Lukasa 12の有名な聖句

シェア

Ho nginioo kiani duru nimahidiai, angamoi ngini ko nihihiorikua ahao muruonoka de Ngohi o Nyawa ma Ngofaka ahao toboali.”

Masara koaho ngini niwileleani duru de nia hininga ma gahumu Ma Jou nia Koanoika. De nako nia hininga hokogea, Una ahao ka ihikaika winihidailako ti ngini nia perelu.”

De ahao o Yesusu wotemo o nyawa mata-mataika gea wato, “Ngini nihidodiai de nimagoana la ufa nia hininga ma horoodo inihipareta nginika. Angamoi nanga wowango ko ihititiua abe nanga kiahonangoka de aino.”

De Ngohi tato nako ngini nihitou-touniye nia kiahonanga naa o duniaka dika, gea inihitaana abe nia hininga ma dumutu duru o duniaika dika itagi. Masara nako ngini ka ihikaika nihitou-touniye nia utumu daku o Horogaka, gea imakohowono. Angamoi gea de ahao inihitaana abe nia hininga ma dumutu duru itagi ka o Horogaika dika. De gea ho Ngohi tinihigaro tato koaho ngini ka ihikaika nimahidailako nia utumu daku o Horogaka.” De hokogea o Yesusu ai dodotoko onangika abe wato ngaro ufa de yopusingi ma titi o duniaka ma kiahonanga.

“De nako hoka nia hiningaka de nihuha eko nihawana abe ma titi nia hidailako, masara gea nia huha duru ka parahaja dika ho ko idadiua iniduhunu nia hiningaka. Ho mode nia hininga ma huhaino gea de ka idadi iniduhunu ho hiadono nia wowango o duniaka naa niato utuohi niumuru? Duru ko idadiua!

De ahao o Yesusu wotemo iwinii-niikika wato, “De mangale ma titi ngone koaho ufa hahitihira o duniaka ma kiahonanga nanga wowangoka naa, ho naa Ngohi tinihigaro moi nginika. Abe nako niwiniiki ka Ma Jouika dika, gea ngaro ufa dika de nihawana de nipusingi abe niato nia wowango ma perelu o duniaka naa marai ko iniwedonua. Abe ngaro ti ngini nia inomo eko nia baju, ma ufa nipusingi enangika.

De hongoli to Una ai hininga itagi nginika nako de o totaleo ma hohumuduru gea! Abe ngini naa winihiorikoka abe ti ngini nia tadauru ma ngoe nia pea homoi-homoioka! De mangale ai dora gea nginika hiadono Ngohi tato ufa ngini nihawana, angamoi nako ngini de o totaleo ma hohumuduru ngaro o duduono moi, ma ka nginiohi duru nikurutiye Ma Jou ai himangoka, ho Una duru winigoana de winipaliara nginika.”

“De igoungu abe ngini Ma Jou ai nyawa ko niwoeua de nia kuaha hatoli ko iwa. Masara ufa nihawana, angamoi ti ngini nia Baba duru wosanangi dika winigorakiye la nidadi to Una ma hirete ai nyawa hiadono Una winihikoano nginika.”

“De abeika ngini niafikiri ma titi o koyo-koyo ma totaleo daku ma hoanino. Abe ma koyo-koyo gea ngaro ufa dika de ma inomo imadatomo eko imagutuku, de gea ena ngaro ufa yagogono ma inomo o rawongo ma goronaka la ahao naga to ena ma inomo. Angamoi Ma Jou Una gea ahao wohidailako to ena ma inomo enangika. De nako ngini naa de ma koyo-koyo, gea duru ka nginiohi nikurutiye Ma Jou ai himangoka. Ho mangale ma titi Una wohidailako to ena ma inomo ho ka idadi nihioriki abe ti nginioo nia inomo winihidailako.”

Ho ngini naa ufa nipusingi nia hiningaka de ufa nimatemo niato, ‘Naa bootino o kia haolomo? De o kia ngone haokere?’

“De naa ka idadi nimafikirohi. Abe Ma Jou Una gea duru wapaliara irahai ma bunga-bunga naa abe ka jai-jai dika de ipahaka, abe o wange naa nagahi masara ka de itebinino de ko iwaka. De mangale ma titi Una wapaliara irahai enangika abe jai-jai dika iwangoiye, ho hongoli ngini winipaliara duru irahai de winihidailako nia wowango ma perelu. Masara nako ngini ko nimahinganonua Unangika ma titi nia wowango ma hidailako, gea nimahitaanoka abe ti ngini nia ngongaku duru ko ibaluhuahi Unangika.

Angamoi ahao naga ma oraha abe o nyawa homoi-homoi manga hininga ma dola Ma Jou wahimatoko o nyawa mata-mataika. De ma oraha gea duru ko iwaka o nyawa manga dogogono manga hiningaka.