ማትዎስ 5の有名な聖句

シェア

አሱ ቶና ቶኒሬ ዋሺ ዱስፌዎሶ? ቴጋ ድምታታኖሶ ዱሳን ኬያስ ፌ አሱሲክ ዙትራ ቻሬፋናሪ? ኤሲስማቶ አሱኒ ሜያ ንቶ ማአ ዎስቶሶን ብየሬ ሳማኪ አባንቲስን ኡልፍንሱሶነክ ቻሬፍኒትስ አሱ ዙታምባሴ አሲ ስና ቻሮጝዋ» ይ።

ንቶ ሀን ዳሲክ ቻሬፋዋ። ኣማስታ ኬቴራ ድ ካታማስ ኣቾናክ ኣፋዋ ችማናዉዛ።

ንብቤስ ካይም ስንና ባሶ፤ ሀኦሶን ብዮነር ስንና ቦርአ ሱስቶዋ።

ኦኮ ስና ዎስቶሶን፤ ማክቴሬ እክቴት ፌሴፌ ባሶ፤ ጋዉሶነር ስንና ቦርአ፤ ሱስቶዋ።

ስኑንታኖ ታ ንቶክ ማኬፋውጙዋ፤ ጉማንትስን ሹንት፤ ንቶትን ካቡግሴፌ ባሶክ ሺጶት።

«ሀኦሲ ታቶ ባሶር ስንና ቦርአ፤ አማንቶቤሲሶን ሀኦስታ ዛግሴፋት፤ ቴትቤሲሶን፤ ዳ ኤጴፌ ባሶ ሱስቶዋ።

አሱኒን ጋንሲት ፌሴፌ ባሶ፤ ሀኦኒ ናንጎት ይስቴሬ፤ ቴግቶሶነር ስንና ቦርአ ሱስቶዋ።

ሀኦ ባሶክ ችማ እምንር ስንና ቦርአ፤ ሱሜት ፌሴፌ ባሶ ሱስቶዋ።

ኦኮ ስና ዉዛስ ቦርአ ካቡግቴሴፌ ባሶ፤ ሀኦሲ ታቶ ባሶር ስንና ቦርአ ሱስቶዋ።

ፌሹን ይሴፌ ባሶ፤ ባሶክ ፌሹን ኡስቶኒር ስንና ቦርአ ሱስቶዋ።

«ታ ቦርአ አሱኒ ሜያ ንቶትን ሜእኤፌ ካባሲክናዋ ካቡግሴፌ ካባሲክና ደይ ኤሻክ ሱንትሶን ማግስሴፌ ካባሲክ ንቶ ሱስቶዋ። ዋግኒትስ ደን ሳማክ አካማ ስንና ቦርአ ግሮትዋ። ደይ አካማኖን ግሮት። ንቶስታን ዜምሜ ፌ ራጁኒ ሜያስታ ኤሲስማቶቱ ሻና ካትሴቴዋ» ይ።

ቴትቤሲሶን ዳ ኤጴፌ ባሶ፤ ሀን ዳሶን ዋራሶሶነር ስንና ቦርአ፤ ሱስቶዋ።

ደይ የሱስ፦ «ንቶ ሀን ዳስ ካዎዋ። ስኑንታኖ ካዎስ ካርባ ትሽፋናነ ኣካግራ ካርንሪንሶ? ኤክ ጌሮ ሀእቴራ አሱኒ ዎቾስ የቶናስታኖ ኬአና ዉዛባ ኣፋዋ።

ኤስ ባሪ ቦርኣ ሳማኪ ፌ አባንቲስ ካይም ስንናማቶ ንቶ ደይ ካይም ስኒት» ይ።

ስኑንታኖ ንቶ ዎላስ «ኣ» ስንፋናነ «ኣ» ስኑን ወደይ «እንዳነ» ስንፋናነ «እንዳነ» ኡት። ኤስ ባርስታን ኦማስ ማጙሲክንዋ።

« ‹ኣፋሲክ ኣፋ፤ አይኣሲክ አይአ› ይስቴናማቶ ኦደትዋ። ታ ንቶክ ማኬፋውጙዋ፤ ማጙ ዉዛ ንቶስታ ዛግፌ አሱስን ጉማ ካስቶትታ። ስኑንታኖ ሆእታ ጋችኔሶን ቦቻ ባሪክ አልዳ ጋችኔሶን ደይ ሸልግራ ቤሱዋ።

ሆእታ ኣፍኔስ ኔን ቱሳስፋናነ ዎእራ ክሱዋ፤ አቱነ ዙቴራ ጌኒ ትርእማሲ ሀቶባስኔን አቱኔስን እሳሮን ቱርክፋታነ ዋያዋ። ሆእታ ኩሹኔስ ኔን ቱሳስፋናነ ካርአ ሀኡዋ፤ አቱኔስ ዙቴራ ጌኒ ትርእማሲ ሀቶባስኔን አቱኔስን እሳሮን ቱርክፋታነ ዋያዋ።