MATHIE 19の有名な聖句

シェア

Jezwi nɛn mɛ́n yíchwɛmán, ló ńkránman nkɔn sa: – Áyí khúnbrɛn lókɔn, ákhɔ́nman se néphanmiɔn, khɛ́n Yankan yé áleli yíɛkɛ bhrií.

Lóyábhɛ nɛn, wo bha lé cu lí néphan mɔn, lókhɛ́n wo bhá jrɛn lephan brɛ. Lóhɛ́nthé, áyí khɛ́n Yankan bhɔha sibrɛ, olépɛ lephan obhuri.

Ló Jezwi tɔ sa: – Wú ɔ́n ne kan ábhwe abha Yankan hrɔ́ hrómɛn, khɛ́n étɔlé: “Ásithwá cí, Yankan tɛ sɛ le bhie ɔ́nmɔn, ló ńtɔ sa: Lóhɛ́nthé, sɛ bha yɔ́ mɛ́n the le mɛ́n man ɔ́nmɔn ká no gɛ mɛ́n bhia, ló wo mɔ́nmɔn wo bhá lí lephan brɛ.”

Ló Jezwi kranman nkɔn sa: – Tɛmɛ ɔ́n yɔ́ miɔ́ chɛ́-nchɛ́ khwá obhá mɛn yé, khɛ́n ɔ́n ne thú wo thá, átɛsalé néphan khɛ́n atɛsa ńmiɔ́ chɛ́-nchɛ́ lókɔn, wo nɔn Átho Bhringbi khúbhɛ́ li wo ékɛ.

Néphan búdúbúdú khɛ́n thénthé athwasi, bha sa phúji, ló néphan búdúbúdú khɛ́n thénthé aphuji, bha sa thwási.

Ló mɛn hɛ́nthé, néphan khɛ́n ábha yɔ́ wo nkhú, wo hɔnsɛ́nhɔn, wo hɔnmiáhɔn, wo the, wo man, wo miɔn, wo bithe khwá ɔn, wo bha gɛ lóyí lókɔn ńdɔn ya bhɔ́tho npɔ, ló lómánji wo bhá gɛ mɛpɔ́bhá álephú.

– Ló Jezwi krɛnmɛn sa, kasé ɛ́nɛn ɛlí lephan ayɔn dianthé ɔn, tɛmɛ ɛlo khwɛ́n hɛ yí khúnbrɛn ɛpɛ phɛ́lí, ɛbhó lójɛtɛn pɔ́ gbremán, ló ɛ́bha pɛ ajayí tré átho, lómánji ɛbhá, ló ɛgɛ mɛn thá.

Ló Jezwi kranman nkɛ sa: – Bí hɛ́nthé khɛ́n ɛ́bhi mɛn áyí ayɔn phɔ bhwe ɛ? Lephan míbrɛ nɔn ali lephan ayɔn. Kasé ɛ́nɛn ɛgɛ ńmɛpɔ́bhá álephú, tɛmɛ ɛji ábidí.

Lókhɛ́n mɛn cu mɛɛ́n kranmán hɔ́n gbée salé: mímí, ábha khɔnman sé frímú khókho-ngbɔwo khɛ́n ánman khɔ́ ákwɛ́ nɔ́n mɛn thándi. Lókhɛ́n lephan ali bhringbi ɔn, mɛ́n-ɛ, ábha khɔnman se kpɛ́ɛ́n khɛ́n ánman ká Yankan Bhringbi khúbhɛ́.

Mɛɛ́n kranmán hɔ́n gbée salé: kasé áleli ágbakhre yítɛ́ hɛ́nthé khɛ́n sɛ janli mɛ́n bhia khɛ́n ńphɛn bhie nankhɛ, sɛ lókɔn ɔn, átɛsalé bhie nɔn ánche.

Ló Jezwi kranman mɛ́n yíchwɛmán sa: – Mímí mɛɛ́n kranmán hɔ́n: ábha khɔnman sé bhringbi khɛ́n ánman ká Átho Bhringbi khúbhɛ́.