Génesis 9の有名な聖句

シェア

Ënëx ka a ꞌunántiokin achúshi ñu mitsubëtan ꞌakin manutima okin, kamabi ñuina kamabëtanribi ꞌakë ꞌikën: ꞌën kana nón bai naí kuin kamanu anuaxa mëratiokin nan, ax ka achúshi ñu ꞌën mibëtan ꞌakësa ꞌiti ꞌikën.

Uínsaran kara nón bai kuínnu mëratia anu kana ꞌën a iskin, achúshi ñu nëtë́tima okin ꞌakë ax ka unikama ꞌimainun ñuina kamabi menu ꞌikëbëtan ꞌá ꞌikë kixun sinánti ꞌain.

Uin kara bëtsi uni ꞌaia, aka bëtsi unínribi ꞌati ꞌikën. Unix ka Nukën ꞌIbu Diosan a iskësabi okin unio ꞌikën usa ꞌain.

Nukën ꞌIbu Diosan ka upíokin sinánxunkin Noé ꞌimainun ain bëchikëkama, ësokin kakëxa: Kamina bëchipati mebi tsitsirui ꞌuákamë ꞌëoti ꞌain.

ꞌËn kana mi kain kamina kamabi ñuina ꞌimainun ñu ꞌapátankëxun bimia pianan kamina añu kaina pisatanin aribi piti ꞌain. ꞌËn kana akama mi ꞌinanin.

Kamabi ñuina ënë menu ꞌikë ax ka mitsumi rakuë́ti abáti ꞌikën. Kamabi ñuina suñunu nuánkë, men nikë ꞌimainun parúmpapa bakanu ꞌikë, akamax mitsubëira ꞌimabi mi ꞌura bukuti ꞌikën.

ꞌAínbi kamina mitsun, ¡ꞌitsaira bëchipakin atubëtan me tsitsirui ꞌuakamë ꞌëoti ꞌain!