यूहन्‍ना 1の有名な聖句

シェア

तर जतिले उहाँलाई ग्रहण गरे, र उहाँको नाउँमाथि विश्‍वास गरे, तिनीहरू सबैलाई उहाँले परमेश्‍वरका सन्तान हुने अधिकार दिनुभयो

आदिमा वचन हुनुहुन्थ्यो र वचन परमेश्‍वरसँग हुनुहुन्थ्यो, अनि वचन परमेश्‍वर हुनुहुन्थ्यो।

ज्योति अन्धकारमा चम्कन्छ, तर अन्धकारले त्यसलाई चिनेन।

वचन देहधारी हुनुभयो, र हाम्रा बीचमा वास गर्नुभयो। हामीले उहाँको महिमा देखेका छौं अर्थात् पिताबाट आउनुभएको अद्वितीय पुत्रको महिमा, जो अनुग्रह र सत्यताले पूर्ण हुनुहुन्छ।

सबै कुराहरू उहाँद्वारा बनिए; बनाइएका कुराहरूमध्ये केही पनि उहाँविना बनिएन। उहाँमा जीवन थियो, अनि त्यो जीवन मानिसहरूको ज्योति थियो।

भोलिपल्ट यूहन्‍नाले येशूलाई आफूतिर आइरहनुभएको देखेर भने, “हेर, संसारको पाप उठाइलैजाने परमेश्‍वरका थुमा!

उहाँ संसारमा हुनुहुन्थ्यो, अनि संसार उहाँद्वारा नै बनिएको थियो, तापनि संसारले उहाँलाई चिनेन। उहाँ आफ्नैहरूकहाँ आउनुभयो, तर उहाँका आफ्नैहरूले उहाँलाई ग्रहण गरेनन्।

हरेक मानिसलाई ज्योति दिन, त्यो साँचो ज्योति संसारमा आउँदैहुनुहुन्थ्यो।

किनकि व्यवस्था मोशाद्वारा दिइयो, अनुग्रह र सत्यताचाहिँ येशू ख्रीष्‍टद्वारा आए।