Tơbiă 2の有名な聖句

シェア

Ơi Adai hơmư̆ tơlơi pơkrao gơñu laih anŭn ƀu wơr hĭ ôh tơlơi pơgop Ñu hăng Abraham, Isa̱k laih anŭn hăng Yakôb. Tui anŭn, Ơi Adai lăng trŭn ƀơi ƀing Israel hăng ƀlơ̆ng brơi kơ ƀing gơ̆ yơh.

Hơmâo sui thŭn mơ̆ng anŭn, pơtao Êjip djai hĭ. Tơdang anŭn ƀing Israel pơkrao kơ tơlơi ƀing gơñu jing hlŭn mơnă, laih anŭn tơlơi ƀing gơñu kwưh kơ tơlơi djru yuakơ tơlơi hlŭn mơnă anŭn đĭ truh pơ Ơi Adai yơh.

Tơdang čơđai anŭn prŏng laih, ñu ba glaĭ gơ̆ kơ ană pơtao Pharaoh kiăng kơ jing ană gơ̆. Ană pơtao anŭn pơanăn ană nge anŭn Môseh, kiăng laĭ, “Kâo hơmâo ba đĭ laih ñu mơ̆ng ia.”

Ană pơtao Pharaoh laĭ hăng amĭ ană nge anŭn tui anai, “Mă bĕ ană nge anai hăng rŏng ñu brơi kơ kâo, laih anŭn kâo či apăh ih.” Tui anŭn, pô đah kơmơi anŭn ba glaĭ ană nge anŭn hăng čem rong gơ̆.

Giŏng anŭn, ană đah kơmơi Pharaoh trŭn nao pơ krong Nil kiăng mơnơi, laih anŭn ƀing ding kơna ñu rơbat kơtuai ha̱ng krong Nil. Hơbia ƀuh bai tŏng krah khul rơ̆k trang bo laih anŭn ñu pơđar pô hlŭn đah kơmơi ñu nao mă đĭ.

Hơmâo sa hrơi, tơdơi kơ Môseh prŏng laih, ñu nao pơ anih ƀing ană plei ñu pô dŏ laih anŭn lăng ƀing gơ̆ mă bruă tơnap tap. Ñu ƀuh sa čô Êjip taih sa čô Hêbrơ jing sa čô amăng ană plei ñu. Ñu lăng jum dar ƀu ƀuh hlơi pô ôh laih anŭn ñu pơdjai hĭ pô Êjip anŭn hăng dơ̱r hĭ amăng čuah.