Matthieu 26の有名な聖句

シェア

Tâ rhî na gëve, mâ pwaér̂ö, cè ke-ve mör̂ö rai yeyèè, wè na rhî vè e na ko, aè na yör̂a na kar̂ö.»

Na bör̂i êr̂ê yè-r̂é na ce, êr̂ê: «Na nénââwêr̂ê vè kau na ko-nya, gö ûr̂û ka yè mé; cuè ria rö-a na gëve cè ki rhau tâ rhî gèré-nya.»

Na bör̂i ré pwêr̂ê vèr̂i vee rai-r̂é, mâ tâ nôô ria, mâ pwaér̂ö mâ êr̂ê: «Pevaa éé, é yè tâwai, na e na ki mâ pè vèr̂i rai-nya mwâ wâyö-a! Aè koa yè waa ka é rhî vè e xi-nya, aè dè waa rhî vè e xi-i.»

Ökâré war̂a xi-nya, vi kîbô né nâânévâ ka mö ké döwöö é piyöwîî vè ki pâr̂â kâmö pa pôr̂ô pè cöö nô ka yaané.

Cér̂é bör̂i mö ké ara, na bör̂i pè var̂awa na Ièsu mâ ëi, mâ kâvii, mâ nââ yè pâr̂â pâi pa pâgür̂ü, mâ êr̂ê, êr̂ê: «Pè vèr̂i, mâ ara, ökâré kar̂ö-nya.»

Na bör̂i pè bar̂ee mwâ wâyö na ce, mâ ëi, mâ nââ yè-r̂é, mâ êr̂ê: «Rhau wâyö röi na gëve.

Na bör̂i mi tëë na ce na pwar̂a pâr̂â pâi pa pâgür̂ü, mâ tö rhûû-r̂é, na cér̂é kur̂u, na bör̂i êr̂ê yè Pètèru, êr̂ê: «Gëve wêr̂êi, gëve da tâwai rhau tâ rhî gèré-nya rèi rhaaxâ pè mèèxa!

Gö yè da wâyö tëë pwêê viné-a kwéyë rua rèi nédaa ré gö yè mâ wâyö tëë rèi ka mö ké döwöö, gèré vèâ rö mwâcir̂i i Pevaa.»

Na bör̂i cê tâ néxâi na Pètèru nô ré na êr̂ê yè-è mâ na Ièsu, «Gè yè karir̂i vi yiâwîî-nya na ki da tö ya na méyë.» Na bör̂i tù rua na ce mâ tââ nénââwêr̂ê.

Tömâ rua na gëve, gèré vi, wè tö rhûû, na wê vi vè ubwa mi na kâmö ré yè ârui-nya.»

Na bör̂i êr̂ê yè-è na Ièsu, êr̂ê: «Nââ tëë o taua xi-i rö mwââ-ê, wè pâi ré pè o taua, wè cér̂é yè dè mé xè-i o taua.