Marc 13の有名な聖句

シェア

Oma muetso ahngavinga anye gôébégô nôndéké omami. One angasipa gô gékuanô ngu na v’ekôdéô, angoobou.

Nôwema. Bakani géembemba géebogé. Nôsamenya nyee ôngabuéa mabégô mema.

Vangatsôpu anye na gôndé atsundédi, nômbiapanga ékebangana éne éngaba n’anye gôévovo. Vangaba anye va mbene atsundédi, vovoni éne éngabeendu anye na Nzambé. Esangavovo anye éngavovo te Gédidi SaNzambé.

Diôba na tsina dingoota na dingadimbana. Ivô Mabégô mami te môgunanza.

Gôsaba môma angoongôa émemya pitsi vo ndéô éngabuéa mabégô mema ivô te gô mbene n’okendô. Béyé n’asi g’ôba ayanzi aNzambé asamenya. Na me, Muana ANzambé tsamenya. Te amuene Téta asabômuni.

Nôngookô nzongodi yamabadi mandé gôpégôpé n’anyô, na tsangô yamabadi magôdagôda n’anyô. Nômbieena gomo. Mabadi mema mangabuéa. Ivô ésangaba ékôdéô éatsenge.

Tambô anye bakani misiki nôsamenya ndéône éngaviga kumu eba. Anganika, buétsé na dikoo, buétsé va gatse apitsi vo va tsôsône éamapanga, vo n’ongôngôe wetso. Nôwema kabaga aviga tsina na tsina anôdenga nôndé gô vio. Ene évovo me n’anye navovo te n’oma muetso mbe: Bakani n’ebagé géebaé.

Eongo évo éngagenya na évo éongo. Tsenge épo éngagenya na épo tsenge. Tsina éngatatéa gô dipo tsenge disitaté yangô na mbeego. Ayekani ahngookô nzaa gôsangabahngô na môyakô. Te gandé gégôngôta géôkô môgeto gébeenda mbe: muanee amahviga.

Buedi mbe Tsangô Eami Eamôsôba épangé éékédu gôndé oma muetso.

Oma angaviga atsua inami na angapata anguene mbe: Me te Christ. Ahnga bôméda oma ayekani.

Ivô anye bakani n’eodo gôndé anyene. Oma ahngakeda anye na gô yeba yamisoso. Ahnganôbômôa gô yeba yewanyéô. Nôngabuédu gô inami va mbene ane atômani, na va mbene amuene kumu éatsenge. Angookô inami vanganigôanye ahngô ômbanzanyô apie.

Gôngaviga eekédi adiboe angapata mbe: Me te Christ. Avo dôta angapata mbe: Me te môpandôédi amatasa maNzambé. Ahngatubéda émbégéa na angayanza mabégô manganyônganéôni masoongôa môma ésupua. Eetso éne gôébôméda oma. Buéyé ti na ane ahmasevôu na Nzambé.

Gô pitsiye dine, va mbene andéône éamaguga, kômbéne éngeemédu na ngondene ésangadôétsigéda midanga. Minangamie mingaaga g’ôba na bobokoboboko. Ane ahtôma ngudiye yava gatse atsina n’oba ahngatatéa.