Čơdơ̆ng Phŭn 50の有名な聖句

シェア

Ƀing gih kơñăm ngă sat kơ kâo, samơ̆ Ơi Adai kơñăm ngă hiam kơ ƀing ta kiăng pơgiŏng hĭ bruă hơmâo giŏng laih anai kiăng pơklaih lu mơnuih.

Samơ̆ Yôsêp laĭ kơ ƀing gơñu tui anai, “Anăm huĭ ôh. Kâo jing Ơi Adai kiăng pơkơhma̱l hĭ ƀing gih hă?

Tui anŭn, anăm huĭ ôh. Kâo či djru brơi kơ ƀing gih laih anŭn kơ ƀing ană bă gih.” Laih anŭn ñu pơkơjăp ƀing gơ̆ hăng pơhiăp mơak hăng ƀing gơ̆.

‘Anai jing tơlơi ƀing gih či laĭ kơ Yôsêp: Kâo rơkâo kơ ih pap brơi ƀing ayŏng ih kơ tơlơi soh sat gơñu hơmâo ngă laih kơ ih sat biă mă anŭn.’ Ră anai rơkâo kơ ih pap brơi bĕ khul tơlơi soh gơmơi, jing ding kơna Ơi Adai ama ih anai.” Tơdang tơlơi pơhiăp gơñu truh pơ Yôsêp, ñu hia.

Laih anŭn ñu laĭ kơ ƀing ayŏng adơi ñu, “Kâo jĕ či djai laih. Samơ̆ Ơi Adai či rai răk rong ƀing ih sĭt laih anŭn ba ƀing ih tơbiă đuaĭ mơ̆ng anih lŏn anai hăng ba nao pơ anih lŏn Ñu hơmâo ƀuăn laih kơ Abraham, Isa̱k laih anŭn kơ Yakôb.”

Giŏng anŭn, Yôsêp brơi ƀing ană đah rơkơi Israel ƀuăn rơ̆ng hăng laĭ, “Sĭt nik Ơi Adai či rai ba ƀing gih nao pơ anih lŏn anŭn, laih anŭn ƀing gih khŏm čơkŭng ba bĕ hơdôm tơlang kâo mơ̆ng anih anai.”

Tui anŭn, Yôsêp djai hlak ñu hơmâo sa-rơtuh pluh thŭn. Laih anŭn arăng pyua atâo ñu hăng pioh amăng sa boh bo̱ng amăng čar Êjip.