ԾՆՈՒՆԴՔ Գլուխ Է

Գլուխ Է

1 Եւ ասէ Տէր #7։1 ՅԵբր. պակասէԱստուած ցՆոյ. Մուտ դու եւ ամենայն տուն քո ի տապանդ. զի զքեզ տեսի արդար առաջի իմ յազգիդ յայդմիկ։ 2Եւ յամենայն անասնոց սրբոց մոյծ ընդ քեզ եւթն եւթն արու եւ էգ, եւ յամենայն անասնոց որ ոչ են սուրբ՝ երկուս երկուս արու եւ էգ։ 3Եւ ի թռչնոց երկնից #7։3 ՅԵբր. պակասէսրբոց՝ եւթն եւթն արու եւ էգ. #7։3 ՅԵբր. պակասէեւ ի թռչնոց որ ոչ սուրբ են՝ երկու երկու արու եւ էգ՝՝, բուծանել զաւակ ի վերայ ամենայն երկրի։ 4Եւ այլ եւս եւթն օր, եւ ածից ես անձրեւ ի վերայ երկրի զքառասուն տիւ եւ զքառասուն գիշեր, եւ ջնջեցից զամենայն հասակ զոր արարի յերեսաց երկրէ։ 5Եւ արար Նոյ զամենայն զոր միանգամ պատուիրեաց նմա Տէր #7։5 ՅԵբր. պակասէԱստուած։ 6Նոյ էր ամաց վեց հարիւրոց, եւ ջրհեղեղ ջուրցն եղեւ ի վերայ երկրի։ 7Եւ եմուտ Նոյ եւ որդիք իւր եւ կին նորա եւ կանայք որդւոց նորա ընդ նմա ի տապանն վասն ջուրցն հեղեղի։ 8#7։8 ՅԵբր. պակասէԵւ ի թռչնոց սրբոց, եւ ի թռչնոց որ ոչ սուրբ էին, եւ՝՝ յանասնոց սրբոց, եւ յանասնոց որ ոչ սուրբ են, #7։8 Եբր. եւ ի թռչնոց եւեւ յամենայն սողնոց որ սողին ի վերայ երկրի։ 9Երկու երկու մտին առ Նոյ ի տապան անդր՝ արու եւ էգ, որպէս պատուիրեաց #7։9 Եբր. Նոյինմա Տէր՝՝ Աստուած։ 10Եւ եղեւ յետ եւթն աւուր, եւ ջուր ջրհեղեղին եղեւ ի վերայ երկրի։ 11Յամին վեցհարիւրորդի կենացն Նոյի, յերկրորդում ամսեանն #7։11 Եբր. յեւթն եւ տասնի քսան եւ յեւթն՝՝ ամսոյն. #7։11 Եբր. յաւուր յայնմիկեւ պատառեցան ամենայն աղբեւրք անդնդոց բազմաց, եւ սահանք երկնից բացան։ 12Եւ եղեւ անձրեւ ի վերայ երկրի զքառասուն տիւ եւ զքառասուն գիշեր։ 13Յաւուր յայնմիկ եմուտ Նոյ, Սէմ, Քամ, Յաբեթ, որդիք Նոյի, եւ կին Նոյի, եւ երեք կանայք որդւոց նորա ընդ նմա ի տապան անդր։ 14Նոքա եւ ամենայն գազանք ըստ ազգի, եւ ամենայն անասուն ըստ ազգի իւրեանց, եւ ամենայն սողուն շարժուն ի վերայ երկրի ըստ ազգի իւրեանց, եւ ամենայն հաւ թռչուն ըստ ազգի իւրում։ 15Մտին առ Նոյ ի տապան անդր երկու երկու յամենայն մարմնոյ յորում է շունչ կենդանի։ 16Եւ որ մտանէինն՝ արու եւ էգ յամենայն մարմնոյ մտանէին, որպէս պատուիրեաց Աստուած Նոյի. եւ փակեաց Տէր #7։16 ՅԵբր. պակասէԱստուած արտաքոյ նորա զտապանն։ 17Եւ եղեւ ջրհեղեղ զքառասուն տիւ #7։17 ՅԵբր. պակասէեւ զքառասուն գիշեր՝՝ ի վերայ երկրի. եւ բազմացաւ ջուրն եւ վերացոյց զտապանն եւ բարձրացաւ յերկրէ։ 18Եւ զօրանայր ջուրն եւ բազմանայր յոյժ ի վերայ երկրի, եւ շրջէր տապանն ի վերայ ջրոց։ 19Եւ սաստկանայր ջուրն յոյժ յոյժ ի վերայ երկրի, եւ ծածկէր զամենայն լերինս բարձունս որ էին ի ներքոյ երկնից։ 20Հնգետասան կանգուն բարձրացաւ ջուրն ի վեր, եւ ծածկեաց զամենայն լերինս։ 21Եւ մեռաւ ամենայն մարմին շարժուն ի վերայ երկրի, թռչնոց եւ անասնոց եւ գազանաց. եւ ամենայն սողուն զեռուն ի վերայ երկրի, եւ ամենայն մարդ։ 22Ամենայն որ ունէր շունչ կենդանի յռնգունս իւր, եւ ամենայն որ ինչ էր ի վերայ ցամաքի՝ մեռաւ։ 23Եւ ջնջեաց զամենայն հասակ որ էր ի վերայ երեսաց երկրի, ի մարդոյ մինչեւ յանասուն եւ ի սողնոց մինչեւ ի թռչունս երկնից, եւ ջնջեցան յերկրէ։ Եւ մնաց միայն Նոյ եւ որ ընդ նմա էին ի տապանի անդ։ 24Եւ բարձրացաւ ջուրն ի վերայ երկրի աւուրս հարեւր եւ յիսուն։

選択箇所:

ԾՆՈՒՆԴՔ Գլուխ Է: ԳՐԲ1895

ハイライト

コピー