Mattha 7の有名な聖句

シェア

Keep on axin, an ït wull be gien tae ye, keep on lukkin an ye'll fin whut ye'r eftèr, keep on rappin an tha dure wull be apent tae ye.

Fer iveriebodie that axes wull get; hïm that keeps on lukkin wull fin whut he's eftèr; an tae hïm that keeps on rappin, tha dure wull be apent.

Sae iverie yin that hears these wurds o mine an heeds thaim ïs laik a wise man that bigged hïs hoose on a roak.

Sae ïn iveriethin, dae tae ithers whut yis wud want thaim tae dae tae yersels, fer thïs ïs whut tha Laa an tha Proaphits ïs aa aboot.

But nerra ïs tha gate an reuch tha rodden that leads tae life, an thair's no monie that fins ït.

Gae ïn bi tha nerra gate. Fer wide ïs tha gate an braid ïs tha róad that leads tae destruction, an monies a yin gaes that wye.

An sae ïf sïnfu fowk laik yersels know hoo tae gie guid thïngs tae yer weans, hoo much mair wull yer Faither ïn heiven gie guid thïngs tae thaim that axes hïm!

“Dïnnae judge ithers, sae as ye'll no be judged yersels. Fer ïn tha same wye yis judge ithers, yis'll be judged that wye yersels; an tha misure yis gie wull be tha misure yis get.

But iverie yin that hears these wurds o mine an daesnae heed thaim ïs laik a gormless man that bigged hïs hoose on san.

An why dae ye see tha skelf ïn yer brither's ee, but ye dïnnae see tha plenk ïn yer ain ee? Hoo can ye say tae yer brither, ‘Let me tak tha skelf oot o yer ee,’ whan luk, aa tha time thair ïs a plenk ïn yer ain ee?

Watch oot fer fauss proaphits. The' cum tae ye lukkin laik hairmless sheep, but on tha inside the'r naethin but a paak o wolfs. Ye'll ken thaim bi thair fruit, ay, bi whut the' dae. Daes fowk gether grapes frae a thoarn büsh, or fïgs frae thrïstles? Na.

In tha same wye iverie guid tree gies guid fruit, but a baad tree gies ye baad fruit.

A guid tree cannae gie baad fruit, an a baad tree cannae gie ye guid fruit.

Iverie tree that daesnae gie guid fruit ïs cut doon an throwed ïntae tha fire.