लुका 23の有名な聖句

シェア

हिट्‌ना बेला येसु नाड्‌डे पिगे, “हाउ आप्‍पो, नागा माफ पिडुचि, पोङ्‌भोने नागा पाक् ओचोक्‌येट्‌गा हिट्‌ना ठाहा ओटोगुन्‍ना॥” हिट्‌नुङ् उपिङ्‌बाचिङा येसु ओलोट्‌लिङ् हाम्‍मा लोङ्‌सा चिट्‌ठा ओठेन्‍डुए॥

येसुङा हिट्‌ना लोडुए, “छेम्‍बा डोक् खान् लोनाँ, हाट्‌ले डोक् खान् आङालोक् टोनालोग्‌ङि आलियुक्॥”

हिट्‌नुङ् हिट्‌नाङा येसु लोडुए, “हाउ येसु, खान् हाङ्‌बा आलियुङ् सासान् आचोगुना बेला आङा याङ्‌मिट्‌टा ए॥”

येसुङा आड्‌डिक् ठेना ओसोरा चोगुङ् राट्‌टाउङ् पिगे, “हाउ आप्‍पो माङ्‌हाङ्, आसोक्‍मा कामुक्‌ङि पिनाँ॥” हिट्‌नुङ् हिड्‌डे माट्‌टुङ् येसुङाना ओसोक्‍मा खाडे॥

हिट्‌नुङ् हिट्‌नागा नाम्‌जिङ् ओलोडुना डेन्‌ङि ओटासुए॥ हिट्‌नि येसु खाप्‍चेङि उछुडुए हिट्‌नुङ् हिट्‌नागाचि इप्‍पाङ् याङ्‌काखुट्‌चि ठिबाङ् येसुङा उछुप्‍टाङ्‌लेङ् हिट्‌नुङ् आरकोम्‍बाक् ओफेङ्‌साङ्‌लेङ् खाप्‍चेङि उछुडुचे॥

लेन्‍ना बारो बाजेलेङ् लिसेसाना॥ हिट्‌ना बेलाउङ्‌ना सुम्‍बोक् बेला सोम्‍मा देस टेप् डुम्‍बारिक् डुम् लिसे॥ नाम् ओनेट्‌नि हिट्‌नुङ् माङ्‌ठानाङि ओखेङ्‌सुएसुना पारदा इप्‍पोक् ओफारा लिसाउङ् उठुङ्‌लाम्‍मा उछिक् सोम्‍मा सेङ्‌से॥

हिट्‌नुङ् रोमि उपिङ्‌बाचिगा काप्‍तानङा नाड्‌डे लिसाना रिङ् निसुङ् नाड्‌डे पिक्‍सा माङ्‌हाङ्‌ङाना उनिङ् चोन्‍डुए, “छेम्‍बा डोक्, नाउम् धारमोति याप्‌मि रैछो॥”