ZLI VIRZI 5
5
Tizer zle avu Adamu hã a ndila Nowe
1Slimiɗ ngi tizh ngi Adamuhoy anihĩ: Tapas Buymisemuŋ miga mbur titra, a ga a bam vu ati naŋ. 2A ga taŋ i mbur zil ati ngwas a ɗuwula taŋ mi, a ca taŋ slimiɗe, mizli titrahay, kalla tapas naŋ miga taŋ vuna si. 3Adamu migi vi skat ti kukur makir na, a yi mangal muvu vunah i naŋ, ɓaˀ i naŋ. A caŋ slimiɗe Sete. 4A dirba Adamu miya Sete na, a gi vi skat skat dangafaɗa. A yi ziri mizile ati mongoso mekelemey le ma. 5Adamu a muc, naɓa naŋ ti vi skat skat ngoltir ti kukur makir. 6Ti di Set migi vi skat ti zlum na, a yi Enos. 7A dirba Set miya Enos na, a gi vi skat skat dangafaɗ ti tarnaˀ. A yi ziri mizile ati mongoso mekelemey le ma. 8Set a muc, naɓa naŋ ti vi skat skat ngoltir ti kuruˀ nga cuw. 9Enos mindila vi kukur ngoltir na, a ya mangal naŋ Kenaŋ. 10A dirba naŋ miya Kenaŋ na, a gi vi skat skat dangafaɗ ti kuruˀ nga zlum, a yi ziri mizile ati mongoso mekelemey le ma. 11Enos a muc, naɓa naŋ ti vi skat skat ngoltir ti zlum. 12Kenaŋ mindila vi kukur tarnaˀna, a yi Malaleyel. 13A dirba naŋ miya Malaleyele na, Kenaŋ a gi vi skat skat dangafaɗ ti kukur mufaɗ, a yi ziri mizile ati mongoso mekelemey le ma. 14Kenaŋ a muc, naɓa naŋ ti vi skat skat ngoltir ti vi kuruˀu. 15Malaleyel mindila vi kukur merkeɗ ti zlum na, a yi Yeret. 16A dirba naŋ miya Yeret na, Malaleyel a gi vi skat skat dangafaɗ ti kukur makir. A yi ziri mizile ati mongoso mekelemey le ma. 17Malaleyel a muc, naɓa naŋ ti vi skat skat dangafaɗ ti kukur ngoltir nga zlum. 18Yeret mindila vi skat ti kukur merkeɗ ti cuw na, a yi Henok. 19A dirba naŋ miya Henok na, Yeret a gi vi skat skat dangafaɗ, a yi ziri mizile ati mongoso mekelemey le ma. 20Yeret a muc, naɓa naŋ ti vi skat skat ngoltir ti kukur merkeɗ nga cuw. 21Henok mindila vi kukur merkeɗ nga zlum na, a yi Matusalem. 22A dirba naŋ miya Matusalem na, Henok a cifi le ti jumoˀay wãˀ ati Buymisemuŋ, vi skat skat makir, yo a yi ziri mizile ati mongoso mekelemey le ma. 23Henok a muc, naɓa naŋ ti vi skat skat makir ti kukur merkeɗ nga zlum. 24Henok a cifi kuy kuy a mbuŋ Buymisemuŋ, a dirba nah, naŋ anta mata, asi Buymisemuŋ a zuɓa le. 25Matusalem mindila vi skat ti kukur dangafaɗ nga tarnaˀ na, a yi Lamek. 26A dirba naŋ miya Lamek na, Matusalem a gi vi skat skat tarnaˀ ti kukur dangafaɗ nga cuw. A yi ziri mizile ati mongoso mekelemey le ma. 27Matusalem a muc, naɓa naŋ ti vi skat skat ngoltir ti kukur merkeɗ nga ngoltir. 28Lamek mindila vi skat ti kukur dangafaɗ nga cuw na, a yi mangal mizile. 29A caŋ slimiɗe Nowe, asi a ɓi na: «Slra ndrahay ati gir mitakˀay le ngisi haŋ ndra, muso tivi hirwuy Bumbulvuŋ minisa na, i mbur hana masa tisla ndra mevel ava.» 30A dirba naŋ miya Nowe na, Lamek a gi vi skat skat zlum ti kukur ngoltir nga zlum. A yi ziri mizile ati mongoso mekelemey le ma. 31Lamek a muc, naɓa naŋ ti vi skat skat tarnaˀ ti kukur tarnaˀ nga tarnaˀ. 32Nowe mindila vi skat skat zlum na, a yi ti Sem, Kam ati Zafet.
Bible en Langue Guiziga © L’Alliance Biblique du Cameroun, 2011.
