یوحنا 10の有名な聖句

シェア

دُز نِمای مَر اَرِیَگه دُزی‌ بِهِه ئو بِکُشی ئو نابود بِهِه؛ مِه هاتِمَ تاگَه اونَل ژییاینو داشدوئی ئو چَل‌چَل اَژینو داشدوئی.

«مِنِم اَ شوئو خوءَ. شوئو خو گیو ووژَ مِهِئَه خِر کاوِرَلی.

کاوِرَل مِه گوشَ مَگِرِنَ دَنگ مِه، مِه اونِلَ مَشتاسِم ئو اونَل مانَ تُرّ مِنا.

مِه ژییاین ابدیَ موئَشخِمَ بینو، ئو هرگِس نابود نِموئن. هُیچ‌کس نِمَتونی اونَل اژ دس مِن اِربِراقِنی.

مِنِم اَ ’دِراخِلَ‘؛ اَرّ کسی اژ رئی مِه با اِنوم، نجادَ مَگِری، ئو راحتَ ما اِنوم ئو مَچوءَ دِریر ئو کُرِخَ مِهِئَه دی.

مِنِم اَ شوئو خوءَ. مِه کاوِرَل ووژمَ مَشتاسِم ئو کاوِرَل‌یش مِنَ مَشتاسِن،

باوَه‌م گه اونِلَ بَشخیَسیَ بینِم اژ کُل کَلِنگتِرَ، ئو هُیچ‌کس نِمَتونی اونَل اژ دس باوَه‌م اِربِراقِنی. مِن ئو باوَه‌م یَکی کیم.»

هُنَ گه باوَه مِنَ مَشتاسی ئو مِه باوَه مَشتاسِم. مِه گیون ووژمَ مَهَمَ خِر کاوِرَلِم.

هُیچ‌کس گیون مِه نِمَسینی، بلکِم مِه وَه دل ووژِم گیونمَ میَم. قدِرت‌واختیار دیرِم اَوَه بیَم ئو قدِرت‌واختیار دیرِم بِسینمیا. ایی حکمَ اژ باوَه‌م گِرتِمَ.»

اَسَه یِگِلی‌تِر وِتیَ بینو: «حخیختاً، موشِمَ بینتو، مِه اَرِه کاوِرَل،’دِراخِلِم‘؛

کسی گه اَرِه پیل کارَ مِهِه، اِجور شوئو نیَ ئو کاوِرَل هِن او نیِن، وخدی گه بوئینی گرگَ مای، کاوِرَل وِلَ مِهِه ئو مِحوای ئو گرگ اِریشتَ ماری اَرینو ئو اونَل اِرَمَراقِنی ئو اژ یَکونَه مَچویچِنی.

«حخیختاً، موشِمَ بینتو، اَ کسَ گه اژ دِراخِل کُرِنگ نَچو اِنوم، بلکِم اژ رئی‌ای‌تِرا بِچو اِسَر، اَوَه دُز ئو مِلَه‌بگیرَ.