1. Mose 27の有名な聖句

シェア

Mou dell tout o Devel brishin dran o bolepen oun boud rhapaske dran i phoub, boud djob oun mool. Menshe dran vavar themma hounte boudrenn touke oun vitsrenn pen tele glan toute. Vess ray pral tire phralende. Oun tiri dakre čave hounte vitsrenn pen tele glan toute. Kolla kay penenna, te vell tout bibarht, ap kolende vell bibarht. Oun kolla, kay penenna, te vell tout barht, ap kolende vell barht.

Koy penas o Esau: “Leskro lab hi čačepah Yakob. Yob rhorhras man kanna douy kope. Yob las mandar kova, hoy loms me, ko phoureder čavo. Oun kanna las lo peske ninna o Debleskri barht, hoy mange vals.” Oun palle poučas yob: “Hi tout kek lače laba mange?”

Koy penas leskro dad Isaak ap leste: Shoun, kote, kay djiveh, dell o bolepen kek brishin, vitar gar anell i phoub boud rhapaske. Tou djiveh kolestar, hoy tiro rharo anella touke, oun hounte boudress tiro phraleske. I dives vella, kay hadeh tout ap leste, oun moukeh les bouder gar ray pral toute te vell.

“Tata”, penas o Esau, “nay rakreh tou gar douy kope i barht vin? Rake ninna i Debleskri barht pral mande vin!” Oun o Esau rovas zoreles.