Иоанн 1の有名な聖句

シェア

Амма жив къабул гьавуразе ва жинда божаразе гьес рес кьуна Аллагьасул лъималлъун рукӀине.

Бищунго цебе букӀана РагӀи. РагӀи Аллагьасда аскӀоб букӀана. РагӀи букӀана Аллагьлъунги.

Гьеб Нур бецӀлъуда кунчӀун буго, бецӀлъиялда гьеб Нур киданиги къезабизе кӀвечӀо.

РагӀи инсанлъун лъугьана, баркаталъул ва хӀакъабщиналъул цӀурав инсанлъун лъугьун, нижеда цадахъ чӀана. Нижеда бихьана гьесул кӀодолъи – Инсул цохӀо вугев Васасул кӀодолъи.

Гьеб РагӀудалъун бижана кинабго. Бижарабщиналъул щибниги бижичӀо гьеб гьечӀого. Гьелъулъ букӀана чӀаголъи. Гьеб чӀаголъи букӀана гӀадамазе Нурлъун.

Нахъисеб къоялъ ГӀиса жиндаго аскӀове вачӀунев вихьидал, ЯхӀяца абуна: – Гьале дов – гьаб гӀаламалъул мунагь тӀаде босун къурбанлъун лъугьине бугеб Аллагьасул КьегӀер.

Гьеб Нур бачӀун букӀана гьелдалъун жиб бижараб дуниялалде, амма гӀаламалда гьеб лъачӀо. Жиндирго халкъалъухъе вачӀун вукӀана Нурлъун вугев чи, жиндирго халкъалъ гьев къабул гьавичӀо.

Гьеб ккола дуниялалде бачӀараб хӀакъаб Нур. Гьелъ гвангъизавун вуго щивав чи.

Къанун Мусахъ битӀун бачӀана Аллагьас, баркатги хӀакъабщинабги МасихӀ ГӀисадасан загьирлъана.