Čơdơ̆ng Phŭn 11の有名な聖句

シェア

Tui anŭn, Yahweh laĭ tui anai, “Anai nê, ƀing gơñu jing sa kơnung djuai laih anŭn pơhiăp sa tơlơi pơhiăp hrup; anai kơnơ̆ng jing tơlơi blung hlâo amăng lu tơlơi ƀing gơñu hlak ngă đôč. Ƀrư̆ tui ƀing gơñu či dưi ngă hơget tơlơi ƀing gơñu kiăng yơh! Bĕ ƀing ta trŭn laih anŭn pơlŭk lăk hĭ boh hiăp gơñu, tui anŭn ƀing gơñu ƀu či dưi thâo hluh kơ tơdruă dơ̆ng tah.”

Laih anŭn ƀing gơñu laĭ, “Nă, ră anai brơi ƀing ta pơdơ̆ng đĭ bĕ sa boh plei prŏng hơmâo sang kơtŭm hăng rơñan hlŏng truh pơ adai, tui anŭn brơi ƀing ta pơjing bĕ sa boh anăn hing ang kơ ta pô, laih anŭn ƀing ta ƀu čơlah čơlap amăng djŏp lŏn tơnah dơ̆ng tah.”

Plei prŏng anŭn arăng iâu Babel, yuakơ pơ anih anŭn yơh Yahweh hơmâo pơlŭk lăk hĭ laih abih boh hiăp ƀing mơnuih; laih anŭn mơ̆ng anŭn mơ̆n, Yahweh pơčơlah hĭ ƀing gơñu amăng djŏp lŏn tơnah.

Blung hlâo, abih bang mơnuih amăng lŏn tơnah anai hơmâo kơnơ̆ng sa tơlơi pơhiăp laih anŭn yua kơnơ̆ng hơdôm boh hiăp hrup đôč.

Giŏng anŭn, Yahweh trŭn lăng ƀơi plei prŏng sang kơtŭm hơmâo rơñan anŭn jing anih ƀing ană mơnuih hơmâo ma̱n đĭ laih.

Tui anŭn, Yahweh pơčơlah hĭ abih bang ƀing gơñu amăng djŏp lŏn tơnah laih anŭn ƀing gơñu lui hĭ tơlơi ma̱n pơdơ̆ng đĭ plei prŏng anŭn.