Masmur 6
6
Ransyeran weotor Amisye anonae arono no irati wanene rai
1Masmur Daud po ratoe. Nto irati akari po vatano matayao ukiny maugavo ransyerane rai ai. Ukiny dai wo itari#6:1 itari ranigwano ‘‘kecapi’’ rai. Ayao Ibrani sheminith ama ine mba kobe jewen, weramu kuruno Ayao Amisy inta wo ratantona ware ama ine mare ‘‘itari ama waije kaumandeij.’’ ama wai kaumandeije raeyan dai.
2Sya AMISY, syare vemo Nyo Nya pari mangke raugaje rinai nora,
vemo Nyo Nya pari mpanyoane veano inanepat inya.
3Sya AMISY, syare naemeno rinai weye sya vambunine meweno rinai to.
AMISY, syare Nyo saumane raude rinai weye inanasine tename so mayondi rave,
4muno inanuga so ntanamanine jewen.
Sya AMISY, winakirive rinaija ntoa nanduija?!
5AMISY, syare namumbe de rinai,
Nyo rinapaya irati kakai rai mamaisyo Nya muinyo no tawane rai.
6Weye ranivara syasyo no wene ama uga rai, weamo rinanimari Winai,
rikangkamambe Nya tame rai akato no amani jewen.
7Rimarerembe rave weye syanonae tutir,
namane anteter inami ngkaru nsoyan no sya vasyoto niki ri,
inami ngkaru nsopato sya anukane rai ti mbaubu.
8Syoyov tutir ti inami tuga mbambanai weye inanimaumbe rave,
sya marova wo inansewabe ti syoyova inami ndadiri.
9Inya, vatano mamune weap, wata ra wasaumandita,
weye AMISY Po sya oyove ranaun to.
10AMISY Po sya sambaya syo awaine ranaun to,
muno sya ana danajo mamo AMISY Po raveti mamaisy.
11Indati sya marova nao tenambe upaparo mai ti usamane,
ti kavuratawe wansuk akiri muno usamane ti unanajibe.
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)