Naanearü ügüchiga 14:18-20

Rü yexgumarüxü̃ ta ga Melquichedéx ga ĩane ga Charéü̃arü ãẽ̱xgacü ga Tupana ya Guxü̃étüwa Ngẽxmacüarü chacherdóte, rü yematama namawa Abráü̃na nanaxã ga paũ rü bínu. Rü ñaa oremaxã mexü̃ Abráü̃maxã naxuegu rü ñanagürü: —¡Tupana ya Guxü̃étüwa Ngẽxmacü i daxũguxü̃ i naanearü üruxü̃ rü ñoma i naanearü üruxü̃ rü poraãcü mexü̃ cuwa naxü̱x! ¡Rü namecümaxüchi ya Tupana ya Guxü̃étüwa Ngẽxmacü ya curü uanügüxü̃ cuxü̃ rüporamaexẽẽcü! —ñanagürü. Rü yexguma ga Abráü̃ rü Melquichedéxna nanaxã ga norü diésmu natanüwa ga yema yemaxü̃gü ga napuxü̃xü̃.