San Lucas 4の有名な聖句

シェア

Hasen rë Nina ne, jiya cahntsua xahasen naha, vëhë xi casuaxa ná Nina xi suá cumachaya rë xuta yuma cjuandajyihi rë me: catsingatju ná me xi suá cumachaya rë xuta xi hincha ndavaya ta hatuxa cuma ndaya me, suá cumachaya rë xuta xi rcá me ta hatuxa cuya cuma tsejen nga rë me; cuëhëndaya xuta xi jemu choho sahmi jingu sa xuta cojo rë me. Hacuaha suá cumachaya rë xuta xi cavechú nu xi jercu sahmi Nina cjuandaja cojo xuta rë me. Cuatjin chja cjua rë xujun xi cachjasun Jesús.

Sehe ngajan xi cafayangui xu Jesús cuitjin: ―‍Xcun xujun rë Nina ne, cuitjin camahindu: “Meje rë xi chjuhunrcun Nina naja, hacuaha suvá ni me vëhë meje rë xi nihñu hacutjin xi meje rë me.” ―‍Cuatjin xu cachja Jesús cjua vëhë.

Hane Jesús ne, cuitjin xu cafayangui me tsëhë xitsehen jan: ―‍Xcun xujun rë Nina ne, cuitjin camahindu: “Hacuiin suvá ngatsë rë niñu xi siu xuta cjuahñu.” ―‍Cuatjin xu cafayangui Jesús.

Hya xi camá ne, hya xi catsë rë Jesús cojo Hasen rë Nina hya xi caxtenda me ne, cavuya xu me tsëhë ndajyë Jordán xi cjue me ndava me, peru Hasen rë Nina ne, quiji nguehe quiji ngajan xu cojo rë me ngajan ngu xín tsëhë nandya

Hane Jesús ne, cuitjin xu cafayangui me tsëhë xitsehen: ―‍Xujun rë Nina ne, cuitjin chja: “Mijí rë xi chjuhunchuvun Nina naja.”

Hya xi camá ne, xi cajnetaha cafahachuva xitsehen jan Jesús ne, cavetjuxin xu tsëhë me hisca janihya cuya nga.

Hane xi quijicojo xitsehen me ngu ndetjún hnga ne, sehe nguhñusasa xu catsingacun ni xitsehen jan me jingujyë ni nandya tsëhë ngasunhndë. Sehe cachja xu xitsehen cuitjin cojo rë me: ―‍Suá ri yëjë nandya xi cuacun vë cojo yëjë cjuanchina rë xi ngaye nihñi gubiernu. Cuma suá ri ta, tsëhë xi hatuxa ngahan cafahántsa, hane ha tu yo ni xi meje suá rë ne, suá rë. Quihndë ne, sá xi cuindove cuiticjexcuin nguehe xi chjehercuin ná ne, cumá tsiji yëjë ni nandya vë. ―‍Cuatjin xu cachja xitsehen. Sehe ngajan xi cafayangui xu Jesús cuitjin: ―‍Xcun xujun rë Nina ne, cuitjin camahindu: “Meje rë xi chjuhunrcun Nina naja, hacuaha suvá ni me vëhë meje rë xi nihñu hacutjin xi meje rë me.” ―‍Cuatjin xu cachja Jesús cjua vëhë.

Hya xi camá ne, xitsehen jan ne, quijicojo xu rë Jesús ngajan Jerusalén, hane quijicani rë me hisca rcu cjin yungun xi matitjun. Sehe cachja xu cojo rë me cuitjin: ―‍Sá xi Quihndi jain rë Nina ngaye ne, ningatjin yojo riji ndyá hisca nangui. Ha hye ta tsajin mé cuma ri ta xcun xujun rë Nina ne, cuitjin chja: Nina cuitexa me ángel rë me xi sahmi ri cuidadu. Cuahatsjá ri, cojo sa xi hisca ntsacui ne, sacuinhmaain rë cojo ngu ndyojo. Cuatjin xu cachja xitsehen cjua vëhë. Hane Jesús ne, cuitjin xu cafayangui me tsëhë xitsehen: ―‍Xujun rë Nina ne, cuitjin chja: “Mijí rë xi chjuhunchuvun Nina naja.”