Mateo 9の有名な聖句

シェア

Chaimantami, Paipaj yachacujcunataca, cashna nirca: —Granota tandanaca achcami, tandajcunaca ashallami. Ashtahuan tandajcunata cachachun, Chagrayujta mañaichij— nircami.

Dios Quillcachishcapica: “Animalcunata huañuchishpa ñucaman cushpa rupachinapaj randica, shujtajcunata llaquij caichigari. Ñucaca chashna cachunmi munani” ninmi. Richij, chashna nishcataraj yachamugrichij. Ñucaca, cashcata rurajcunataca mana cayaj shamurcanichu, ashtahuanpish juchayujcunatamari, llaquirishpa Diospajman cutirichun cayaj shamurcani— nircami.

Michij illajlla, caita chaita puricuj, shitashca ovejacuna shina cajta ricushpami Jesusca, tucui chaipi cajcunataca achcata llaquirca.

Shina nicujta Jesús uyashpaca, cashnami nirca: —Mana ungushca cajcunaca, mana pi jambijta mashcanchu, ungushcacunallami mashcancuna.

Jesusca tucui pueblocunata, tucui llajtacunata purishpami, Taita Dios mandacun alli huillaita israelcuna tandanacuna huasicunapi yachachicurca. Shinallataj ima ungüihuan, ima nanaihuan cajcunatapish alliyachircami.