Matthew 7の有名な聖句

シェア

Ḵanan os Jesus, “Anḵodaḵodaw ḵayu oḵyan ḵan Apudyus woḵ ittona ḵan diḵayu. Singsingtonyu oḵyan woḵ odasanyu ya iggaiggayu oḵyane anḵugḵug woḵ mabuḵtan onob para ḵan diḵayu.

Te ngaimane anḵodaw ḵan Apudyus maittan ya ngaimane ansingit, maḵaodas. Ḵad ngaiman ose anḵugḵug, mabuḵtan onob para ḵan siya.

Pun ḵanan Jesus we nangipani, “Losane andongoḻ ya tuttuwaona ḵoon da annae ibagaḵ, mipani si nalainge tagu we nantaḵad aḵ boḻoyna woḵ insaadna si labaw ni batu.

“Pun ḵoonyu'tta udum da pionyu we ḵoonda ḵan diḵayu te sana mungimung ni lintog Moses ya da intuttudun da profeta.”

Yaḵon gapu ta ansuḻpit lewangan ya ansigab daḻane umoy si biyag aḵ inggana ḵan Apudyus, aḵit da maḵaodas.”

Pinagatupan Jesus woḵ ḵanana, “Angoy ḵayu'tte ansuḻpite lewangan. Te aḻwa lewangan ḵan allasu daḻane umoy ad infiernu, ḵad gapu ta aḻwa ya allasu annae lewangan, adu da angoy.

Pun diḵayu we ḵabasbassuḻan, igammuyu we angitod si ambaḻu'tta abengyu, maguḻaman aḵ Amayu'd langit adina itton ambaḻu'tta anḵodaw ḵan siya. Sana mungimung ni tuttudun Jesus mipanggob atte luwaḻu.

Pun ḵanan os Jesus, “Adiyu ḵuwison da asintataguyu ta adin os Apudyus diḵayu ḵuwison. Te sa inon ni anḵuḵuwisyu'tta udum, siya bos inon ni anḵuḵuwis Apudyus ḵan diḵayu. Nu umamdan inonyu we anguwis atta udum, umamdan os inon Apudyus we anguwis ḵan diḵayu.

Sa andongoḻ ya adinapun tuttuwaon ḵoon, isuna nadong-oge tagu we nantaḵad aḵ boḻoyna si galgallis.

Ngaipam ay siya itotollong buḻaw si atan ni sunudnu ya adimpun maila setap si atam? Ngaipam ḵamman ḵanan atte sunudnu, ‘Ḵaanoḵ ud buḻaw si atam,’ ya annat setap si atam?

Ḵanan os Jesus we nangipani, “Ummanyu'tta sinan profeta we dumatong ḵan diḵayu. Te sa ḵatollonganda an-ammaydae isun di karnero yaḵon sa ḵatuttuwaan, isudan tanane asu we ḵuman. Maḵwa imatunanyu da tagu we ḵaḵnat atte anggugunayda. Isuda ḵayu we mimatunan si kalasin ni bungana. Daḵampun aḵ buḻasan taḵu bayabat atte ḵawayan ya daḵampun os aḵ buḻasan taḵu de fig atte laslasi.

Sa anggabae ḵayu ambaḻu ambubungana, sa dagele ḵad ose ḵayu lawweng ambubungana.

Sa anggaba ḵade ḵayu adipun amunga'ḵ lawweng ya sa dagele ḵad ose ḵayu adipun amunga'ḵ ambaḻu.

Ngaimane ḵayu we lawweng ambubungana, mapoḵpoḵ ya miballu si apuy.