Ipakilya 5
5
1Ziṉo n’ezangô z’imbamba s’Adam. Gô ntyugu y’avang’ Anyambyè ôma, avangi yè n’egolaṉi z’Anyambyè. 2Avang’ôṉôm̃e n’ômwantô, n’azaviṉi yè waô, n’aṽèti yè ina ny’ôma, gw’avangi yè waô. 3N’alwaṉi Adam nkam̃a n’agôm̃i m’impum̃’ararô; n’ayaṉi yè ômwaṉ’ôṉôm̃e mpangiṉi ga yè, n’egolaṉi zè, n’aṽètyè yè ini nyè: Sèt. 4N’intyugu s’Adam ayè jaṉa pe Sèt s’avegag’inkam̃a s’impum̃’eṉanay; n’ayaṉi yè awaṉ’aṉôm̃e n’awaṉ’antô. 5N’intyugu s’Adam sôdu s’alwanyô yè s’avegag’inkam̃a s’impum̃’eṉôgôm̃i, n’agôm̃i m’impum̃’ararô; n’ayuwi yè.
6N’alwaṉi Sèt nkam̃a y’impum̃a mori n’impum̃’ôtaṉè, n’ayaṉi yè Enok. 7N’alwaṉi Sèt, ayè jaṉa p’Enok, inkam̃a s’impum̃’eṉanay n’impum̃’ôrwageṉô; n’ayaṉi yè awaṉ’aṉôm̃e n’awaṉ’antô. 8N’intyugu si Sèt sôdu s’avegag’inkam̃a s’impum̃’eṉôgôm̃i n’igôm̃i ny’impum̃’im̃ori n’impum̃’imbaṉi; n’ayuwi yè.
9N’alwaṉi Enok agôm̃i m’impum̃’eṉôgôm̃i, n’ayaṉi yè Kenan. 10N’alwaṉi Enok, ayè jaṉa pe Kenan, inkam̃a s’impum̃’eṉanay n’igôm̃i ny’impum̃’im̃ori n’impum̃’itaṉè; n’ayaṉi yè awaṉ’aṉôm̃e n’awaṉ’antô. 11N’intyugu s’Enok sôdu s’avegag’inkam̃a s’impum̃’eṉôgôm̃i n’impum̃’itaṉè; n’ayuwi yè.
12N’alwaṉi Kenan agôm̃i m’impum̃’ôrwageṉô, n’ayaṉi yè Maalaleèl. 13N’alwaṉi Kenan, ayè jaṉa pe Maalaleèl, inkam̃a s’impum̃’eṉanay n’agôm̃i m’impum̃’aṉay; n’ayaṉi yè awaṉ’aṉôm̃e n’awaṉ’antô. 14N’intyugu si Kenan sôdu s’avegag’inkam̃a s’impum̃’eṉôgôm̃i n’igôm̃i ny’impum̃’im̃ori; n’ayuwi yè.
15N’alwaṉi Maalaleèl agômi m’impum̃’ôrôṽa n’impum̃’itaṉè, n’ayaṉi yè Yerèd. 16N’alwaṉi Maalaleèl, ayè jaṉa pe Yerèd, inkam̃a s’impum̃’eṉanay n’agôm̃i m’impum̃’ararô; n’ayaṉi yè awaṉ’aṉôm̃e n’awaṉ’antô. 17N’intyugu si Maalaleèl sôdu s’avegag’inkam̃a s’impum̃’eṉanay n’agôm̃i m’impum̃’eṉôgôm̃i n’impum̃’itaṉè; n’ayuwi yè.
18N’alwaṉi Yerèd nkam̃a y’impum̃a mori n’agôm̃i m’impum̃’ôrôṽa n’impum̃’imbaṉi, n’ayaṉi yè Enok. 19N’alwaṉi Yerèd, ayè jaṉa p’Enok, inkam̃a s’impum̃’eṉanay; n’ayaṉi yè awaṉ’aṉôm̃e n’awaṉ’antô. 20N’intyugu si Yerèd sôdu s’avegag’inkam̃a s’impum̃’eṉôgôm̃i n’agôm̃i m’impum̃’ôrôṽa n’impum̃’imbaṉi; n’ayuwi yè.
21N’alwaṉi Enok agôm̃i m’impum̃’ôrôṽa n’impum̃’itaṉè; n’ayaṉi yè Metusela. 22Enok, ayè jaṉa pe Metusela, agangaṉi n’Anyambyè inkam̃a s’impum̃a ntyarô; n’ayaṉi yè awaṉ’aṉôm̃e n’awaṉ’antô. 23N’intyugu s’Enok sôdu s’avegag’inkam̃a s’impum̃a ntyarô n’agôm̃i m’impum̃’ôrôṽa n’impum̃’itaṉè. 24N’agangaṉi Enok n’Anyambyè; n’ayè e pa tô dwaṉe nyèṉè, konde Anyambyè awongi yè.
25N’alwaṉi Metusela nkam̃a y’impum̃a mori n’agôm̃i m’impum̃’eṉanay n’impum̃’ôrwageṉô; n’ayaṉi yè Lemèk. 26N’alwaṉi Metusela, ayè jaṉa pe Lemèk, inkam̃a s’impum̃’ôrwageṉô n’agôm̃i m’impum̃’eṉanay n’impum̃’imbaṉi, n’ayaṉi yè awaṉ’aṉôm̃e n’awaṉ’antô. 27N’intyugu si Metusela sôdu s’avegag’inkam̃a s’impum̃’eṉôgôm̃i n’agôm̃i m’impum̃’ôrôṽa n’impum̃’eṉôgôm̃i; n’ayuwi yè.
28N’alwaṉi Lemèk nkam̃a y’impum̃a mori n’agôm̃i m’impum̃’eṉanay n’impum̃’imbaṉi; n’ayaṉi yè ômwaṉ’ôṉôm̃e. 29N’aṽètyè yè ini nyè inè, Nôa, awulya inè: Wiṉo ne yè wi be sindya zwè gw’injasiṉi sazô na gw’ijanja s’ago mazô g’ômwanja wi ntye yi r’Anyambyè sava pa. 30N’alwaṉi Lemèk, ayè jaṉa pe Nôa, inkam̃a s’impum̃’ôtaṉè n’agôm̃i m’impum̃’eṉôgôm̃i n’impum̃’itaṉè, n’ayaṉi yè awaṉ’aṉôm̃e n’awaṉ’antô. 31N’intyugu si Lemèk sôdu s’avegag’inkam̃a s’impum̃’ôrwageṉô n’agôm̃i m’impum̃’ôrwageṉô n’impum̃’ôrwageṉô: n’ayuwi yè.
32Nôa avegag’inkam̃a s’impum̃’otaṉè g’ôṉèro wè, n’ayaṉi yè Sèm, Kam, ni Yafèt.
Published by the British and Foreign Bible Society in 1927.
