Fingec fingec 12
12
Awramgoc yoac dedzege anec
1 #
Yos 24:3; Mat 19:29; Aps 7:2-3; Heb 11:8 Anu Kebungo Awram yofi dema edeec, “Ge bangecga nga arengfocga amma manggaac amabangec wadacma neng bangectoa mong edzacgubade imohai kembesena. 2#Fing 15:5; 17:4-5Ihai kemma bangecareng kuneng ambesannec nga ni kenecguba kpackunenggagoc amma kecnade. Ifi anna ngicngac geac wegenac kecgecde yeni kenecnginagoc anggecde. 3#Fing 18:18; 22:18; 26:4; 28:14; Aps 3:25; Gar 3:8, 16Nga ngicngac kenecgugecde imoc neng ifingoc kenecyunubade. Nga ngicngac sowecgugecde imoc sowecyunubade. Anu ngicngacareng bangeha bangeha kecgecde yeni geac amma kenecyunudacbesandua.”
Awram ye kenec
4Anu Awram ye Kebuac enac tofohoma kenu muniaac medac Lot ye yegoc momoc kenoc. Awram ye kifaya 75 ammanu Haran taong waec. 5Ye enema Sarai nga Lot nga enac tofoc tofohofora nga finaha sasawa Haran taonnunac meficgeec imoc meyunudacma Kenacan bangecfubigeng kengkecma bangec imohai kensikegec. 6Kensikema ferecge kengkecma Sehem taong nga Moreu#12:6 Moreu terebint ic nanec imoc bangec imocac ngicngac yeneac kpetiac tatac mong. terebint ic#12:6 Terebint ic imoc ic kuneng nga wenac gerea anu ngicngac yeni kunuhau naric tagecde. meficgegec. Naso imohai Kenacan ngicngac yeni bangec imohai kecgec. 7#Fing 13:15; Dser 34:4; Neh 9:8; Aps 7:5; Gar 3:16Imohai Kebungo Awram fingecmima yofi dema edeec, “Ni bangec yomoc geac bangecga mibeso anduae.” Amma Awram ye imohai Kebu fingecmiecfu yeac arata mong meec.
8 #
Fing 28:9; Yos 8:9 Anu imohacnac monggoc sifecbangecfu Bet El#12:8 Bet Elac titiha imoc Anutuac ama.amau wenac ere ereaubigeng kemma imohai kporucamaya kpedziec. Imohai Bet El amau wenac keme kemeaubigeng tarec nga Ai ama ine wenac ere ereaubigeng tarec. Ye imohai Kebuac arata mong mema yeac kpara kpacma dengerema eweheihei ammiec. 9Imohacnac monggoc feyac kengkecma Negew bangecfubigeng#12:9 Negew bangec imoc Kenacan bangecfu sautbigeng feec nga imocac titiha sautbangec. kenec.
Awram ye Aigita bangecfu kenec
10 #
Fing 26:1; 41:57 Anu bangec imohai bodi fingecma boditoa yombong anu Awramngo kuric kefudeac Aigita#12:10 Aigita imoc hebiraio yoacfu Mitserayim. bangecfu kemeec. 11Aigita bangecfu wegenac kemma enema Sarai yofi dema edeec, “Negennec, ge ngac kicsiricga gombunga yombong ni imoc negenduae. 12Anu aigitangic yeni gemma yofi degecde, ‘O imoc yeac enema.’ Ifi dema ni kpebucnugecde nga ge ine wagugec kecnade. 13#Fing 20:2, 5; 26:7Nga geac amma naric kecbade nga kekecna ongonggegecdeac ge yofi edeyunubesena, ‘Ni yeac naina.’ ”
14Anu Awram ye Aigita bangecfu kensikeu aigitangic yeni ngac imoc kicsiriha gombunga yombong kefu henggec. 15Nga Parecoac bageu ngickuneng kecgec yeni ye hemma songo negemma kemma Parecoac kicfu ngac imocac dekerec amma siduc anggec. Amma ngac imoc wangecma Parecoac amau kenggec. 16Kenggec Pareco ye Saraiac amma Awram gombunga ammiec. Ammiu Awram ye ramaburumaka, donggingiwa, wanacngic nga wanacngac nga donggi ngagera amma kamele homac mekefec.
17 #
Myeg 105:14
Anu Kebungo ine Pareco nga wiacfora yeni Awram enema Saraiac amma kpendzeng kuneng hania hania meficgeyemmeec. 18Ifi fingeru Parecongo Awram heitaima yofi dema kpesimiec, “Ge noc faka yombong anennec? Ge nocac ye enengga imoc miedenudang? 19Ge ye nainna, ifi dema edenudang. Ge nocac ifiedenudang? Ikoc amma naingga dena neac enenna amma kefudeacmeai? Negennec, geac enengga hesickena monggoc kenec.” 20Ifidema wasaifora edeyunuu yeni Awram nga enema amma finahasasawa kpedzucnedacma sueyunuma faiyunugec kenggec.
© (Active), Wycliffe Bible Translators, Inc. All rights reserved.
