ᒨᓯᓯ ᓯᕗᓪᓖᑦ 17の有名な聖句

シェア

ᐂᑉᕋᒻᓕ 99ᓂᒃ ᐊᕐᕌᒍᖃᓕᕐᓗᓂ, ᐊᑕᓂᐅᑉ ᓴᖅᑭᕝᕕᒋᕚ ᐅᖃᐅᑎᓪᓗᒍᓗ, “ᐅᕙᖓ ᒎᑎᐅᕗᖓ ᐊᔪᒐᖃᖏᑦᑐᖅ; ᓵᓐᓂ ᐃᓅᒋᑦ ᐸᓯᔭᒃᓴᐅᖏᓪᓗᑎᓪᓗ.

ᐂᑉᕋᒻᒥᒃ ᐊᑎᖃᕐᓂᐊᕈᓐᓃᕐᐳᑎᑦ, ᐂᑉᕋᕼᐋᒻᒥᒡᓕ; ᐅᓄᕐᑐᓄᑦ ᐃᓅᖃᑎᒌᒡᔪᐊᓄᑦ ᓯᕗᓕᕆᔭᐅᑎᓐᓂᐊᓕᕋᒃᑭᑦ.

“ᐊᖏᖃᑎᒌᒍᑎᒋᔭᕋᓗ ᐅᕙᓐᓂᑦ ᐃᓕᖕᓄᑦ ᑭᖑᕚᒃᓴᕐᓄᓪᓗᑦᑕᐅᖅ ᑭᖑᓂᕐᓂ ᑭᖑᕚᕇᖑᔪᒫᕐᑐᓄᓪᓗ ᐃᓱᖃᖏᑦᑐᒧᑦ ᑐᕌᖓᓂᐊᕐᐳᖅ, ᐃᓕᖕᓄᑦ ᒎᑎᒋᔭᐅᓂᐊᕐᐳᖓ ᑭᖑᕚᒃᓴᕐᓄᓪᓗ ᒎᑎᒋᔭᐅᔪᒫᕆᕗᖓ.

“ᑕᑯᒋᑦ, ᐊᖏᖃᑎᒌᒍᑎᓕᐅᕐᐳᖓ ᐃᓕᖕᓄᑦ, ᓯᕗᓕᕆᔭᐅᔪᒫᕋᕕᑦ ᐃᓅᖃᑎᒌᒡᔪᐊᓄᑦ ᐅᓄᕐᑐᓄᑦ.

ᒎᑎᐅᑉ ᑭᐅᕚ, “ᑍᒫᖑᓐᖏᓚᖅ, ᓄᓕᐊᕕᑦ ᓵᕋᐅᑉ ᐃᕐᓂᕐᑖᕐᑎᑦᓱᒫᕐᐹᑎᑦ, ᐊᑎᖃᕐᑎᑦᓱᒫᕐᐸᓪᓗ ᐂᓴᑭᒥᒃ, ᐊᖏᖃᑎᒌᒃᓯᒪᓂᕋ ᑲᔪᓯᑎᓐᓂᐊᕋᒃᑯ ᑖᑦᓱᒨᓇ ᑭᖑᕚᒃᓴᖏᓐᓄᑦ ᐊᖏᖃᑎᒌᒍᑎᓕᐊᕋ ᑕᒪᓐᓇ ᐃᓱᖃᖏᑦᑑᖕᒪᑦ ᑭᖑᕚᖏᓐᓄᓪᓗ ᑐᕌᖓᔪᒫᕆᕗᖅ ᑭᖑᓂᖓᓂ.

ᑕᒪᓐᓇᓗ ᓄᓇ ᐃᓕᖕᓄᑦ ᑐᓂᓂᐊᕐᐸᕋ, ᑭᖑᕚᒃᓴᕐᓄᓪᓗ ᑭᖑᓂᕐᓂ. ᑕᒪᓐᓇ ᓄᓇ ᓂᐅᕐᕈᐊᖑᕕᒋᔧᑦ, ᑕᒪᓐᓇᓕᒫᕐᓗ ᓄᓇ ᑬᓇᓂ, ᓄᓇᒋᔪᒫᕐᐸᓯ ᐃᓱᖃᖏᑦᑐᒧᑦ; ᐅᕙᖓᓗ ᑖᒃᑯᓄᖓ ᒎᑎᒋᔭᐅᔪᒫᕐᐳᖓ.”

ᐂᑉᕋᕼᐋᒻᓗ ᐅᑯᕗᖅ ᑮᓇᓂ ᒪᓂᖅᑲᒧᑦ ᐊᒃᑐᕐᑎᓪᓗᒍ, ᐃᒡᓚᕈᓱᓕᕐᐳᖅ, ᐃᓱᒪᓕᕋᒥ, “ᐊᖑᑦ ᕿᑐᕐᖓᕐᑖᕈᓐᓇᕐᐹ 100ᓂᒃ ᐊᕐᕌᒍᖃᓕᕐᓗᓃ? ᓵᕋᓗ ᕿᑐᕐᖓᕐᑖᕈᓐᓇᕐᐹ 90ᓂᒃ ᐊᕐᕌᒍᖃᓕᕐᓗᓂ?”

ᒎᑎᓗ ᐂᑉᕋᕼᐋᒧᑦ ᐅᖃᕐᐳᖅ, ᓄᓕᐊᑦ ᓴᕅ ᐊᑎᖃᕐᓂᐊᕈᓐᓃᕐᐳᖅ ᓴᕅᒥᒃ, ᐊᑎᖃᕐᓂᐊᓕᕐᐳᕐᓕ ᓵᕋᒥᒃ.

ᑭᐱᔭᐅᔪᒃᓴᐅᕗᓯ ᐊᖑᑎᓕᒫᑦ ᐅᓕᕝᕙᖏᑦ; ᑕᒪᓐᓇᓗ ᓇᓗᓁᒃᑯᑕᐅᓂᐊᕐᐳᖅ ᐊᖏᖃᑎᒌᒍᑎᑦᑎᓐᓄᑦ ᐅᕙᓐᓄᑦ ᐃᓕᖕᓄᓪᓗ.

ᐊᖏᖃᑎᒌᒍᑎᒐᓕ ᑲᔪᓯᑎᑦᓱᒫᕐᐸᕋ ᐂᓴᑭᒃᑯᑦ, ᐊᕐᕌᒍᑉᐸᑦ ᐃᓅᔪᒫᕐᐳᖅ ᓵᕋᒃᑯᑦ, ᑕᒪᓐᓇ ᐊᑐᕐᑐᖅ ᓇᓪᓕᐅᑎᖕᒥᒃᐸᑦ ᐊᕐᕌᒎᔪᒫᕐᑐᖅ.”

ᐃᕐᓂᐊᖑᔪᑦ ᐅᓪᓗᖃᓕᕐᐸᑕ ᓯᑕᒪᐅᔪᕐᑐᓂᒃ ᑭᐱᔭᐅᔪᒃᓴᐅᕗᑦ, ᐊᖑᑎᓕᒫᑦ ᑭᖑᕚᑦᓯᓐᓂ, ᐃᓕᑦᓯᓐᓂ ᐃᕐᓂᕐᑖᕆᔭᐅᔪᑦ, ᑮᓇᐅᔭᒧᓪᓗ ᓂᐅᕕᐊᖑᓯᒪᔪᑦ ᐊᒡᓛᑦ ᕿᑐᕐᖓᕆᓐᖏᑕᕋᓗᐊᓯ ᑭᐱᔭᐅᔪᒃᓴᐅᒋᕗᑦ. ᐃᓕᑦᓯᓐᓂ ᐃᕐᓂᐊᖑᔪᓕᒫᑦ ᑮᓇᐅᔭᓄᓪᓗ ᓂᐅᕕᐊᕆᓯᒪᔭᓯ ᐃᓕᑦᓯᓐᓃᑦᑐᑦ ᐃᕐᓂᖏᑦ, ᑭᐱᔭᐅᔭᕆᐊᖃᕐᐳᑦ. ᐊᖏᖃᑎᒌᒍᑎᒐ ᐅᕕᓂᑦᓯᓐᓃᓐᓂᐊᕐᒪᑦ ᐃᓱᖃᖏᑦᑐᒧᑦ ᓇᓗᓁᒃᑯᑕᐅᓗᓂ.