लूका 8の有名な聖句

シェア

पर से बीह् जे ठीक मिट्टी पर पे थिये, से तिन्हा मणूआं सांई हुन्दे, जे मन रे ठीक अते नेक, ते सच्चे मन कने परमेश्वर रे वचन जो सुणी करी तिन्हा पर चलदे ते तिन्हेरे सबर री वजह कने ही से खरा फल्ल लियान्दे।

जे बीह् झिल्लां अन्दर पे थिये, से तिन्हा मणूआं सांई हिन जे वचनां जो सुणी तां लिन्दे पर जां से अपणे ही रस्ते चलदे तां दुनियावी फिकर, धन-दौलत, जिन्दगी रा सुख, इन्हा सब चीजां रे हेठ दबी जान्दे, ते इन्हा सब गल्लां कने से अपणे विश्वास अन्दर नी बदधी पांदे

जे बीह् पथरिली मिट्टी पर पे थिये, से तिन्हा मणूआं सांई हुन्दे जे वचनां जो बड़े मजे कने सूणदे अते तिन्हा पर चलणा भी लग्गी पैंदे, पर वचन तिन्हेरे मना बिच पकड़ नी बणाई पांदा ते किच्‍छ बेल्ले तांइ से वचना पर विश्वास तां करदे पर, जां परखिणे रा बेल्ला आन्दा तां से बहकी जादें।

फिरी यीशु ने तिन्हा का पूच्छेया, कुते गेया तुसा रा विश्वास? पर चेल्‍ले डरे रे थिये अते हैरान भी थिये, से अप्पु-मिते बोलणा लगे, ए आखर है कुण, जे हनेरी अते पाणी जो हुकम दिन्दा ते से भी इसेरे हुक्मां जो झट्ट मन्नी लिन्दे हिन

जे बीह् रस्ते रे कनारे पे थिये से तिन्हा मणूआं सांई हिन, जे परमेश्वर रे वचनां जो सुणी तां लिन्दे पर शैतान तिन्हेरे मना का वचन जो कह्ड्डी लिन्दा ताकि से विश्वास नी करी सकण अते तिन्हेरा छुटकारा नी होई सको

किजोकी इदेया किच्‍छ भी लुह्के रा नी ए जे सामणे नी आणा, अते भेद किच्‍छ भी नी ए, जे जाणेया नी जाणा अते लौ बिच सामणे नी आणा

फिरी से जनानी समजी गई कि अवे मैं होर जादा देर तांइ लुह्की नी सकदी, तां से घबराई करी अते कम्दी-कम्दी यीशु रे पैरां पेई गई ते तिसने सबणी मणूआं जो दस्सेया कि मैं किजो यीशु जो छुत्तेया थिया अते तिन्हा जो छुन्दे ही मैं किय्यां ठीक होई गई यीशु ने तिस जनानी रे विश्वास जो दिख्खी करी बोल्लेया, ओ कुड़िए, तेरे विश्वास री वजह कने तेरा छुटकारा होया, अवे सांती कने चली जा।

फिरी चेल्‍लेयां ने यीशु जो जगाई करी बोल्लेया, मालक, ओ मालक, असा ड़ुब्बी जाणा! तिस्सी बेल्ले यीशु उठ्ठे अते तिन्हा हनेरी अते पाणी री छल्हार जो झिड़केया अते से रुकी गई, ते तित्ते सब किच्‍छ सांत होई गेया।