Jenesis 2の有名な聖句

シェア

Dastawe nao, man hemi mas lusim mami an dadi blong hem, an hemi mas joen wetem waef blong hem, an tufala bae i kamap wanfala nomoa.

Nao Yawe God hemi tok olsem, “Hemi nogud wea man ya hemi stap seleva. Hemi moabeta fo mi mekem wanfala fren blong hem wea i fitim hem, mekem hemi helpem hem.”

Nao Yawe hemi tekem graon an hemi mekem wanfala man long hem, an hemi blou long nous blong hem fo mekem hemi garem laef. Nao long wei ya, man ya hemi laef.

An taem man ya hemi lukim hem, hemi tok olsem, “Hem nao barava fren blong mi. Bon blong hem hemi kamaot long bon blong mi, an bodi blong hem hemi kamaot long bodi blong mi. Bae nem blong hem nao Woman, bikos hemi kamaot long man.”

Nao hemi blesim mekseven de ya, an hemi makemaot olsem mekseven de blong wik hemi tambu, bikos fastaem, hemi no waka long de ya, hemi res nao, bikos waka blong hem ya fo mekem evrisamting wea i stap, hemi finis.

Nao man ya wetem waef blong hem, tufala neket nomoa ya, bat tufala no filsem long tufala seleva.