MATTHEO 17
17
(97)
1Enthsaku kanTlanu wamaSiku niSiku djiGnwe Yesu aTeki Petro, naYakobo, naYohane aMakwabu, aFamba naBu aYa enHabeni le’yakuLeha hibuWsabu: 2aNdulutiwa xiGnwani xiYimu emaHlwini yaBu: aMombo wake waPhatima wsanga hiDambu, nimaKapulani yaKe maBa yaNtlohe wsanga hiliBani. 3Kubona, kaBoneki kuBone Mose na Eliya, nabaBulabula naYene. 4Petro aYangula aku ku Yesu,
“Hosi, wsiXongili ewsaku hi kone: loku uHsanda, nditaYentxa laha aminThsonga miHsahsu; muGnwe wuBa waKu, muGnwe wuBa wakaMose, nimuGnwe wuBa wakaEliya.”
5Aku nahaBulabula, kubona, aWole djakuPhatima djabaFukumeta: kubona, aDjiti djiPfi eWoleni, djiku,
“Lweyi i gnwAnanga lw’aHsandekaku, lwe’ndimuDumbaku; muYingekelani.”
6BaDondisiwa, loku badjiYingela, baWi himiMombo, baTxhaba ngofu. 7Kambi Yesu aTa, abakhoma, aku,
“Sekelekani, niYima, ningaTxhabi.”
8NabaTlakula amaHlu yaBu, abaBonanga mHunu, hi Yesu buWsake.
(98)
9Loku baXika enHabeni, Yesu abaBjela, aku,
“NingaBjeli mHunu exi xiBonekisu, agnwAna wamHunu nangasanganaPfuka ekuFeni.”
10Kutani baDondisiwa baKe bamuButisa, baku, AbaThsali baHlayela Yini baku, “WsiFaneli akuba Eliya aHsanga aTlhasa na?”
11AYangula aku,
“Eliya kunene ataTlhasa mfuhsi, ataLungisa Hikwawsu: 12Kambi Mini ndiHlaya ndi’ kuNini, Eliya aTlhasili; Bone aBamuTibanga, kambi baYentxi haYene ’ewsi bangawsiHsanda. WsitaBa tanuke, ataXanisiwa hiBone naYene aGnwAna wamHunu.”
13Kolahu abaDondisiwa baPimisi ewsaku apfa abaBjela haYohane muBapatisi.
(99)
14Kutani, loku baTlhasi ebHanwini, aTi kuYene amHunu, amuKwahsamela, 15aku,
“Hosi, Yentxa abumBilu kugnwAnanga; hikusa a ni xiTxuli, waBabiseka ngofu; hikusa mfuhsimfuhsi waWa enDilwini, nimfuhsimfuhsi emaTini. 16NdimuTisi kubaDondisiwa baKu; kutani abawsiKotanga akumuHanyisa.”
17Jesu aYangula, aku,
“Eh! LiXaka labHanu la’bangaDumbikukuku, la’baWolohiki! NditaBa naNini kuKo’ kuBa djini? NditaniBjathsa kuKo’ kuBa djini? muTisani la’ kuMini.”
18Kutani Yesu amaKata: amaNdiki maHuma kuYene; aNdisanyana aHanyisiwi kuSukela kulowo nKama. 19Kolahu abaDondisiwa baTlhasa ku Yesu exiHundleni, baku,
“Apfa hiHluleka haYini akumaHumexa na?”
20Ahli kuBone,
“HinKonta yabuThsongo bjakuDumba kwEnu; hikusa, ndiHlela mfuhsi, ndi’u Amen kuNini, loku ni nikuDumba lo’kuDjinganiki ninHleke yaSinapi, nitaHla’ exiThsungeni lexi, niku, ‘Suka la’, uYa lahaya’: xitaSuka kone; ningaBi nakuHluleka hanTxhumu.” 21
(100)
22Kutani loku bahaFambafamba eGalilea, Yesu aHla’ kuBone?
“AgnwAna wamHunu ataNyikeliwa emaBokweni yabHanu; 23kutani batamuDlaya, kambi hiSiku djabuHsahsu ataPfuxiwa.” Bone baBabiseka ngofu.
(101)
24Kutani loku baTlhasi eKapernaume, la’bakuTekela anHlengo waTempeli baTi kuPetro, baku,
“Xana amuDondisi wEnu angaHlengi aTidrakma (h’ewsaku anKinyento) na?”
25Ahla’ “Ahina.”
Kutani loku aHingenili enDlwini Yesu amuSungulela, aku,
“U’u yini Simone? Xana atiHosi tamiSaba tiTeka axiKotlakotlwani kumbi axiTelo kubaMani? kumbi ku bAnabu, kumbi ku baGnwani na?”
26Loku aHli ewsaku ku baGnwani, Yesu aku kuYene,
“H’ewsowso abAnabu baNtlantlekili. 27Kambi, Suka hibaYentxela axiGhighisekiso, Famba Wene, uYa liKhulwini, uHoxa anDobo, uTeka anHlampfi le’yiHsangaku; kutani, loku uPfulili aNomo waYone, utaKuma aMil‐reis; djiTeki, ubaNyika Djone, uTelela Mini naWene.”
First published by the Society for Promoting Christian Knowledge (SPCK) 1911.
