मरकुस 2の有名な聖句

シェア

जौ सुनकै ईसु नै उनसै कैई, “भले चंगौ कै बैद की जरूरत ना, पर बेमारौं कै है। मैं धरमिऔं कै ना, पर पापिऔं कै बचानै आओ हौं।”

और ईसु नै उन आदमिऔ को बिसवास देखकै फालस बारे रोगी सै कैई, “बेटा, तेरे पाप माफ हो गए।”

ईसु नै उनसै कैई, “सब्‍त को दिन आदमिऔ के ताँई बनो है, ना कै आदमी सब्‍त के दिन के ताँई।

जादा भीड़ होनै की बजै सै बे उस बेमार कै ईसु के धौंरे ना ला सके; तौ जहाँ ईसु हो उनौनै बहाँ की खपड़ैल हटाकै जघै बना लई, और बा आदमी कै खटिया समेत नीचे उतार दओ।

पर तुमकै पतो हो जाऐ कै आदमी के लौंड़ा कै इस धरती मै पाप माफ कन्‍नै को हक मिलो भओ है।” तब ईसु नै उस फालस के मारे भए सै कैई, “मैं तेसै कैरओ हौं, ‘उठ, अपनो सितरो उठा और अपने घर जा।’”

आसान बात का है, इस फालस के मारे भए आदमी सै जौ कैनो कै, ‘तेरे पाप माफ भए’ या जौ, ‘उठ और अपनो सितरो उठा और चल फिर’?

और बौ उठकै खड़ो हो गओ और तुरन्‍त अपनो सितरो उठाकै सब आदमिऔ के देखते भए बाहार चलो गओ; और बे सबके सब बड़े अचम्बे मै पड़ गए, और परमेसर की बड़ाई करते भए कैललगे, ऐंसो तौ हमनै कबी ना देखो।