Matie 4の有名な聖句

シェア

Ɔ gbää sa'aa, Zezwii lɛ naa: «Sɛ'ɛ yɩ cɛlɩɛ ‑mä Lagɔbɔgʋʋ 'mö nɩɩ: Lilea a 'yize, ma‑a 'nɩɛ 'nglɩ ‑kä, nɩkpɛ 'kä ‑bhölɩ, ‑maa wɛlɩɩ ‑yɩ wlʋä ‑mä Lagɔ a nglii, mɩɩ 'nyɛmɔɔ ‑bhölɩbhölɛ. »

Ɔ gbä'ɛɛ sa'aa, Zezwii lɛ naa: «Sataa, 'dionɩɩ gwë! ‑Maa sɛ'ɛ yɩ cɛlɩɛ ‑mä Lagɔbɔgʋʋ 'mö nɩɩ: ‑Na ‑lowli Lagɔ a 'yize a dlɩ 'mö, ‑lɛ ‑n kää ‑n 'kä ‑kokomïladigbï glu 'pä ‑n 'kɔ bʋbɔ. »

Ɔ gbää sa'aa, Zezwii lɛ naa: «Sɛ'ɛ yɩ cɛlɩ'ɛɛ nɩɩ: Tɩ ‑na ‑Lowli Lagɔ 'mö 'bɩa ɔ ‑käa bhɛnɩ a za. »

‑Mi'la 'plɩɛ 'wëë, 'n Lagɔ 'a 'Wugɔmʋʋ ‑nyɛ Zezwii yiɛ ‑mä 'muse 'klʋ mö, nzɩɩ Sataa 'kɔ ‑mä 'pä. Zezwii plɛnɩ 'ylɩ a gwlɩ 'sɔ 'mö su. Sabʋ 'n zlɩgä, ɔ'ɔɔ ‑lu li 'lɩlɩlɩ. Yɩ 'plɩɛ 'wëë 'n ngɔmʋ yoo 'lɩbhä.

'N ɔ yuëë wäzɩ, ɔ lɛ naa: «A nɩ yi a ‑kaa ‑gänɩ. Sɛ a sɛɛ zïbhïï 'nyu 'möö, n 'kanyɩ ‑sɩbhä na nɩkpa a sɛtɛlɩwa 'wʋ 'zʋa.» Ɔ 'nyʋää sa'a 'dɩ cuu, 'n wa yiɛ 'wa ‑dɛdɩɩ yɔwʋ 'bhöö, 'n wa yoo 'bɩwʋ bhlinɩ.

Zezwii ghlɛɛ ‑mä glɔ 'la 'möö, 'n ɔ yiɛ nɩkpabhë a 'yila 'klʋ Lagɔwɛlɩɩ a bhïlabhlu tɛɛ, ɔ lɛ naa: «A 'wuë, a nɩ ligba a 'kä 'a ‑lizokuu kɛ'mö ‑sɛ, ɛ'ɛ ‑bhö nyɩasɛ, ‑maa 'pɩwʋ mää Lagɔ 'kämanɩɛ yɛ 'dio.»