lumiere ndali ti azo ti dunia. Na lege so, J&#233;sus ayeke fa na azo kue so lo yeke Molenge ti Nzapa biani.</span></div><div class="ip"><span class="content">  </span><span class="bd"><span class="content">Use mbage ti mbeti ni (13 &#8211; 21)</span></span><span class="content"> ayeke fa na azo t&#235;n&#235; ti ngoi so alingbi J&#233;sus azia dunia so ti gue na Bab&#226; ti lo. J&#233;sus atene t&#235;n&#235; na adisiple ti lo, lo mu na ala awango ndali ti ngoi so lo yeke duti ande na popo ti ala pepe (kota gere 13 &#8211; 16). Na pekoni, J&#233;sus asambela Nzapa, Bab&#226; ti lo ndali ti adisiple ti lo (kota gere 17).</span></div><div class="ip"><span class="content">At&#235;n&#235; so kue ayeke na nd&#246; ti ku&#226; ti J&#233;sus (kota gere 18 &#8211; 19), ambeni mingi akpa tere na ti so Matthieu, Marc na Luc atene t&#235;n&#235; ni.</span></div><div class="ip"><span class="content">Na lango ti Pake, J&#233;sus asi na adisiple ti lo ti fa na ala so lo yeke na fini (kota gere 20 &#8211; 21). Jean asu Nzoni T&#235;n&#235; ni titene azo so abaa J&#233;sus pepe, ala nga alingbi ti ma na be na lo (20.29-31).</span></div><div class="ip"><span class="content">Nzoni T&#235;n&#235; so Jean asu na mbeti atene t&#235;n&#235; ti azuife tongana bongbi ti azo so ayeke ti ala nde; t&#235;n&#235; so abaa mbirimbiri amakonzi ti azuife ni. Ala ye t&#235;n&#235; ti J&#233;sus pepe, andaa J&#233;sus wani ayeke zuife; akozo disiple ti lo nga ayeke azuife. Tongana J&#233;sus ayeke tene t&#235;n&#235; ti azuife, t&#235;n&#235; ni abaa gi azo ti mara ti azuife oko pepe, t&#235;n&#235; ni abaa nga azo so kue ake J&#233;sus Christ, ataa ala yeke ti mara wa.</span></div><div class="ip"><span class="content">Na ya ti Nzoni T&#235;n&#235; so Jean asu na mbeti, mo yeke wara t&#235;n&#235; ti dungo J&#233;sus daa pepe; ngoi so lo to nda ti sara kua na le ti azo polele, mo yeke wara t&#235;n&#235; ni daa pepe. Me na ya ti akozo t&#235;n&#235; ti lo, Jean atene yongoro t&#235;n&#235; na nd&#246; ti J&#233;sus Christ; lo tene: J&#233;sus ayeke T&#235;n&#235; ti Nzapa; ngu na ngu, lo yeke na tere ti Nzapa (1.1-18). J&#233;sus so ayeke T&#235;n&#235; ti Nzapa, lo ga zo biani si lo duti na popo ti azo. Tongaso si ala lingbi ti ga amolenge ti Nzapa. Na dutingo ti J&#233;sus na nd&#246; ti dunia so, songo ti lo na Bab&#226; ti lo angba ngangu mingi.</span></div><div class="ip"><span class="content">Bab&#226; laa atokua lo na nd&#246; ti dunia so. Na lege ti J&#233;sus, azo so kue ayeke gi Nzapa na nzoni be alingbi ti hinga lo.</span></div>
      </div>
   </div>
</div>

Kete tënë na ndö ti Nzoni Tënë so Jean asu na mbeti
Nzoni Tënë so Jean asu na mbeti, ambeni zo atene, Jean asu ni ndali ti abongbi ti azo ti Christ so ayeke na sese ti Sirii wala na sese ti Azii, so a iri ni laso Turkii. Molongo ti atënë ti ya ti mbeti ni, atënë ti ya ni nga na ambupa ni ayeke nde na ti atanga ti Nzoni Tënë. Ti hinga nda ti atënë ti yanga ti Jésus na nda ti sarango ye ti lo so angba na hondengo ni, so laa ayeke kota ye mingi na le ti Jean.
Akota ye so ayeke na ya ti mbeti so:
Kozo mbage ti mbeti ni (1 – 12) ayeke tene tënë ti akota ye ti dongo be mbarambara so Jésus asara. Aye ti dongo be ni so afa atene, Jésus ayeke Molenge ti Nzapa: kozo mbage ni ayeke tene nga tënë ti warango tere ti Jésus na mbeni makonzi ti azo ti sambelango Nzapa ti azuife (kota gere 3), tënë ti warango tere ti Jésus na mbeni wali ti kodro ti Samarii (kota gere 4) nga na tënë ti warango tere ti lo na azo ti kobela (kota gere 5 – 9). Na ya ti fango ye ti lo, Jésus ayeke fa so lo yeke mapa so ayeke mu fini na zo, lo yeke wabatango-taba so ayeke fa na azo lege so ague na Nzapa Babâ, lo yeke lumiere ndali ti azo ti dunia. Na lege so, Jésus ayeke fa na azo kue so lo yeke Molenge ti Nzapa biani.
Use mbage ti mbeti ni (13 – 21) ayeke fa na azo tënë ti ngoi so alingbi Jésus azia dunia so ti gue na Babâ ti lo. Jésus atene tënë na adisiple ti lo, lo mu na ala awango ndali ti ngoi so lo yeke duti ande na popo ti ala pepe (kota gere 13 – 16). Na pekoni, Jésus asambela Nzapa, Babâ ti lo ndali ti adisiple ti lo (kota gere 17).
Atënë so kue ayeke na ndö ti kuâ ti Jésus (kota gere 18 – 19), ambeni mingi akpa tere na ti so Matthieu, Marc na Luc atene tënë ni.
Na lango ti Pake, Jésus asi na adisiple ti lo ti fa na ala so lo yeke na fini (kota gere 20 – 21). Jean asu Nzoni Tënë ni titene azo so abaa Jésus pepe, ala nga alingbi ti ma na be na lo (20.29-31).
Nzoni Tënë so Jean asu na mbeti atene tënë ti azuife tongana bongbi ti azo so ayeke ti ala nde; tënë so abaa mbirimbiri amakonzi ti azuife ni. Ala ye tënë ti Jésus pepe, andaa Jésus wani ayeke zuife; akozo disiple ti lo nga ayeke azuife. Tongana Jésus ayeke tene tënë ti azuife, tënë ni abaa gi azo ti mara ti azuife oko pepe, tënë ni abaa nga azo so kue ake Jésus Christ, ataa ala yeke ti mara wa.
Na ya ti Nzoni Tënë so Jean asu na mbeti, mo yeke wara tënë ti dungo Jésus daa pepe; ngoi so lo to nda ti sara kua na le ti azo polele, mo yeke wara tënë ni daa pepe. Me na ya ti akozo tënë ti lo, Jean atene yongoro tënë na ndö ti Jésus Christ; lo tene: Jésus ayeke Tënë ti Nzapa; ngu na ngu, lo yeke na tere ti Nzapa (1.1-18). Jésus so ayeke Tënë ti Nzapa, lo ga zo biani si lo duti na popo ti azo. Tongaso si ala lingbi ti ga amolenge ti Nzapa. Na dutingo ti Jésus na ndö ti dunia so, songo ti lo na Babâ ti lo angba ngangu mingi.
Babâ laa atokua lo na ndö ti dunia so. Na lege ti Jésus, azo so kue ayeke gi Nzapa na nzoni be alingbi ti hinga lo.

Listen to Jean Kete tënë na ndö ti Nzoni Tënë so Jean asu na mbeti