JON 15の有名な聖句

シェア

“Neke drakha arikang-lo, lapen nangtum ke arolo. Ne pen chelangpet, lapen ne alangli pen chelangpet lote, labangso abang ke athe pathe-oji. Pima ne penpete nangtum thangta klem un-e.

Nangtum ne longle donon, lapen neta nangtum alongsi dopo. Arong pen cherap-het-hete aro amethang ke athe chepathe thekthe. Lasonthotsi nang-tumta ne pen cherap-het hete athe pathe thekthe.

Nangtumle ne pen chelangpetbom, lapen ne lam hei hei nangtum aning arlo dobom lote, nangtum aning kehang aling hang tame, la nangtum aphan nangpidetji.

Nangtumle nephan nekangvai kali. Bonta nangtum damra athe kepatheji, lapen halabangso athe kedoverji aphan nesi nangtum aphan nang ingvailo, lapen akam nangbat-lo. Lasi nangtum ne men pen Po along kechohang aling alangli nangtum aphan la nangpiji.

Amethang ajirpo atum aphan ke-chinghon akethenei ke ajirpo atum apharman amethang apran kechepi helo.

Ne long kedo, athe kepathethe aro an aphan ke alangli ing-lokpetji, lapen athe kepathe aro an aphan ke ansose athe kepapatheji aphan alangli ingchaiji.

Tangte ne hukum ke la helo: ne nangtum aphan nangkanghon asonthot-le nangtum lahin lahin chinghon non.

Nangtum athe kepathe-o pen ajok ne-Po adak atur klangji, lapen lasonsi nangtum nesangho plangji.

Ne helo drakha arikang binong, lapen ne-Po ke ketiki abang-lo.

Ne pen kechelangpetpe abang aphan ke ne hala aro hei hei aphan asonthak thaksi ingtan varchorsi pathikhraiji. Lason aro atum aphan ke pangrumthusi me along phrindutsi pachodetji.

“Ne ning arong kedo asonthotsi nangtumta ning arong kedoji, lapen nangtum aning arong keplengsetji aphansi ne nangtum aphan lahei hei alam nangpulo.

Neke Po ahukum hei hei kroisi alangli akanghon angkang dobomlo. Lasonthotsi nangtumta ne hukum hei hei kroibom lote nangtum ne akanghon angkangsi dobomji.

Lasi ne nangtum aphan labangso ahukum nangpilo: nangtum lahin lahin chinghon non.

Nangtumle pirthe aso asonte pirthe amethang aso aphan kechinghon asonthotsi nangtum aphan nang inghonji apot-lo. Bonta nesi nangtum aphan pirthe angbong pen nang ingvailo, lapen nangtum ke pirthe aso kalidet apotsi pirthe nangtum aphan nanglangremlo.