ማ̈ቶ̈ሳ 13の有名な聖句

シェア

ኢጊስ ሳ̈ዝ ጋልዳ ዜርቂ̇ንቲ̇ኖ ዜር ጋ̈ዚንዳ ቃ̈ሊን ሲስካ̇ር ፌ ቡ̈ዳ ጋርታ̇ ኤኪ̇ዝ ኣሴ። ዪዚ ዪ̈ዲ ኣ̈ፍ ካጺ̇̈ሬ፤ ፔታ̇ና̈ዲ ጼ̈ታ̇፣ ፔታ̇ና̈ዲ ሌሂ ታጳ̇፣ ፔታ̇ናዲ ዓይዚ̇ ታጳ̇ ኣ̈ፍ ካጺ̇̈ሬ” ጌይዴ።

ኣጚ ጊዳ̇ ጋርታ̇ ኬዲ̇ኖ ዜር ጋ̈ዚንዳ ጾ̈ሳ̇̇ ቃ̈ሊን ሲስኪ̇ዝ ኣሴ፥ ዎቲናካሬ ዓና̇ ኣላሚን ጋልዶ ቆፊኬ ቆሊን ካን ኢ ቡ̈ዲን ጋርታ̇ ጌላሪ ኢ ሲስኪ̇ኖ ቃ̈ሊን ቶ̈ራ ጩ̈ላ̇ክ ኤ̈̇ን ኣ̈ፍ ካጻካ̇ይ ኣቲ̈ሬ።

ጾ̈ሳ̇̇ ካ̈ቲቲንኮን ቃ̈ሊን ሲስካ̇ሪ ማሂ ኤልቅ ዎቲባ̈ሶ ና̈ሳ ጋልዳፖ̇ ሴ̈ጣኖ ዬ̈ሪ ኢ ቡ̈ዲን ጋርታ̇ ዜርቂ̇ንቲ̇ኖ ቃ̈ሊን ቡሪ ኤኪ̇̈ሬ። ዪና̇ ዪዚ ጎይ ቡጊድ ጋልዳ̇ ኬዲ̇ኖ ዜር ጋ̈ዚንዶ፤

ቁ̈ኣ ሳ̈ዝ ጋልዳ̇ ዜርቂ̇ንቲ̇ኖ ዜር ጋ̈ዚንዳ ቃ̈ሊን ሲስካ̇ሪ ኡፋይቲ̇ ኤኪ̇ዝ ና̈ሳዲፌ̈ኔ። ዎቲናካሬ ዓት ዪንዳ̇ ኢናብዶኬ ጻጳ ሚ̈ሻካ̇ዮኮታ̇ቦ ፔቲ̇ ሜታ ዎይ ዳስ̇ ፌ̈ኖ ባዚ ዬሌ̇ጌይን ኤሊ̇ባር ካ̈ዲ̈ሬ።

“ጾ̈ሳ̇̇ ካ̈ቲቲንዳ̇ ዎት ጋድ ጋርታ̇ ኣ̈ቺ̇ንቲ̇ኖ ቆሊንን ማይጻ̈ሬ። ፔቲ̇ ኣሲ ዪኖ̇ ቆሊንን ዲጛሪ ማሂ ቤስ̇ ኢና ኣ̈ቺ̇ዴ። ኢ ዎይሊን ኡፋይቲ̇ኖኮታ̇ቦ ሉካ̇ሪ ፌ̈ብ ዎ ባዝ ዎይ ኤ̈ጚ ዎጛር ዪኖ̇ ዎት ጋዲን ፌ̈ብ ዎጚ ኤኪ̇ዴ።

ሜላ ዜርን ኢጊስ ሳ̈ዝ ጋልዳ ኬዲ̇ ፉዳሪ ዎይሊን ኣ̈ፍ ካጺ̇ዴ ኢናፖ̇ ፔታ̇ኒ ጼ̈ታ፣ ፔታ̇ኒ ሌሂ ታጳ̇፣ ፔታ̇ኒ ዓይዚ̇ ታጳ̇ ኣ̈ፍ ካ̈ጺ̇ዴ።

ቴይሲ̇ዝ ኬል̇ ዬሊ̇ዝ ዲራ̈ስ ዜርቂ̇ንዲኬ ሌ̈ሺንዲክ ዎልኣ ዲጫ̇ጋ̈ቤ ኣሺ̇ብቴ̇፤ ቴይሲ̇ዝ ኬል̇ባራ ታ̈ኒ ቴይሲ̇ዝ ኣሳንኮ ቲ̈ኒታር ሌ̈ሺን ቆሪብቴ̇ ታማባር ሚቻ̇ንዳብ ሴ̈ራር ጋዲ̇ብቴ። ዜርቂ̇ን ሺ̈ሻ̇ር ቴ ዲኢን ጋርታ̇ ሚሺብቴ̇ ጋ̈ንዳ̇’ ” ጌይዴ።