Mattha 5の有名な聖句

シェア

Ye dïnnae licht a lamp an pit ït unnèr a boul. Na, ye pit ït on a stan, whar ït gies licht tae tha hale hoose. In tha same wye, let yer licht shine afore iveriebodie, sae as the' wull see yer guid warks an gie glorie tae yer Faither ïn heiven.

Yous ir tha licht o tha warl. A toon bigged on a hïll cannae be hïd.

Blisst ir tha pure ïn hairt, fer the' wull see God.

Blisst ir tha yins that hae a hung'r an a druith fer whut's richt, fer the' wull get thair fïll.

But A tell ye: Love yer enemies an pray fer thaim that traits ye ïll

“Blisst ir tha puir ïn spïrit, fer thairs ïs tha Kïngdom o Heiven.

Blisst ir tha yins that warks fer peace, fer the' wull be caad sinns o God.

Blisst ir tha yins that greet, fer the' wull be comfortit.

Blisst ir tha yins that's traitit ïll fer daein whut's richt, fer thairs ïs tha Kïngdom o Heiven.

Blisst ir tha yins that ir merciefu, fer the' wull be showed mercie.

Blisst ir you whan fowks baadmooth ye, an trait ye ïll, an miscaa ye on accoont o me. Be joyfu an gled, acause yis hae a pooerfu reward waitin fer ye ïn heiven, fer the' ïll-traitit tha proaphits that wus thair afore ye ïn jist tha same wye.

Blisst ir tha yins that ir gentle, fer the' wull inherit tha irth.

Yous ir tha saut o tha irth. But ïf tha saut loasses ïts taste, hoo can ït git bak ïts tang? It ïs nae lang'r onie use, but fer tae be throwed oot an thrampt unnèr fit.

But you maun be perfait, jist as yer heivenlie Faither ïs perfait.”

Jist let yer ‘Ay’ be ‘Ay’, an yer ‘Na’, ‘Na’; oniethin mair ner thïs cums frae tha wïckit yin.

Yis hae heerd that ït wus saed, ‘An ee fer an ee, an a tuith fer a tuith.’ But A tell ye, Dïnnae fecht agin a wïckit bodie! If summodie hïts ye on tha richt cheek, turn tha ither side til hïm forbye.

If yer richt ee maks ye dae wrang, hoke ït oot an clod ït awa. It's faur bettèr fer ye tae loass tha yin pairt o yer bodie ner fer yer hale bodie tae be throwed ïntae hell. An ïf yer richt han maks ye dae wrang, cut ït aff an clod ït awa. It's faur bettèr fer ye tae loass tha yin pairt o yer bodie ner fer yer hale bodie tae gang ïntae hell.