Lukasa 4の有名な聖句

シェア

“Ngohi ihilufungu de Ma Jou o Womaha ai kuaha, abe Una wohiiriki de wohihitagongo ngohino la o Abari ma Rorahai tohingahu-ngahu o hu-huha ma nyawaika. De Una wohihidingoto ngohi naa la tohingahu-ngahu abe o nyawa yatao-taokino ahao yahiluasa ma hohailoaika. De abe o nyawa yorafi-rafioka ahao ka idadi yomahioriki. De ona abe duru o kokangela ma goronaka Una wohihidingoto la tahihohe manga papakitino la yohupu ma hohailoaika. De Una woigo la ngohi tohingahu-ngahuoo abe ma oraha adonoka la nanga Baluhu idodutu Una duru waduhunu ai nyawaika.”

De o Yesusu wopaluhu enangika wato, “Masara Ngohi ko idadiua tonihingounu ani demoika, angamoi Ma Jou ai Demo-demoka naga moi itemo ato, ‘Ngini kiani nimahuba nia Baluhu idodutu Ma Jouika dika, de ko idadiua utuika ngini nioleleani.’”

Masara o Yesusu wopaluhu enangika wato, “Koua! Angamoi naga moi ai Demo-demoka ihitulihukuoka ato, ‘O nyawa manga wowango gea ka o rotinoua dika.’”

De o Yesusu iwiohiki ipahaino de Una duru iwilufungu de Ma Jou o Womaha. Ho Una wanoaika o Yorodani ma akere de Ma Jou o Womaha wihihira-hira o tonaka ma kakaahaika abe genangoka ko iwa o nyawa.

De o Yesusu wopaluhu enangika wato, “Koua, ko tomangumoua, angamoi nagali ihitulihukuoka Ma Jou ai Demo-demoka o hitiari naa abe itemo ato, ‘Ngini ufa niwitaili nia Baluhu idodutu Ma Jouika.’”

De hokogea o Ibilihi ma haeke iwitaili o Yesusika. Ho iwitaili ibooto de ahao iwinoaika de isoboka. De ena ka yododamaa dika de imalingi-lingiri o ngekomo o kiali apake la ka idadi ma moioli iwitaili Unangika.

De ahao o Ibilihi ma haeke iwiao o ngi moiiye abe duru kohagurutiye, de genangoka iwihimatoko o Yesusika o tonaka homoi-homoiika o dunia ma amokika abe ona yomahiparetaka, la gea mata-mata ka ma moi ka idadi wakokimake. De gea iwihimatoko Unangika de iwitemo ato, “Abeika naa ma hohailoa mata-mataika ka idadi tonihidoaka ngonaika la ahao idadi to ngona ani kuahaka, angamoi ena gea mata-mata to ngohi ahi kuahaka ho ngohi dika ka idadi tohidoaka onagonaika dika abe ahi hininga adaene onangika. Ho ngona iti natilabukuku ahi himangoka de nomahuba ngohino de gea mata-mata idadioka to ngona!” De o Yesusu wopaluhu enangika wato, “Masara Ngohi ko idadiua tonihingounu ani demoika, angamoi Ma Jou ai Demo-demoka naga moi itemo ato, ‘Ngini kiani nimahuba nia Baluhu idodutu Ma Jouika dika, de ko idadiua utuika ngini nioleleani.’”

De ahao o Ibilihi ma haeke iwiaoli o Yesusu o Yerusaleeme ma kotaika. De o Yerusaleemoka de iwikelenga o Yesusu Ma Jou ai Tau ma deturoka abe ma ngi gea duru ikurutiye. De genangoka o Ibilihi ma haeke iwihigaro o Yesusika ato, “Nako ngona nagou-goungu Ma Jou ai Ngofaka, abeika nomangumo genangoka de nauku dau ma tonakuku. Angamoi naga o demo moi abe ma dihiraino ihitulihukuoka ma titi Ma Jou ai Ngofaka abe itemo ato, ‘Ma Jou wahuloko ai momalaekatika la ona iniduhunu Ngonaika, ho gea inilegono de manga giama la ato ufa noruba de idadi abe ani badanga ma odiri. Ho ai momalaekata gea inigoana Ngona la ngaro ani lou yodigi o hakaruku ma ko ihigunoaua la gea idadi.’” De o Yesusu wopaluhu enangika wato, “Koua, ko tomangumoua, angamoi nagali ihitulihukuoka Ma Jou ai Demo-demoka o hitiari naa abe itemo ato, ‘Ngini ufa niwitaili nia Baluhu idodutu Ma Jouika.’”